الله يهون عليك ترى ماهو عيب اذا قلتي الجيرانك

اذكر وحده حامل ما تاكل في بيتها شئ واذا جيرانها اطبخوا تشم ريحه مطازيز وارسلت لهم قالوا لسا ماخلص قالت ابيه الحين انا جوعانه واكلته وطعمه عجين

شوفي حبيبتي انا ماشاء الله خبرة بخبز الصاج وبقولك طريقتي يابعد حيي اسمعي

بس لحظه مشكلتي المقادير على عيني يعني مااقيس ابد

انا احط تقريبا 3 اكواب طحين دبي شوي اسمر مو مرة يميل للبياض المشكلة توني قاطه كيسه على فكرة البر ترى ابد مايصلح حلاته فاتح الطحين بس مو ابيض مثل الكويت اتمنى فهمتي علي

طيب نكمل وتحطين ملعقه كبيرة خميرة مو مليانه مرة وتعجينينها بمويه دافيه وتكون مثل عجينة المرقوق تقريبا لاتسيلنها ترى ماراحح تضبط بعدين وخليها تخمر ساعه تقريبا

بعدين نظفي لك مكان على الرخام ورشي فيه طحين بعدين حطي بجنبك صحن فيه ماي وغمسييدك بالماي وقطعي من العجين لاتكبرينها لانك مبتدئه وحطيها على الطحين وحاولي تكورينها واركنيها على جنب كذا لين تخلصين زين الماء تدرين ليه حطينه عشان مايلزق العجين بيدك وكذا لين تخلصين الكمية زين

بعدين حبيبتي خوذي وحده وحده ورقيها بالنشابه او المرقاق ويكون شكلها دائري زين واهم شي من عند الاطراف رققيها بعدين نسفيها على يدك وطرقيها او ماادري وشلون اشرحلك يعني من يد الى يد اتمنى فهمتي علي وتكونين طبعا مولعه على الصاج وساخن وحطيها عليه وانتبهي لاتحتلرق من النص اذا تحمرت من النص ارفعيها وخلي الاطراف بس يعني بيدك امسكيها ارفعيها والله ماادري وشلون اشرحلك المهم وبس يالغلا

ملاحظه خوذي لك صاج صغير حبوبه وقبل لا ترقين العجين يعني بس مشكلته غسليه باليفة حديد وهو فيه الماء حطيه على النار وبعد ماتخلصين لا تغسلينه خليه لين يبرد ومسحيه بفوطه ناشفه علشان الطحين يروح وحطيه على جنب لين الاستخدام الثاني علشان مايحلي او يصدي

حبيبتي ترى فيه مخابز يسونه وش كثر بس اساليهم عن الخبز يعيني عشانك حامل اهون لك ولما تجيبينه بس سخنيه بالميكرويف او على النار وبس حبوبه

تدرين احسن شي خبز الصاج مع ايش مع مربى فراوله وجبن سايل بجنبه اممممممم ديشيليز واذا عندك اي استفسار خبريني حبوبه وانا حاضرة على العموم انا ناوية انزل موضوع عنه بس اتعلم على الاب الجديد ووشلون انزل الصور من تلفوني

رفع

الله يهون عليك الجريش فيه كذا طريقه هنا بالمنتدى ادحلي قسم اطباق عزيزة الساخنه او اكتبي في شريط البحث جريش

يا لبي قلبك وقلب الخرج والي انتي منهم الله يرزقك كل ماتتمنية ويبارك فيكي