السلام عليكم ...
حبيبتي بالنسبه لي أنا استخدم أبوخروف وباب الهند للرز الأبيض .. سبحان الله أطعم وأحلى وأخف ..
وبالنسبه للكبسه والبرياني استخدم الوليمه أحسن شي .. اتمنى أني أفدتك .. ولك تحياتي ,,,



المزه عندك اسامي كثيره مثل بو كاس و واليميه
شوفي كيف حبته مايله للون الاصفر

البسمتي نفس الشي انواع كثيره
مثل باب الهند بو خروف بو غزال وبو شماغ بسمتي
وحبه تجيه بيضا ونحيفه

وكل كيس يوضحون لك اذا مزه او بسمتي يكون مكتوب عليه

البرياني والمشخول الرز البسمتي تسلقينه نص سلقه
واذا تبينه للكبسه تقللين الماي وتخلينه على نار عليه لين يشربه وبعدين تقصرين عليه وعلى نار هاديه وتغطين القدر بالقصدير وماينفع تحطينه في الكاتم

البسمتي مايستحمل الطبخ وماي قليل
المزه يشرب ماي كثير


رز الفارس حلو ماشاء الله حمولتي يستخدمونه وعليهم كبسات تدوِّخ

بقولك طريقتي في طبخه

أول شيء نقعيه ربع ساعة في موية حاااارة
وفي القدر الكاتم // قدر الضغط //
سوي الكشنة اللي تعجبك وحطي عليها الدجاج وخليها حتى تنضج بعدين أضيفي الرز على مرقة الدجاج واولي يكون مستوى الموية عالي شوي حوالي 3 سم
// لأن رز الفارس يحتاج لموية كثير مع إنه منقوع ويحتاج لزيت //

وإن ما نفع معاك فمالك إلا رز الوليمة

أحلى وأطعم رز للكبسات والمدفونة ==> طراه مدفونة لوتس : D

لازم تنقعينه قبل الطبخ بحوالي ثلث ساعة في موية دافية
وتقللين مويته عند الطبخ

وخذي في بالك إن الرز كل ما طالت فترة النقع كل ماطالت الحبة لكن حاولي عند الطبخ ما تحركينه كثير علشان ما يتكسر


وبعد عندك رز الشعلان ممتاز
ورز أبو كاس ما يحتاج شهادتي فيه مجروحة

لكن ما ناسبني ومشى مع متطلباتي الذوقيّة << ارحمينا

غير رز الوليمة


أتمنى إني أفدتك وأي استفسار أنا جاهزة ==> مرابطة في الموضوع
فديتكمممممممممم مممم كلكم

وتوني انتبه للمعلومة هذي من سارونة الله يحفظها ويرزقها الفردوس الاعلى

ماكنت ادري ان رز بسمتي انواع فيه مزة والخ...


مشكوووووووووووو رات يالغوالي


والسموحة اذا استفسرت كثير لان انا عروس جديدة ولي شهرين بس توني اطبخ من شهرين ولكن ما شاء الله من زمان ليي نفس كثير حلو بالطبح وابي كبساااااااااااا ااااااااااااااا اااااات اسوي ياعالم احس رزي ابد مايسعد لان حبته عاديه احسة كانه للرز الابيض وبس



اتمنى تفيدوني اكثر بأفضل انواع الرز للكبسة

لاني نازلة اخر الاسبوع اشتري ماجلة البيت


وشكلي اكثر شي راح اخذ مزة

ولكن احترت مزة او ابو كاس او بو شماغ او الوليمة





سارونة تسلمي ع التصوير تعبتج يالغلا


موفقين


الساعة الآن 09:48 .