حبيباتي وغالياتي شخباركم ياقمورات؟؟؟
اليوم جبتلكم طريقة vanilla-latte تلبية لرغبات البنات إللي راسلوني على الخاص يطلبوا طريقتها وطريقة الشوكولاته الساخنه(طريقتي الخاصة)
وراح أنزلها لكم في موضوع ثاني بإذن الله
ألحين بعطيكم طريقة الفانيلا لاتيه
شوفوا ياغاليات في الأول أحب أعرفكم بمعنى كلمة لاتيه
((وهي كلمةتعني القهوة ممزوجه بالحليب)) وتتبع كلمة لاتيه النكهة التي ستكون ممزوجه بالخليب
مثل الشوكولاته أو النسكافيه أو الفانيليا أو الموكا وووووو غيرها الكثير..
عندي طريقتين للفانيلا لاتيه وحده مثلجه ووحدة ساخنه
((هذي الطرق من إختراعي ترى ومن أحد إكتشافاتي الرهيبة لأني من حبي في هالنوعيه من الكوفي سويت لها كتاااااب كااااامل راح تلقي الربط حقه آخر لينك في توقيعي في نهاية ردي على هذا الموضوع)) إذا حبيتي طبعا تتطلعي عليه تراه يشمل كل هالنوعيات والتشكيلات من اأنواع القهوة الرااائعه.
بالنسبة لطريقة الفانيلا لاتيه الساخنه
المقادير(لكوبين))
ملعقتين طعام حليب بودرة
3ملاعق طعام حليب أبو قوس أو حليب لونا
ملعقة طعام بودرة دريم ويب
ملعقة كبيرة من روح الفانيليا (بالنسبة لروح الفانيليا تراه موجود في قسم الكيك والدريم ويب بالسوبر ماركتات وبالتحديد في قسم ملونات الطعام والبيكنج بودر والفانيليا بس دوري تمام تلقيها((تراها سائلة وتجيكي في قوارير متوسطة الحجم أو صغيرة)) ومكتوب عليها روح الفانيليا..لو عندي سكنر كان نزلت لك صورتها..
4مغارف كبيرة من آيس كريم الفانيليا
ملعقتين من الكوفي ميت السائل(قشطة القهوة)) بنكهة الفرينش
(مبيض القهوة) تلقوها في الثلاجات ناحية الأجبان والألبان..وهيه مثل الكوفي ميت البودرة لكنها سائلة ومكتوب عليها (قشدة مبيضة للقهوة))
سكر حسب الرغبة
قليل من الماء البااارد((حسب الحاجة وحسب ثقل القهوة المطلوب)) ولازم بااارد
حبيباتي الطريقة راح تكون على مرحلتين طيب
المرحلة الأولى
تاخذي مغارف الآيسكريم وتضعينها في ركوة القهوة العدية وأتركيها تفور على النار حتى تذوب الآيسكريم وأضيفي له ربع ملعقة من روح الفانيليا((وليس كل المقدار إنتبهي))
وخليهم يفوروا على النار وبعدين أضيفي لهم الحليب أبو قوس ((ملعقتين منه))
طيب وخليهم على جنب
المرحلة الثانيه
جيبي خلاط العصير وحطي فيه مقدار الدريم ويب وملعقتين الحليب البودرة ومقدار الروح الفانيليا المتبقي وملعقة حليب أبو قوس المتبقية والكوفي ميت ..و6ملاعق من الماء البارد وأخلطيهم تمام لين يصيرو مثل الكريمة ..بعد كذه أبدي صبيهم(الكريمة)) بالتساوي في الأكواب..
وبعد كذه إبدأي صبي مزيج المرحلة الأولى(لازم يكون وصل لمرحلة الغليان وفااار تمااام)) ببطء شديد فوق المزيج الكريمي..
راح تطلع لك الكريمة فوق من خفتها
والخليط الساخن راح يفضلك تحت..
وللزينة حبيبتي ترشي على الوجه شوكولاتة غامقة مبشورة لكسر حدة اللون
أو لو حبيتي ترشي شوكولاته بيضاء مبشورة وبالهناء والعافية ياعمري
وأتمنى تعجبكم لأن صديقاتي ينجنووووا عليها..
تحياتي لكم
أختكم
أم جوانا