السلام عليكم و رحمة الله و بركاته
تعاملت مع بعض تاجرات المنتدى و صراحة تعامل راقي و مشرف
أولها مع الأخت المحبة للخير
و تعاملت معها أكثر من مرة و صراحة دقة في المواعيد و الأغراض ممتازة و دايما مع هدية
و وصف بضاعتها دقيق و شغل نظيف و الكريمات اللي أرسلتها أعجبتني كثير و كمان الزعتر و كل الشغلات الثانية
و فوق ذلك سلامة الشحنة و وصولها في وقتها خلال 3 أيام الى باب البيت
و كان بالها طويل لني أستفسر كثير قبل الشراء
ما شاء الله عليها

و تعاملت مع فارسة الأمارات و طلبت منها جل التنحيف و بودرة سمر كيك لي و لصديقاتي و تعاملها ممتاز و جابتلي البضاعة لحد باب بيتي

أما الأخت أم سعيد و أجار الباذنجان اللذيذ فما أنسى إنها كانت مريضة و مع ذلك أرسلت الأغراض و وصلتني بالوقت المناسب و شغلها مرتب و نظيف و لذيذ بس للأسف الدكتورة منعتني هالأيام عن الخللات عشان حنجرتي

أما الأخت أنستازيا و الأخت أمنيتي فحكايتهم حكاية مع الكحل كان بالهم طويل معي و وصلني الكحل لباب البيت و مع هدية دعوية رائعة

فجزاكن الله كل خير يا أخولت على حسن تعاملكن معي و صدقكن
و رزقكن الله من الحلال الطيب

و إن نسيت إحدى الأخوات فلتذكرني
جزاهن الله كل خير
والله أخواتي أنا تعاملت مع الأخت العزيزة المحبة للخير وكانت قمة في حسن الخلق والتعامل .

فقد بعثت لها بالمال ولكنه لم يصلها الى الأن فقامت هي ببعث الشحنة من كريم زهرة الياسمين مع بعض الشياء الأخرى كهدية منها وطلبت مني أن أعتبرهم هدية منهاوأن لا أبعث لها بالمال أبدا يعني بعد هالأخلاق مافي .
أحبكم في الله
اقتباس مشاركة  (*أميرة البحر*)
خواتي في أساليب وايده بعد عسب إتحرين صدق التاجرات في منهم يرفضن التعامل عن طريق الهاتف أو معرفة مكانها هاذيلا ينشك فيهن لكن أنا صراحه ماتعاملت مع حد بس جربت صدى الأشجان مره وطلبت رقمها عسب أشتري عنها بضاعه وماقصرت الصراحه رحبت وعطتني الرقم وأنا خواتي بعد تاجره وأرفض إستلم من أي وحده عربون إلا بوصل وما أسلمها بضاعتها لين إتأكد الزبونه من أن طلبيتها هي اللي طلبتها وبعدها أستلم باقي حقي والله يوفق الجميع
هلا اختي

بس حبيت اعقب على كلامج
مب كل وحدة تقولج ماقدر اعطيج رقمي يعني مب امينة
كل وحدة و ظروفها يالغالية
يمكن هالشي مب مسموح من ولي امرها مب منها

و انا حبيت انبهج لهالشي لانج طلبتي مني شنط و طلبتي رقمي
و انا قلت لج مب مسموح لي اعطي اي شخص ما اعرفه رقمي
بس التعامل بيكون امبينا بكل مصداقية و امانة
وشفتج كتبتي شكرا لج من غير اي كلام و اي تفاصيل

و انا الصراحة استغربت من غموضج
يعني ما قلتيلي تبين و لا قلتيلي لا
رديت اسألج و اعتذرت منج اذا زعلتي ولا شي لاني فعلا ماقدر
حتى عطيتج مجال اذا البضاعة ما عيبتج رديها

عموما يالغالية ابغي انبهج لهالنقطة
و الشخص ينعرف من التعامل مرات و مرات
مب بتوزيع الارقام

و الحمدلله رب العالمين نعمة الامانة مزروعة فيني حتى لو كان هالشي على حساب نفسي


شكرا لكم على الموضوع
االلي ممكن من خلاله نستشف اراء الزباين و التاجرات

و السموحة من الجميع
الموضوع غاااااوي ماشاءالله ويعرف عن التاجرات اللي الوحده تقدر تثق فيهم

تعرفت من خلال هذا المنتدى على مجموعة بنات ماشاءالله واااااااااايد محترمات ويتمون على اتصال عسب يتاكدون من الشى اللي سالت عنه

المبرقعه طلبت منها عينات مجانيه وماقصرت طرشتهن لي بسرعه بس استوت لي مشكله مع ارامكس في التوصيل بس يحليلها ما ارتاحت وتمينا على اتصال لين استلمت العينات
امثال طلبت منها مجموعة مكياج ووطلعت لها مشكله مع الشحن بس بعد ماخلتهم ودبرت لنا حل ثاني للشحن....... بس اشهد انها تعبت ويانا

والاخت شوشو222 كان التعامل وياها عكسي
يعني طلبت فرش لبيبي اختها ويوم استلمته عيبها وااااااا اااااايد ....... لاني كنت خايفه من رايها في شغلي
ونتيجة لذلك نفذت لها شنطه للبيبي وبدون مقابل............كنوع من الشكر والتقدير لها ولانها اول وحده طلبت مني في المنتدى ...

ومشكوووووووورات خواتي على طرح الموضوع
المجموعة الثانية من أشغالي
لا إلاه إلا أنت سبحانك إني كنت من الظالمين
حسبنا الله الذي لا إلاه إلا هو عليه توكلت وهو رب العرش العظيم






من أشغالي.....شو رايكم
انا تعاملت مع الاخت المحبه للخير

وجزاها الله كل خير عملت لي الطلبيه باسرع وقت وشغلها مضمون وحلو


الساعة الآن 07:04 .