اشتريت لي مؤخراً آلة الدونت
جربت أسوي فيها كيك ،، لأني شفت من قبل كيك شكله عجيب ومرتب

بس لمى استخدمتها ،، لاحظت إنه يحمر لي من تحت بس فوق يصير أبيض أو مبقع (يعني بقع أحمرت وبقع بيضاء)

والآلة تاخذ وقت حتى ينضج الي فيها ! هل أنتو بعد تاخذ معاكم وقت كثير ؟؟

في الحقيقة الكيك طلع لي كأنه بسكويت لأنه تأخر علشان ينضج وفي النهاية ما يحمر من الأعلى مع إنه ناضج من الداخل ..

هذي صورته وهو في الآلة ((أشقر من الأسفل ، وأبيض من الأعلى))


وهذي صورته النهائية ،، يظهر في الصورة بعض القطع بيضاء وهي التي تخص الجزء الأعلى للآلة ،، وبعضها شقراء وهي التي أحمرت على الجزء الأسفل من الآلة


على كلٍ ،، الآلة رجعتها وعطوني غيرها لأنها على الضمان
ولا جربت الجديدة

وأحتاج لخبرتكم في استخدامها حتى أطلع بأفضل النتايج ..

الاله الي عندي مختلفه عن الي انتي حاطتها

بس يمكن السبب هي الحراره المرتفعه والكيك الي تستخدمينه الكيك الجاهز ؟ لان الكيك الجاهز افضل شي مع الاله يتنفخ بسرعه .. وماياخذ معاي وقت ابصراحه

بعدين اللون وايد غامق عندج اهو يصير فرق بسيط باللون مو مثل الي انتي حاطته بالصور حتى الدونت الجاهزة لو تلاحظينها زين بتلاقين في جهه اغمق شوي من الجهه الثانيه


جربي الاله الجديده واستخدمي خليط الكيك الجاهز وشوفي شنو يصير وياج
عزيزتي فديتك ،،

في الصور الي فوق كنت مستخدمة طحين الكيك الجاهز ،،
والسبب في إن اللون غامق كثيراً هو إنني كنت أتركها لفترة طويلة بعض الشئ على أمل أن يحمّر الجزء الأعلى ... ولكنه يبقى أبيض دون فائدة ..
هلا السلام عليكم جميعاً ..

وكل عام وأنتم بخير بمناسبة عيد الأضحى المبارك .. وينعاد علينا وعليكم بالخير والمسراات ..

أختي بدر البدور** عذرا عزيزتي نسيت الموضوع
بس الحمد لله إني ذكرته ..
أقصد بجملتي ( أحس إن طعمه مثل اللي يقدموه لنا ) <<< إنه حلو مثل مايقدموا لنا

المشكلة الآلة اللي عندي لها درجة حرارة وحده وأصلاً هي من نحط الواير اللي لها تشتغل على طول يعني مافيها
زر تشغل وزر إطفاء لها .. ..

وبالنسبة للمقادير غالي والطلب رخيص ..
تفضلي ..

واحد ونصف كوب دقيق - كأس سكر - نصف كأس زيت - علبة زبادي - 3 بيضات - ملعقة بيكنج باودر قليل فانيلا

الطريقة ..
توضع المقادير السائلة في الخلاط الكهربائي للكيك وتخلط جيداً ثم يوضع البيكنج بادور والفانيلا ثم الدقيق ويخلط جيداً

تسخن آله الدونات الكهربائية ويوضع مقدار ملعقة وهكذا حتى انتهاء الكمية ..


أنا مرة بغيت أسوتيها وكان ماعندي زبادي جربت وحطيت لبن ( لبن مو حليب )
وطلع كمان نفس الشي ماختلف الطعم ..
اختي همس الفؤاد

يمكن هذا الخطا الي يخرب الكيك

لانه مثل ماقلت لج لازم يصير في فرق بين درجه اللون السطح العلوي عن السفلي
بس تحسين ان الكيكه استوت خلاص شيليها

واذا كان الكيك ابيض حطي معاه شويه زعفران عشان يضيع اللون ورشي على الكيك سكر ناعم




الساعة الآن 08:19 .