السلام عليكم
من جربت الولادة او المتابعة بالحبيب العليا والحبيب الريان او احد تعرفه جربهم وتعرف الفروقات
براحتكم تبون تتكتبون ارتجالي مثلي
او تبون نقاط محددة مثل
الموقع ويشمل ازدحام الطريق
المواقف
الاستقبال
العيادات اطباء وتمريض
الصيدلية
المرافق العامة مثل الحمامات ركن الهدايا ركن الورد كفي شوب
غرف التنويم
الممرضات بقسم التنويم والاطباء
الاكل المقدم
اجرائات الدخول والخروج
العناية بالطفل المولود والام بعد الولادة والخروج من المستشفى
هل تنصحين باحد منهم اي الحبيب بالعليا او الريان
او تنصحين بمستشفى اخر طبعا السؤال للساكنات بالرياض فقط
هل تقترحين اقتراحات على المستشفى للتطوير
(يمامة نجد) @ymam_ngd_1
محررة برونزية
هذا الموضوع مغلق.
هل لديكم اقتراحات بالذات للي جربوه او يتابعوا فيه او يفكرون يتابعوا فيه بالمستقبل
اذا عندكم اقترحوا انا والله ما اشتغل هناك ولا اعرف حتى سليمان الحبيب
لكن افكر اتابع معاهم واولد عندهم لو ربي ثبت بي وكمل لي الحمل على خير لكن فيه اشياء ماتعجبني وابيها تتغير
افكراكلم علاقات المرضى او المسؤولين اطلب خدمات معينة طالما دافعين بفلوسنا يوفروها لنا
مثل
اخصائية رضاعة
وحعلق لهم على مستوى نظافة الحمامات بالعيادات انه سيء وردي ويفشل على مستوى مستشفى المفروض انه خمس نجوم
وان موظفات الاستقبال يحتاجون لتطوير وتدريب للتعامل مع المرضى وان يكونوا على علم باللوائح
كم مرة صارت يدفعونا فلوس على شي ويكون مشمول بالتامين وبعدها تجلسين مطالبات وهالشي بالذات بالعليا
او مثلا طبيب يعطيهم تعميم معين انه مايشوف حالات بهذا الوقت ويعطونك موعد معه وبعدها يتصلون بكل برود ويقولون لك الدكتور مايقدر يشوفك تحب نعطيك موعد ثاني وطبعا مواعيد تكون متاخرة
بانتظار مشاركتكم
اذا عندكم اقترحوا انا والله ما اشتغل هناك ولا اعرف حتى سليمان الحبيب
لكن افكر اتابع معاهم واولد عندهم لو ربي ثبت بي وكمل لي الحمل على خير لكن فيه اشياء ماتعجبني وابيها تتغير
افكراكلم علاقات المرضى او المسؤولين اطلب خدمات معينة طالما دافعين بفلوسنا يوفروها لنا
مثل
اخصائية رضاعة
وحعلق لهم على مستوى نظافة الحمامات بالعيادات انه سيء وردي ويفشل على مستوى مستشفى المفروض انه خمس نجوم
وان موظفات الاستقبال يحتاجون لتطوير وتدريب للتعامل مع المرضى وان يكونوا على علم باللوائح
كم مرة صارت يدفعونا فلوس على شي ويكون مشمول بالتامين وبعدها تجلسين مطالبات وهالشي بالذات بالعليا
او مثلا طبيب يعطيهم تعميم معين انه مايشوف حالات بهذا الوقت ويعطونك موعد معه وبعدها يتصلون بكل برود ويقولون لك الدكتور مايقدر يشوفك تحب نعطيك موعد ثاني وطبعا مواعيد تكون متاخرة
بانتظار مشاركتكم
الصفحة الأخيرة
عن نفسي من تجربتي
جربت العيادات
عيادات العليا ارقى وارتب من ناحية التعامل سواء من استقبال او من حتى نوعية المرضى
مثلايوقفوا بالدور ومافيه تزاحم محد يطالع الثاني وكل شخص بحاله مو مثل الريان
الاستقبال بالريان نفوسهم خايسة الموظفات الا ماندر
الحمامات نظيفة بينما بالريان الحمامات وسخة (وانا اهتم جدا بنظافة الحمام اعتبره المقياس لنظافة المنشاة )
الاشعة بالعليا (للنساء والولادة ) حجز بالريان مافيه حجز ادفعي وادخلي
المختبر بالريان حلو جدا ومرتب والمختبر مكشوف للناس
الصيدلية نفس الشي بالنسبة للاثنين مرتبةوكبيرة
المواقف بالريان افضل بكثير بكثير بكثير
والزحمة بالذهاب له اقل ايضا
العيادات
الاطباء تقريبا نفس المستوى لكن يمكن اطباء من الجامعي اكثر بالعليا واطباء من الحرس والشميسي اكثر بالريان
التمريض ممرضات الريان لطيفات من خلال تعاملي معاهم سواء بالاطفال او بالنساء والولادة
الانتظار زحمة ومافيه كراسي خارجية بحال حبيتي تتنظري مع زوجك مثل العليا
نظامه مثل المستشفيات الحكومية لا اختلاط حتى بينك وبين زوجك الي انت حامل منه
طوارئ الريان ممتازة ومهيئة لاستقبال الحالات الحرجة ويدللون المريض ويهتمون به ومستوى الاجهزة الموجودة ممتاز جدا (ماجربت طوارئء العليا )
الغرف لا تعليق لاني ماشفت غرف الريان
لكني شفت غرف العليا كل الانواع الغرف العادية والديلوكس والجونيور سويت والرويال سويت
غرف العمليات ماجربت
لكن شفت غرف النقاهة بالعليا كويسة ماعليها والممرضات فيها جيدات وعندهم تقنيات حديثة
لكن قريت ان الريان يعملون عمليات معقدة للعظام والاعصاب يعني المفترض انهم مجهزين للعمليات الكبيرة
العليا ماعندهم اطفال تنويم رحت لهم ببنتي وهي عندها يرقان قالوا تحتاج تنويم وماعندنا الا للاطفال الي يولدوا عندنا يعني يكونوا ماطلعوا اصلا من المستشفى :mad:
لكن الريان فيه قسم لتنويم الاطفال بشكل عادي سواء انت والدة عندهم او لا
عيب المستشفى بالاثنين ماعندهم
اخصائية رضاعة ولا يعلموك على الرضاعة الطبيعية (الحمادي مثلا عندهم )
العناية ناس تمدح وناس تذم
ولهذا ماعرفت احكم وسئلتكم من خلال خبراتكم ان تذكروا بالتفصيل من خلال نقاط معينة