Analysis Services
كيفكم ياحلوات معليه طولت الغيبة بس جبتلكم شي مرة حلو ومريح ورخيص وماياخذ وقت
لفافات الموية هي عبارة عن لفافات بلاستيك قاسي معبأة ماء داخلها وقت ماتبغي تلفي شعرك
مالك غيرها لو جاتك خرجة على غفلة ولاتعبانة مافيكي حيل وقررتي قبلها بساعة إنك تروحي لاتترددي ولاتقولي مايمديني أستحم مايحتاج هيا تستخدم للشعر وهو جاف يعني مايكون مبلول لازم يكون جااااااااااااااااااااااااااااااااااااااااااااااف ناااااااااااااشف مااااااااااااااااااافيه مويه
والأحلى تحافظ عالشعر وماتقصفه ولاتحرق أطرافه وتنشفها زي لفافات الكهرباء ومكواة الفير
مرة تحمس ولا إيش رايكم ودحين جينا للطريقة

لوشعرك ناعم زيي مايحتاج سشوار على طول تاخذيها وتفكي كل لفافة من غطاها وتجيبي قدر تحطي فيه مويه حارة وتحطي فيه اللفافات بس الغطاء لأ خليه بره وتخليها تغلي عالنار لمدة 10 دقايق خلصت ال10 الدقايق طفي النار
وخذي اللفافات وحطيها على منشفه ونشفيها كويس من المويه بس بسرعه يعني مو أكثر من 5 دقايق عشان لاتبرد أوكيه
وخذي خصلة من الشعر ولفيها براحتك على فوق أو على تحت وبالطول إلي يعجبك طيب وغطيها بالغطاء حقها وهكذا وخليها ربع ساعة بس لو تبغيه ملفلف مرة
و10 دقايق لو تبغي اللف وسط
و5 دقايق لوتبغي اللف خفيف
وخلاص فكيها وأتوكلي على الله

ولو شعرك يحتاج سشوار تكوني مسشوراه مثلا من كم يوم أو في نفس اليوم عادي ماتفرق المهم يكون ناااااااااااشف مو مبلول وتستخدميها بنفس الطريقة

والله يابنات أنا مانفع معايا غيرها لأن شعري مرة ناعم سايح زي الهنود وكنت أبكي
أبغاه يتلف زي باقي البنات ومانفع معايا ولاشي غير هذه اللفافات وللأمانة لفافات الكهرباء كمان بس حرقتلي الأطراف أما هذه لا لأن حرارة بخار الموية هي إلي تلفلفه

وهذه صورتها



زي مانتوا شايفين العلبة فيها 12 حبة والعلبة سعرها 45 ريال
30-11-1425 هـ, 12:06 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بنات فينكم ولاوحدة ماأعطت رأيها
01-12-1425 هـ, 12:36 صباحاً
 
جزاكي الله وان شاء الله اجربها انا شعري ما يتلف بسهوله بس ياريت تقولين لي وين تنباع بجده
واكون شاكره لك وجزاكي الله على حرصك
اختك سفيرة الغربه
01-12-1425 هـ, 12:42 صباحاً
 
نسيت كلمة خير سامحيني
جزاااكي الله خير
01-12-1425 هـ, 12:43 صباحاً
 
روعه يا كتكوته
وانا شعرى ناعم ياليت ارسلتى لى وحده مع السيفيداب اليوم وصلنى

بس خيرها فى غيرها
01-12-1425 هـ, 12:56 صباحاً
 


الساعة الآن 11:21 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏