انا عن نفسي تعاملت مع الأخوات من الإمارات :
أم مودي : خذت منها جهاز شبيه الجوز ورديتها لها مرة ثانية ، ماشاءالله عليها ذوق في التعامل والأخلاق.

كومبلكس: خذت من عندها صحون وني ذا بوه ماشاءالله عليها ثقة وقمة في الأخلاق لا بعد صبرت عليه وااايد هههه.
فاشن كيل: ماشاءالله عليها حبوبة وذوق واخلاق .

ريم الفلا: خذت من عندها عطر وصايف وما قصرت وياية وقمة في الذوق .

بنت البنات : كنت بتعامل معاها وكل مرة كنت اطلب منها شي ما كانت تيبلي اياهم يعني كانت تهمل موضوعي (عشان جي ما تعاملت وياها) بس بصراحة حبوبة وطيبة .

أما الأخوات غلي تعاملت وياهم من خارج الإمارات :

أول وحدة تعاملت وياها في المنتدى اخت عفريت: والله كثر ما راح اكتب و امدحها ما راح تصدقون قمة في الذوق والأخلاق حبوبة وانسانة طيوبة وما تقصر في شي وقد الثقة انا طلبت منها حبوب التخسيس ويباتلي اياهم خلال 4 أيام في الوقت المحدد البضاعة وصلت لي .

اخت رقيقة : ماشاءالله عليها ذوق وأخلاق كنت طالبة منها بضاعة من الكويت وهي ماشاءالله عليها ما قصرت ويايه وأهم شي انها صبرت عليه هههههه.

مايهم: ان شاءالله طلبيتي منها راااح توصل وراح اخبركم بس عن تعاملها وياية كلها ذوق واخلاق .

عشق23: حبوبة وطيبوبة وذوق واخلاق.

وسامحوني إذا ما يعبكم كلامي

وان شاءالله ناوية اتعامل مع أم عزوووز وصدى الأشجان

ان شاءالله بس ما نسيت حد
للرفع
ارسل رسالة فارغ الى الرقم التالي
(لعل الله يجعل لك من كل ضيق مخرجا)
جمعية الاطفال المعوقين 5050
غسل الدم لمرضى الفشل الكلوي 5060
جمعية مكافحة السرطان 5070
جمعية انسان لكفالة يتيم 5055
لاتنسوني من خالص الدعاء
انا ماتعاملت مع احد لحد الحين مع اني كنت ابي اتعامل مع كومبلكس واخذت رقم تلفونها عشان لما اجي الامارات اكلمها بس انشغلت وماتذكرت الا لما رجعت..وطبعا ندمانه لان كان نفشي في قوالب الكيك...
الحين انا بحط اسامي البنات اللي تقريبا الكل اجمع انهم اهل ثقة وان شاء الله نشوف بنات اكثر الفترة الجايه:
توته الحلوه
أم عزوز
بنت_البنات
complex1664
قمر ودلع
صاحبة همة
the mooni
صدى الأشجان
مهى
ريريتا
هايدي
الوصال
المسافرة
عفريت
ليالي دبي
والله مادري اذا نسيت حد ياريت تكتبونهم ونسوي القائمة
مشكوره اختى صاحبة الموضوع

اتعاملت مع الاخت افراح امه ثلاث طلبيات متفرقه وكانت قمه فى الذوق ويصل الطلب فى وقته

واتعاملت مع كتكوتة جده

وفعلا رائعه فى التعامل والحرص على وصول الطلب

وكل عام وانتن بخير يابنات المنتدى الرائع
أنا تعاملت مع الأختThe mooni
والله يوفقها من جد ذوق وأخلاق وطلبت منها أغراض أنا أبغاها من أمريكا وما قصرت أرسلتها لي وماخذت الا 12 يوم من يوم ما أرسلتها لي مع انه حقين البنك فشلوني هناك باأمريكا وعطوها المبلغ ناقص وسامحتني فيها...الله يوفقها من جد ذوق
واللي عجبني أكثر طريقة لفها للأغراض....مره مره روعه ومرتبه وحطت كل الأغراض مع بعض مع انها كثيره


الساعة الآن 01:59 .