بدي نصيحتكم بليييز ,, اولد طبيعي و لا بعملية ؟؟؟

السلام عليكم و رحمة الله و بركاته

كيفكم أخواتي ,,, معلش حبيباتي اول مشاركة لإلي معكم و بلشت بالأسئلة ,,, بس و الله بدي مشورتكم بهالموضوع و يا ريت يلي عندها خبرة ما تبخل علي بنصيحتها ,, و متأكدة انكم ان شاء الله ما راح تقصروا معي

أنا أول ولادة لإلي من تلات سنوات كانت قيصرية (الحمد لله على كل حال )
و هلأ أنا حامل بطفلي التاني و من عشر أيام دخلت بشهري التاسع , و الدكتور بآخر زيارة شرحلي عن طريقة الولادة و خيرني اذا بدي اولد طبيعي

Vbac (ولادة طبيعية بعد عملية قيصرية)
أو إني أولد مرة ثانية بعملية (repeat C-section )


و هالشي (طريقة الولادة ) راح يبين او يتحدد على هوا شكل الشق الداخلي اللي بالرحم (شق العملية "عرضي او طولي " )

بمعني انه لو الشق طلع بشكل طولي من الداخل فما فيها نقاش راح يلزمني عملية قيصرية ,,
لكن المشكلة لو طلع الشق بشكل عرضي وقتها القرار لإلي اذا بدي اولد طبيعي او بعملية

بس المشكلة اذا ولدت طبيعي فيه احتمالية انه يصير معي تمزق بالرحم بسبب الشق اللي موجود و هالشي راح يسبب brain injury للبيبي
يعني تشوه دائم بالدماغ او حتى ممكن يموت لا سمح الله و هالشي ما بيقدر الدكتور انه يتفاداه أبداااا :(

أما بالنسبة لوضعي فانا و حظي هناك فرصة انه يصير معي نزيف خفيف او قوي و فيه ريسك او خطورة انه هالتمزق يمنعني اني احمل بالمستقبل او حتى احتمال يلزمني اشيل الرحم (لا سمح الله )

صحيح انه نسبة انه يصير معي هالتمزق كتيييييييير قليلة ,,, لكن بنفس الوقت أنا خايفة إني اخاطر و الواحد ما بيعرف شو بيصير معاه

فيا أخواتي بشو تنصحوني ,, لأنه الدكتور أعطاني ورقة أوقع عليها و بدو إياها بعد يومين و مكتوب فيها كل اللي كتبتلكم إياه و اني على علم باللي ممكن يصيرلي او للبيبي و انه القرار بيرجعلي و انه يخلي مسؤوليته لو صار معي أي من اللي ذكرتلكم اياه فوق لو ولدت طبيعي ووو الخ .

و الله محتاااااااارة و خايفة و مو عارفة شو اعمل :(,, أتوكل على الله و اعمل عملية قيصرية ? و هيك اضمن لي من أي مشاكل بعد الولادة الطبيعية أو إني أولد طبيعي ؟؟؟

يا ريت يا بنااااااات اللي ولدت بعملية بأول بطن و التاني ولدته طبيعي تقلي شو صار معها أو اللي بتعرف أي شي عن هالموضوع تنصحني ,,, بانتظار ردودكم حبيباتي