محشي الكوسة باللبن :

طبعا الاول جهزت الكوسة للحشو وغسلتها وجهزت الحشوة كانت عبارة عن: حوالي ربع كيلو لحمة مفرومة ( غير مطهية )
عليها بصلة متوسطة مفرومة وملح وفلفل وشطة بسيط ونص معلقة صغيرة سمنة وشبت وبقدونس مقطعين ومعلقتين اتنين بالظبط رز ( الرز لازم مايبقاش كتير لو كتير هاتبقي مش حلوة )
هانقلب الخليط دة في بعضه ونحشي بيه الكوسة انا عملت لغاية المرحلة دي ورصيتها في الصينية من بالليل وحطيتها قي التلاجة علي الرف اللي تحت الفريز وتاني يوم سويتها
لما جيت اسويها جبت مج لبن وحطيت عليه ملح وفلفل بسيط اوي وقلبت وسقيت بيه الكوسة وحطتها علي البوتجاز اخدت غلوة واحدة قفلت ونقلتها علي الفرن فورا
اللبن اللي بسقي بيه يوصل لغاية 3/4 الكوسة كدة
ولما دخلتها الفرن بعد شوية قلبتها علشان تشرب اللبن من جيع النواحي
ولما تستوي هانلاقيها شربت اللبن كله واتبقي من تحت زي قشطة كدة وبتبقي طعمهاروعه


الساعة الآن 10:29 .