صباحكم فول وعدس كانكم داخلين الصبح ومسائكم فلافل كانكم داخلين بتآلي الليول
<<عليتس مزاج :icon20:
اخباركم حريمات يارب بخير
صراحتن موضوعي اليوم عشان
حمله قل خيرا او صمت
مو بس بالمنتدى بالحياه عامه يعني
<<وبشطح شطحات سلكوها
صراحتن احيانا كثيرا نجيب العيد بكلامنا
من منا لا يجيب العيد فااللذي يقول غير ذلك فهو صلوخاً <<ام اللغه اللي تعرفينها
يعني احيانا نفلت منا ومنا وبالكلام ونلطخ
بوجيه العالم واحنا موب قاصدين
واحيان نقول كلام ينفهم غلط
واحيانا يخونا التعبير<<ياكثر ماتصير
واحيانا تتكلمين محدن يعجبه كلامتس <<هذول قلعتهم دام الحق معتس
بس صراحتن يابنات اكتشفت شي خطير <<قل احلفي
اللي هو الصمت السكوت ((الانطمام <<مصطلح جديد كما جاء في معجم دلخ بن كمخان انها كلمه مأخوذه من كلمة انطم يعني اصمت:icon20: ))
اي الصمت وش بلاتس تقزين
وش اسمه تخيلوا يابنات
انا واعوذ بالله من كلمة انا على قولتهم اتبعت نصيحه عمي العزيز لبآآآه
و حطيت نفسي عالصامت في الجامعه خاصتا لان اغلب وقتي فيها
صاروا البنات يحومون حولي زي النمل <<عليتس مصطلحات
يبون يعرفون شاللي وراي وش اللي دوني
ممكن اضحك معهم هبال سوالف بس بحدود بس اغلب وقتي عالصامت
تخيلوا لدرجة انهم قاموا بس يحاولون يسحبون مني حكي<<حريم
مثلا وحده تجيني تقعد قدامي تقول يالله عيونتس فيها لمعه غريبه <<ادعسسس قسم اني مت من الضحك تبيني اقول اني احب مثلا
ولا الثانيه تقول يالله شكلتس راعيه بنات <<تبيني اقول ان في حياتي بنت ام التفكير
ولا مره احترقت شريحتي ماطلعت غيرها وصرت اداوم بدون جوال فتره <<طلعوا عني ان جوالي مسحوب مني واني واني
صرت شغلهم الشاغل
قسم ان السكوت يخليتس غامضه وجذابه ولتس هيبه
الحاقة التانيه
لا صار نقاش ولا شي
اذا كنتي عارفه ان الشخص اللي قدامتس النقاش معه عقيم وغاسله يدتس منه بكلوركس وفلاش
لاتناقشينه ابد كبري عقلتس واسكتي خليه يلقلق على كيفه
مثل نقاش مع البنات يموتون يفتحونه معي اللي هو حب البنت للبنت يوووه الا غصب طيب اقتنع بشي مو خاش مخي
ويقبعون علي لان كلامي مايعجبهم بس اسمع طاري الموضوع نو كومنت اسكت
مابي اجرح احد ولا اقط ذبات على احد ولا اتكلم على احد لانه بتنفتح بيبان كثير
فالسكوت هنا ابطل شي
الشي الثالث
اللي بتكلم فيه
حديث الرسول
((وَهَلْ يَكُبُّ النَّاسَ فِي النَّارِ عَلَى وُجُوهِهِمْ أَوْ عَلَى مَنَاخِرِهِمْ إِلَّا حَصَائِدُ أَلْسِنَتِهِمْ))
لا تخلوا جلسات الحريم من القص والحش والذب على ذي وذي
مع الفصفصه والشاي حتى من الحماس تلقين الوحده خشتها مزرعة فصفص
ولا اذا لابسه برقع تلقين قرنت البرقع هذا الخط اللي بالنص واصل نص عينها من زود الدهره بالسوالف:icon20:
واحيانا من الحماس تشاركينهم تحطين بذي وذي
وحسناتك حقت صلاتك وعبادك تبخرت
وينها طارت صارت صدقه جاريه لكل من هب ودب
حتى هنا بالمنتدى ياكثر الغيبه تلقينهم مستلمين عضوه حاطين حط فيها وهي نايمه في بيتهم مكبره المخده تحذف عليها الحسنات من كل جهه
ولا تقعد تحط بذي وتتمسخر على ذي وتهين الثانيه وتجرح مشاعر ذي <<باسم انه عاادي نت منتدى محد يعرفك
يمي ترى الله يشوفك راقبي الله بكلامتس
ماتدرين انه ممكن كلمه منتس تقطتس بالنار!!
((رب كلمة لا يلقي لها الإنسان بالاً يهوي بها في النار سبعين خريفاً ))
يالله وش تبون اكثر من كذا : (
بعض الحريم تلقينها عباده وصلاه وذكر وشكر وماتنام الليل كله تعبد
بس لسانها محدن سلم منه مابقى احد الا حطت فيه فلانه سوت علانه راحت
اعرف وحده شخصيا كذا
دينه لاخر درجه بس ورب البيت مايبقى احد ماتكلمت فيه لدرجه انها تكلمت باعراض بنات خلق الله سوت كبيره وهي غافله وتبلا على ذي وعلى ذي وتألف سوالف وخربت علاقات عوايل وهدمت بيوت وربي البيت انها كذا الله لايبلانا من جد !!
يمي الدين باخلاقتس مو بس ركعتي وصمتي قلتي دينه !
المسلم من سلم المسلمون من لسانه ويده
ولا تجي وحده تكتب هنا ردود بالمنتدى اعوذ بالله
تخيلي قطيتي كلمه
جرحت عضوه من العضوات وقعدت تحسب عليتس ليل نهار وانتي ماتدرين !!
ولا تجيتس بقسم الاسريه تقعد تعطي ذي وذي نصايح عبيطه اتحدى لو تسويها هي تهدم بيوت كذا بس تتسلى تضحك
يمكن اللي حاطه مشكلتها بزر بسرعه تصدق
مثلا تقولها
تطلقي وافتكي
تروح المسكينه تطلب الطلاق
وتخرب بيت كامل
خلاص قل خيرا او اصمت
والله يابنات اللسان مصيبه
قال تعالى ..(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
تخيلي كل كلمه تكتبينها ولا تقولينها انتي محاسبه عليها
كم كلمه تقولينها باليوم !!
راجعي نفستس كل يوم
انا اغتبت مين حشيت بمين جرحت مين ولا نصحت مين طيبت خاطر مين
عشان كذا الواحد اذا مايظمن لسانه يسكت احسن له
اخلي لساني يشهد معي موب ضدي
انصح اوسع صدر ذي بالضحك والسوالف الطيبه اطيب خاطر ذي
اخلي ذي تفضفضلي واساعدها اقولها كلام طيب
اقلها الكلمه الطيبه صدقه
خلي كلامتس طيب وشوفي كم صدقه تاخذينها باليوم !!
الشي الرابع
اطفالنا
ذاك اليوم رحت مع اختي صف اول ابتدائي المدرسه
المهم وانا قاعده امشي الا بنات سادس
قسم بالله قطوا كلام على بعض آه ياراسي
والله لو يسمعونه مني اهلي ان يقصون لساني
وغير اللعن يلعن امتس
يلعن يومتس
يلعن خيرتس
ليه طيب مافيه اهل يردعون
ولا ذاك اليوم رحت عند ناس عندهم ولد عمره 3 سنين
يجنن شكله بريء قلتله تعال حبيبي
تخيلوا وش قالي
شتوقعون يطلع من ورع عمره 3 سنين حتى ماتمها
قالي
اعن امس <<يلعن امتس :blink:
ياويل حالي يقول كذا وهو عمره 3 سنين وكل مايكبر كل ماتكبر مصطلحاته الشينه
غير الكلام الوسخ
المصيبه امه
عادي تضحك تقول عندنا البزران اذا ماقالوا كلام وصخ احس فيه شي مو طبيعي ماكبر !!
<<هذي العضوه انجلطت
ام تقول كذاا قسم بالله انفجعت
ولا الثانيه تعلم ولدها عالكذب رح قل ورح قل
ولا تعلمه يجيب الحكي ويتسمع
ليه حرام طفل في ذمتس
ليه تعلمينه الطبايع والكلام الشين
غسلت يدي يوم شفت امهات زي كذا
بدل ماتربينه على الكلام الزين والطبايع الزينه تشجعينه على هالاشياء
ياناس اطفالكم بذمتكم ربوهم تربيه زينه ولا بلاش تجيبون ورعان
من جد شي يعور القلب
ترى تربية طفلتس تنعكس على تربيتس انتي
كيف متربيه تربين طفلتس
وبس هذا اللي بخاطري
حطوا قدامكم هالايه
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
خلونا نرتقي شوي بكلامنا اولا
وخليتس مستمعه اكثر من متحدثه او بس اقري اذا كنتي بمنتدى اذا منتي ظامنه لسانتس
ثانيا
واطفالكم اطفالكم اطفالكم تراهم بذمتكم
وانتبهوا من افات اللسان
كذب غييه نميمه شهادة زور حش ذب كلام في اعراض خلق الله وحتى فيه نقطه بعد اللي هي تجيتس تفتي بشي ماتعرفه اكبر مصيبه !!
<<كل البلاوي تجي من ورى هاللسان
وبس احوووبكم واجد
ترى تفقعت عيوني وانا اكتب
وتغدوا عني <<جيعانه هههه
بس ولا يهمكم ترى شكرا لتس تثلج الصدر <<طراراه ذربه:icon20:
هذا فديو من اخراجي وتصميمي عن الكلمه الطيبه
اتحداكم تسوون زيه
<<امزحللتحـــميل
وبس اكرمكم الله