السلام عليكم بنات
كيفكم ياطبخات‏<‏‏<تقولها بحقد
انا ابي اقول سالفتي بلطبخ
هذي اول مره اكتب هنا لاني عمري ماطبخت ‏
وجاتني فتره قلت بتعلم عبالي السالفه كلها دقيق ومويه وتصير كيكه
واجيب كتاب طبخ وافتح والقي براونيز الشوكلا واقول ايه هذي هي الي بسويها
وامشي والله زي مو مكتوب وبعد دقائق قليله اطلع الكيكه ويحليلي متحمسه بقطعها الا هي ماتنقطع حجر قسم الشغاله تتمصخر تقول جيبي صاطور ااااااااااااه يالقهر مابقى الى الاندنوسيات يتمصخرون علي
قلت هين لااااا لليأس وبعد كم يوم اسوي تانيه وتحترق وينعاد مسلسل التمصخر من العايله المشكله محد يشجعك اقولهم بطبخلكم يقولون تكفين جيعانين نبي شي ناكله
المشكله مابطل واسوي واسوي وتخرب الين اخر شي امي تقول ترا الدقيق بفلوس لاتلعلبين فيه ليييييييييييييييه يايمه التحطيم
خذو بيدي وعلموني ‏‏<‏‏<متعوب ع الجمله هذي هع هع

المهم شسالفه ليه كل اكلي يخترب ليه ماعندي نفس ولاشسالفه امشي ع كل كلمه بلكتاب واتحمس وبعدين يجي شي ولايشبه الي بلكتاب بشي



قولولي العيب فيني ولا بلكتب يضحكون علي هههههههه




لا اله الا الله
28-10-1431 هـ, 03:08 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا وغلا والله ضحكتيني

امزح شوفي عزيزتي الطبخ يبغى ممارسه انا اتكلم عن تجربه والعيب مو منك لا بس تشجعي وخليك متواجده بالمطبخ مو تاكلين لا تطبخين وكل شي باالممارسه يمشي ابن ادم مايولد متعلم وانا اختك

اهلك يضحكون احسن من يضحك عليك بعدين000


دعواتي لك بالتوفيق حبيبتي
28-10-1431 هـ, 03:14 مساءً
 
لاابد مافيك عيب

صدقيني اكيد الخطا بكتبهم
هههههههههه


اسمعي الطبخه تراه ماتزبط من اول مره
وانتي شكلك ماتدلين درب المطبخ

يعني قاومي صعوبات الحياه عشان تصيرين
اكبر طباخه


وموفقه
28-10-1431 هـ, 03:14 مساءً
 
مشكورات حبايبي و****لله بكره تشوفوني مترززه زي البنات الي هنا واحط طبخاتي الخنفشاريه هههههه‏<‏‏<احلام اليقظه ههه

تحياتي لكم اسعدتني ردودكم


لا اله الا الله
28-10-1431 هـ, 03:19 مساءً
 
عادي يالغاليه ان يصير فيه شي يضبط معك وشي لا ولا تقفين عند صنف معين يعني جربي اليوم صنف وبكره صنف ثاني وعلى

هالطريقه واي شي يضبط معك دونيه واكتبي وش سويتي واللي ما ضبط معك سويه مره ومرتين وثلاث ولا تياسين ابد ترا ممكن

هالطريقه ماتضبط معك بنفس الاكله لكن بطريقه ثانيه بنفس هالاكله تضبط وكل انسان وقدراته اهم شي العزيمه والاصرار

ابقولك شي علشان يرفع من معنوياتك اختى تزوجت وهي ماتعرف الطبخ نهائي لانها ماتحب المطبخ وبعد زواجه اكتشفت ان حمواته

كلهن طباخات ماهرات وهي جلست تولول علينا لانها ماتبغى الفشيله وسخرية الحموات وبالاصرار صارت ماشاء الله تبارك الرحمان

طباخه وكل جديد عنده الله لايضره صح انه راحت خساير على اهلي وزوجه اللين تعلمت بس النتيجه تستاهل والحمد لله وانا ارجع

واقول لك لا تياسين ولا تسمعين كلام اللي يسخرون عادي تقبلي كل شي وخليك موطنه نفسك على كذا اللين ماتتقنين الطبخ ولا

تقولين لهم ابطبخ لكم اطبخي وانتي ساكته اذا ضبطت قدميها واذا لا حطيها بكيس النعمه ولا م****ف ولا من دري ولا تهزك شغالتكم

تراهن ينقهرن مننا لان عندنا خير ويحاولن انهن يلاقن مدخل يقللن من شاننا اعتذر يالغاليه على الاطاله بس ما حبيت ادخل موضوعك

ولا ارد
28-10-1431 هـ, 03:31 مساءً
 


الساعة الآن 11:12 .