قوة حبيباتي سيدات الاعمال>> يزعم صج خخخ

الله يسلمكم الي تعرفني تدري اني حامل بالشهر السادس
وانا الحين اشتغل بشركه والدخل الحمد لله

بس قاعده افكر بعدين اذا ولدت وين بودي ولدي ..انا ماحب الخدم ولا احب اخلي اعيالي عندهم
عشان جذي قلت اسويلي مشروع يغنيني عن الشغل وفي نفس الوقت اعيالي معاي..

بس مو عارفه اشلون اقدر ازيد دخلي سواء بمشروع تجاري او بالاسهم او..

يعني اذا مشروع تجاري ..شنو ممكن افتح...
وانا مالي بالاسهم ولا اعرف لها..

ياريت من البنات الي عندهم محل وناجح يقدر يفيدني
واذا وحده تعرف بالاسهم تقولي اشلون وهل فيها امكانيه خساره

والله يجعلها في ميزان حسناتكم انشاءالله
ساعدوني علشان العيال مايتيتمون من غير امهم>>هذي سوتها فيلم هندي
30-11-1425 هـ, 04:06 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ذا عندج امكانيه شو رايج تفتحين حضانه للاطفال اللي امهاتم يشتغلون وفي نفس الوقت تشغلين مواطنات معاج محتاجات للشغل كذه اولادج بكون معاج وفيه شيء بعد شو رايج تفتحين جمنازيوم مع اللعاب للاطفال + دروس تقويه للاطفال يعني الحرمه اتي تدرب جمنازيوم واولادها اما يدرسون تقويه او يلعبون بالالعاب وكذا انتي وزبوناتج اولادكم معاكم مع الوقت فتي فيه صالون ومركز استشارات اسريه شو رايج بس للامانه شغلي مواطنات معاك لانهم يريدون يشتغلون باي شيء فانتي تستنفعي وتنفعي
واتمنى لك التوفيق ولو حبيتي توظفين بلغيني لانه عندي طابور ينتظر التوظيف في اي مكان
30-11-1425 هـ, 04:23 مساءً
 
اختي انا اشير عليكي بالمساهمه
والله رهيبه وارباحها هااااااااااااااااااائله

انتي ماعليكي الا تتعاقدين معاهم وهم يتداولون الاسهم وربحك يجيكي

35% فما فوق وانتي في بيتك

واذا تبين معلومات اكثر راسليني علئ الخاص
30-11-1425 هـ, 11:09 مساءً
 
moondark
حبيبتي الروضات عندنا على افا من يشيل من كثرهم
وبعدين يبيله راس مال قوي حق المبنى ولازم يكون مطابق لمعايير السلامه
وغير المدرسات والمربيات والاثاث يعني الصراحه وايد
على العموم مشكوره عيوني

##
المروقه
دزيت لج على الخاص
01-12-1425 هـ, 11:05 صباحاً
 
عندي لك اكثر من مشروع وكتبته لاكثر من عضوة في المنتدى:

(1) تحطي لك عامل يبيع لك بالونات مملؤه بالغاز وممكن يجيك طلب لعمل بالونات للحفلات .

(2) ممكن ماكينه الفشار( الذرة ) شغله سهله وتربح وما تكلف .

(3) حنايه هنديه في البيت تحني الناس.

(4) تحطي سياره تملئيها مستلزمات عائليه من ملابس وادوات مكتبيه وغيره وتلف على المنازل البعيده عن الاسواق.

(5) مشروع ماكينه تفقيس البيض احسبي تشتري ماكينه البيض وكرتون البيض الطازج ممكن 15 ريال وبعد ما تفرخ تبيعي الفرخ 3 ريال وعلى حسب كميه البيض ممكت 200 بيضه في الشهر 200*3= 600 ريال في الشهر.

(6) سياره تبيع الايس كريم او السندويتشات.

(7) عمل شاي وقهوة للاعراس والحفلات الخاصه.

(8) كاميرا وتحطي لك عامل يصور الناس والصورة عندنا في قطر 10 ريال شوفي الفيلم كم فيه وانت الكسبانه.

(9) عندي لكم فكره جديده وهي تجليد دفاتر تحضير الدروس وعمل حركات جميله على الاقلام . ممكن تاخذي الافكار من منتدى الاشغال اليدويه.

(10) عندي لك فكره جديده اذا انتي شاطره في عمل البيتي فور شي حلو.

(11) اذا انتي شاطره في الخياطه اعملي مخدات باشكال حلوه .

(12) عندي لك فكره حلوه للمواليد حنا عندنا في قطر مواليد الاطفال حديثي الولاده يسمون الثون ( ثوب العافيه) قيمته 5 ريال وهو عباره عن ثوب ابيض خفيف وعليه تطريز ناعم . مثلا اذا انتي اشتريتي متر القماش 5 ريال وخيطتي 5 ثياب 5*5=25 انتي الربحانه وبامكانك عمل غير الثوب حنا نسميه ( مهاد ) وهو عباره عن قطعه كبيره تلف على الطفل .

(13)فكره جديده وهي الزراعه تزرعي شتلات صغيره سواء نبات داخل المنزل او خارجه ( مثل شجر الظل) (النعناع والحبق والريحان وغيره كثير) .



هذه مجموعه مشاريع وغير مكلفه.
02-12-1425 هـ, 10:38 صباحاً
 


الساعة الآن 09:24 .