السلام عليكم ورحمة الله



دقتها و عجبتني و سويتها ما طلعت اوكي



تعرف شو




لغز حلوها وردوا علي



لي تعرف طريقة مضبوطة للبلاليط تكتبها و لها اجر عظيم عند الله



و شكرااااااااااااااااااااااااااااااا
02-12-1425 هـ, 02:46 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا سمورة
اولا الف حمدالله على السلامة وماتشوفين شر
وثانيا بالصدفة لقيت في المنتدي طريقة البلاليط الاماراتي
ربما تفيدك


طريقة البلاليط الإماراتي:
المقادير:
كيس بلاليط
فنجان ونصف سكر(فنجان القهوةالخليجية)
رأس بصل
ملعقة طعام زيت
قليل من الهيل
قليل من خيوط الزعفران
بيض واحدة أو اثنتان

**الطريقة**
تغلين ماء في قدر وعند الغليان تضعين عليه البلاليط...( من الممكن قبل السلق تاخذين ربع الكمية وتحمرينها في طاوة بدون زيت حتى تعطي ألوان متعددة ) عملية السلق تتراوح بين 3 - 5 دقائق ثم تصفينه من خلال مصفاة وتضيفين للبلاليط السكر وتمزجينه جيداً وبخفة..
تضعين ملعقة طعام زيت في القدر الذي سيتم فيه الطبخ وتضيفين البصل حتى يذيل قليلاً تم تضيفين له الهيل والزعفران وتضيفي له البيض ..عند نضج البيض تضيفين البلاليط وتقلبينه بخفة وتغطين القدر بقطعة ألومنيوم وتضعين عليها الغطاء وتخففين الحرارة جداً...يترك لمدة 5 دقائق حتى يتجانس الخليط ويقدم...
**ملاحظة من الممكن أن يقلى البيض عادي ويوضع على الوجه بدل مايخلط مع البصل

03-12-1425 هـ, 12:16 صباحاً
 
شوفي الغالية البلاليط مع البصل أنا ابد ما أحبه لكن خذي طريقتي وبسيطة للفطور وما ياخذ وقت
مقاديري كيس بلاليط
اربع فناجين سكر ( وهذا يرجع لذوقك بس انا اشوفه مناسب جدا )
من لتر الى ثلاث ارباع اللتر ماء

( شغلنا يعتمد على الثواني والدقايق )

خذي جزء من كيس البلايط وشقريه شوي عشان يكون بلاليطنا لونين
اغلي الماي مع شوية زيت ومن يغلي نزلي فيه البلاليط المشقر والبلاليط الباقي بالكيس وما تخلينه يغلي غير دقيقتين تقريبا وبعدين حطيه بالمصفاه ضعي عليه السكر الحين بدون ما تحركينه اتركيه ثواني خلالها ارجعي قدر الغلي على النار مع شوية زيت وممن تستخدمي زيت الزيتون بعد ذلك هاتي اللي بالمصفاه ( البلاليط المنثور عليه السكر ) وخليه بالقدر على النار لمدة دقيقة تقريبا بتشوفين انه استوى له ماء لأنه السكر يذوب عادى خليه على نار هادية وبعد ثواني لا تخلينه على النار وايد لأنه يذوب البلاليط ما يتحمل زود طبخ وبعدها اطفي النار وسوي له قرص بيض وبالهناء والعافية

ملاحظة ( البلاليط في كل مرحلة من مراحلة يزيد في النضج يعني لو تغلينه شوي وتشوفين انه بعده ما نضج راح ينضج في فترة وجوده مع السكر على النار ولك ان تضعي له منكهات وهي ماء الورد وهيل شوي خلال وجوده مع السكر على النار وانصح بتركه في قدره بعد ان تطفي عنه النار لمدة دقايق )

ان شاء اكون عرفت اوصف لج الطريقة بوضوح
03-12-1425 هـ, 08:29 صباحاً
 
وطريقتي مثل ام الأشبال بس بإختلاف بسيط...

أحمس نص كيس من البلاليط لين يحمر وأضيف له ماء حار وأخليه يغلى لمدة دقيقتين وأشخله

وأضيف عليه وهو في المشخله 3 فناجين سكر وهيل وزعفران وجرفه بودره ( دارسين )

وأحط زيت في الجدر ولما يسخن شويه اشيله وارش على البلاليط وهو في المشخله

وارجعه الجدر واحط شوية ماء ورد وبس...

وبالعافيه ....
04-12-1425 هـ, 09:30 صباحاً
 
إنزين خواتي
خبرونا عن نوع البلاليط اللي تستخدمونه ( اسم الشركة أو الماركة)
لأنه نوع عن نوع يفرق
وخاطري بنوعية جيدة ولذيذة
ومشكورين شهيتوني أسوي بلاليط
04-12-1425 هـ, 12:41 مساءً
 


الساعة الآن 03:18 .