السلام عليكم ورحمة الله وبركاته..{

بغيت مساعدتكم وياليت ماتردوني..


انا متخرجه وجدا طفشت من القعده بالبيت وماعندي هدف,,{

وبصراحه فكرت بمشروعه افيد فيه نفسي والبنات اللي قاعدين ببيوتهم وماااعندهم شي يشغلهم..

الموضووع بختصار شديد.. انا افكر افتح روضة اطفال..

وباخذ من عبداللطيف جميل قرض.. واتوقع قروضهم ماتتعدى ال60 الف..

طبعا المشروع ماراح يكون مربح بس ع الاقل بيشغلني .. بدل وقت الفراغ اللي انا فيه..

وانا عندي دراسه كامله بس متردده واتوقع اهلي ماراح يحمسووني ..

طبعا باخذ بيت اجار وبدور شي سعره معقول..

او شقه بدور ارضي..

وبجيب عاملتين نظافه.. وبوظف 5 او 6 بنات مبدائيا..

انا حاسه كويس بس حسبتي متوقفه على الاجار..

وبخصوص الترخيص لازم اني اطلع ترخيص بس مو عارفه كيف او وين..

بلييييز اللي تقدر تسال لي زوجها او اخوها او ابوها كيف اطلع ترخيص بروضة اطفال..

وابي بنات من بداية مشروعي يكونون معي..

والمشروع باذن الواحد الاحد بيكون كله سعوده ..

يالله يابنات ابي وقفتكم معي وتستفرون بخصوص الترخيص..

واللي حابه تنضمن للمشروع وتكون معي وتشاركني بافكارها واول مافتح المشروع تكون معي قلب وقالب ترسل لي ع الخاص..

وانا حيل متردده وابيكم ترفعون معنوياتي

اانا من الخبر.. وانتظر مساعدتكم
الله يوفقك ان شاء الله

عندي لك نصائح تنفعك ان شاء الله في مشروعك ..

اولاً لا تاخذي القرض من عبد اللطيف جميل .

قدمي على بنك التسليف ... دام معاكي شهادة جامعية ... بس جيبي شهادة خبرة من مدرسة .

الثانية . الاجار .. دوري على دور مناسب ان كانت بس حضانة .... او فلة صغيرة ان كانت روضة وتمهيدي .

اذا قدمتي على بنك التسليف ... جربي عن طريق النت .. وعبي الاستمارة تبع راسة الجدوى .

تدرين ليه اقول لك بنك التسليف ؟

لان فيه اتفاقيه ما بين صندوق تنمية الموارد البشرية و بين بنك التسليف و اسم هذا البرنامج المتفق بين الجهتين ... برنامج هدف .

وهو يتكفل بدفع رواتب جميع الموظفات في مشروعك القائم على قرض من بنك التسليف .

وانتي كذلك ...

صاحب المشروع المقترض بمنح راتب 3000 ريال
واي موظفة في المنشأة .. سعودية أو مقيمة ... 2000 ريال .
لمدة عامين .

حبيت افيدك باللي عندي .

مع اني سبق وسمعت كذلك .. انه اي منشأة توظف سعوديات صندوق تنمية الموارد البشرية تساهم بنصف راتب السعوديات فقط .


بالتوفيق ان شاء الله
سبحان الله وبحمده

سبحان الله العظيم
مشروعك حلو بس لازم تحسبينها صح
اهم شي المكان لازم يكون معروف وآمن يعني مو حي يخوف وكله مشاكل وافضل شي دوري عن حي فيه مجمع مدارس
والافضل لك انك تروحي لاي مدرسه وتطرحين عليهم الفكره
انك تفتحين عندهم حضانه خاصه فيهم واكيد راح يتقبلون الفكره
وفكري بأحتمال الخساره
هذا شي ضروري

وبالنسبه للترخيص
اول شي اعتقد لازم يكون عندك سجل تجاري هذا اعتقادي
والترخيص من البلديه

والله يوفقك اختي
الله يوفقك يارب وتتيسر امورك يارب
يسلمووو بنات ع المساعده وبنتظار البااقي


الساعة الآن 03:59 .