طيب
وشلون طريقتك بالكبسة ؟؟
المهم
جيبي صدور دجاج مقطع + بصل وثوم وطماط وصلصة وفلفل حااااااااااااار ووملح وماجي واتركيها تنضج بعدين حطي عليها شوي ملعقين كزبرة مفرومة وشوي نعناع


واسلقي بقدر ثاني رز مع ليمون اسودن وحبتين قرفة وملح واجي موتو وزيت واسلقية نص سلقة
ثم

اشخلي الرز

وجيبي قدر وحطي طبقة رز وطبقة دجاج
الين يخلص المقدار
بعدين
حطيها علا النار شوي حتى تنظج
وقدميه
ملاحظة:
ممكن اضافة خضار(مثل بطاطس مكعبات مقلي مضاف لدجاج أو بازلا او شريح جزر او شريح باذنجان مقلي او شوي قرنبيط مقلي )
ممكن استبدال صدور الدجاج دجاجة مقطعة اثمان
ممكن استبدال الدجاج واضافة للحم مقطع مكعبات
او للحم مفروم
او سمك مقلي فيلية
او ربيان بس يقطع معة فلفل حار يميم
وهني
ترى الطريقة مرة سهلة
وخاصة اذا سويتي مقادير الدجاج وخليتيها بالفريز بس تطلعيها
وتسوين رز
وسلطة

الكبسه عندنا هي اللي تنكبس <<في قدر الضغط <<<مضغوط يعني

وانا متفقه على اسماء مع زوجي بس لا تضحكين
كبسه حمرا<<<< بلطماطم والصلصه

بيضا<<< ساده بلمرق

صفرا <<< بطماطم والكركم والبطاطس

اساس كل كبسه >>>> بصل وثوم والبهارات الصحيحه او المطحونه مو مشكله والدجاج والرز

تحمسين البصل والثوم المفروم مع الزيت تضيفين البهارات (فلفل :كمون :كزبره:بهارات الكبسه) والفلفل الشطه قرن صغنطوط صحيح مو مقطع يظيف نكهه جونان بعدين تقلبين الدجاج فيه او اللحم وتضيفين ماجي والماء المغلي تتركينه لين ما يستوي الدجاج تعدلين الملح وتظيفين الرز المنقوع وتظغطينه اي <<<تقفلين غطا القدر الضغط وتركبين الصفيره وترفعين النار اذا بدت الصفيره تصفر وطي النار على الآخر

هذا اذا تبينها بيضا

اذا حمرا قبل اضافة الماء حطي طماطمه مفرومه وملعقتين او 3صلصه وتكملين عادي

اذا صفرا اضيفي ثوم كثير يعني ضاعفيه مع البصل واضيفي قبل المويه حبه طماطمة مفرومه مع ملعقة كركم مع حبه بطاطس مقطعه وسط بعدين اضيفي الماء وكملي الطريقه وسلامتك

هذي طريقة ماما بس طبعا مو اسمائها حمرا وصفرا هذا اختراعي انا وابو الشباب..
رفع
ابقدم دوره ان شاء الله كلها متخصصه في الكبسات
مع بداية شهر ذي القعده
تابعينا




الساعة الآن 08:54 .