مرحبا
ابكمل لكم الجزء الثاني من تجاربي مع الخطابات
1- مره دق على جوالي رقم غريب ورديت
طلع واحد قال انا مطلق وعندي ولد وانا ضابط ودلتني عليك الخطابه وما قال اسمها وقال ابي اخذ رايك اولا
بس انا ما عطيته اي وجه وعلى طول سكرت الخط بس انقهرت من ها الخطابه ليش تعطيه رقمي وين حنا عايشين
انا على الاقل بنت كبيره وعاقله بس لو تتصل عليها بنت مرجوجه او مراهقه وولد لعاب كان ما عندها مانع تخليهم يكلمون بعض
2- وحده كلمتني عن واحد قلت كويس بس ابفكر وارد عليك وبعدين كلمتها على جوالها وردت بنتها وكانت بنفس الوقت الخطابه تكلم الرجال من هاتف ثاني تخيلو وتتكلم بصوت عال والرجال على الخط يسمعها تقول لبنتها اسئلي ظلع هل هي سمراء ولا بيضاء ووين ساكنين انا انجنيت قلت خلاص ما ابي قالت بنتها ليش حنا لعبه عندك مره تبين ومره لا قلت الرجال خلاص عرف اني داقه عليكم وموصيتكم امك افضحتني
3-ووحده تقنعني بسوري ومره اماراتي وبعدين تقول عمرك كبير تنازلي
4- ووحده قالت لي عندي شاب يبي زواج في السر ما يبي اهله يدرون وبعد فتره يبي يقولهم
5- والي تقنعني بمريض نفسي
واخيرا يا اخوات انا عرفت ان ها الخطابات ما عندهم الا المتزوج او الي فيه بلا او العاب لان بعض الخطابات يوزعون كروت على المحلات والاماكن ومن ثم يبدئون ها الشباب العابين يمارسون لعبهم
وكنت دائم افكر اقول كيف شاب توه يتصلون اهله ويوصون خطابه ويدفعون لها مبلغ يعني موقادرين يدورون له معقوله ما يعرفون احد لا والادهى والامر الي استغرب منه اكثر اذا الشاب نفسه هو الي يدق على ها الخطابه ويوصيها ويخطط معها يعني معقوله ماله احد يدور له وين امه اخته عمته خالته ووش الي حاده على كذا بعدين اكتشفت ان الي يسوي كذا لعاب وقد مرت علي عدت مواقف اثبتت صحة كلامي
وما اقول الا الله لايحوجنا وياكم لمثل ها الاشكال ويغنينا بفضله عمن سواه
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
قطعة قماش
•
الله يرزقك بالزوج الصالح
الصفحة الأخيرة