بليز بنوتات مين يعرف يسوي الدجاج الصدورالى يكون فوقه صلصه بيضاء مثل المطاعم الى يقدمونه دايم مع رز او بطاطا مشتهيته بليييييييييييييز بس الاسف مو عارفه اسمه
22-10-1431 هـ, 12:25 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لا اله الا الله
22-10-1431 هـ, 12:28 صباحاً
 
شوفي انا عندي طريقتي
وهي اني اضرب الدجاج ارققها شوي
بعدين احط قلايه عميقه شوي وفيها شوي زيت واحمر القطع فيها لين تستوي يعني تقريبا 4 دقايق كل جهه واذا القطع سميكه اكمل طبخها في الفرن
والقلايه ما اغسلها ولا انظفها لاني انا ابي الطعم اللي فيها
اجيب قطعة زبده واحمر فيها مشروم واذا حابه شرايح بصل بعدين اصب عليها كريمة خفق واذا ما عندي احط قشطه لين تثقل شوي وبعدين ملح وفلفل بعدين اصبها على الدجاج واقدمها

على فكره الدجاج يتبل بملح وفلفل وستشر صوص اذا عندك شوي صويا صوص وشوي كلام صوص(صلصة محار)
اذا ما توفرت الصوصات حكي ملح وفلفل وكزبره ناشفه وبابريكا
22-10-1431 هـ, 12:35 صباحاً
 
رفع
24-10-1431 هـ, 10:08 مساءً
 
عندي طريقتها احلى من المطاعم
اضربي الدجاج بالمطرقة ضرب مبرح الى إلين يصير كله نفس السماكه يعني كل صدر يكون متساوي .
، .
بعدين جهزي الدجاج بإنك ترشينه بملح وفلفل أو أي أعشاب أو بهارات تبين
مثل الزعتر البري مثلا أو أي شي ثاني تحبينه بعدين رشي علية دقيق من جميع الجهات الى ان يتغطى بالدقيق.
سخني المقله على حراره وسط ، بعدين حطي زبده وزيت أو زيت لحاله لو ماتبين زبده و أطبخي الدجاج إلين يتحمر ويستوي الوجه الأول
بعدين أقلبيه إلين يستوي الوجه الثاني بعدين أنقليه لصحن إلين تسوين الصوص.

للصوص لكل ٤ صدورتقريبا :
  • بصل أحمر مقطع صغاااار حوالي ملعقتين كبار أو حسب الرغبة
  • فص ثوم مقطع صغار
  • فطر مقطع شرايح (لازم طازج) حوالي كوب
  • نص كوب مرق دجاج(موب ماجي)
  • كوب قشطه خفق
  • ملعقة كبيره خل شيري ( إختياري)
بعد ما تطبخين الدجاج شيليه من المقله .. بعدين شيلي الدهن الزايدوبقي شوي بس كمية
تكفي إنها تغطي المقلة بدون ما تكون زايده .وبعدين أطبخي البصل بعد ما تنزلين الحرارة إلى أقل من الوسط.
أطبخي البصل إلين يذبل بعدين أرفعي الحرارة على أعلى شي وحطي ملعقتين كبار زبده و الفطر و أطبخيه مع التحريك بين كل فترة وفترة
إلين يتلون الفطر .الحين نزلي الحرارة لأقل من الوسط
بعدين حطي الثوم و أطبخيه إلينتطلع ريحته .بعدين حطي الخل وأخلطي شوي
بعدين حطي المرق و أمسحي قاع المقله زييين عشان تذوبين كل القطع البنيه اللي تكونت
من الفطر و طبخ الدجاج إلين ما يختفي كل المرق تقريبا ،
وبعدين حطي قشطة خفق و خليها تطبخ إلين توصل للثقل المطلوب .
آخر شي ذوقيها وعدلي الملح و الفلفل وبعدين رجعي الدجاج للصوص
لو تبغين عشان ترجعين تسخنينه شوي .
جربية واعطيني رايك بالوصفة اسمها بيكاتا
24-10-1431 هـ, 10:14 مساءً
 


الساعة الآن 07:00 .