الحمدلله ولا مره ما انفشت

طريقتي احط البيض بالخلاط ولا يطول اضيف باقي المقادير اللي هي الحليب اوالزبادي والطحين والب ب والفانلا

واذا كان بيتي كويكر ما اطبق طريقتهم اجط 4بيضات و3م حليب وم ص ب ب ونص ك ماء ويمكن ازيد اشوي بدون زيت

فرني كهربائي الدرجه 340 ولمده نص ساعه
03-11-1431 هـ, 06:06 صباحاً
 
الغلط انك تخفقين البيض 4دقايق
انا كيكي ماقد خرب دايم يبيض وجهي
اجمع المقادير كل ابوهاوخلطها في خلاط الطماط دقيقتين عدا البكنج بودر والدقيق
احط الدقيق في زبديه وصب الخليط وخلط بالمضرب اليدوي وحط البكنج بودر وخلط تقريبا دقيقتين ثم اصبه في صينيه مدهونه وخليه شوي وولع الفرن اذا سخن ادخل الكيك في حراره اقل من الوسط ونسيه بعد ربع ساعه شيكي عليه لين يستوي
ملاحظه
كل كاس دقيق فيه ملعقة بكنج بودر
لاتفتحين الفرن على الكيكه الى بعد مرور 10دقايق من ادخالها
خليها العجينه ترتاح 5دقايق ثم دخليها الفرن
الخليط اذا صبيته في الصينيه يكون نصفها
03-11-1431 هـ, 06:13 صباحاً
 
طيب جربي كيكة أرامكو لكل كأسين دقيق كأس ماء بس وتلاقينه عند الحمود أو ملتقى الخبازين وحمي الفرن قبل مادخلين الكيكة وخلي حرارة الفرن على 180 درجه ولا تفتحين الفرن إلا بعد مرور ثلث ساعة أو نصف ساعة ، ومن اساسيات نجاح الكيك أن يكون البيض والدقيق على درجة حرارة الغرفه يعني أقل شيء تطلعينه قبل خبز الكيك بنص ساعة ويارب أكون أفدتك ...
03-11-1431 هـ, 06:57 صباحاً
 
ترى الزبادي ولبن يخلي الكيك ينتفش وهو بوسط الفرن وإذا طلعتيه تطيح ماتنفش وتصير رطبه
أحلى شي للكيك إذا كنتي تبينه منتفش واسفنجي الحليب 3ملاعق حليب بودره يخلط في كأس ماء
طريقتي بالكيك:
بالخلاط 3بيضات_ كأس سكر- كأس زيت _ فانيلا _ كأس ماء مخلوط بثلاث ملاعق حليب بودرة ........ يخلط لمده ثلاث دقائق .
ثم يوضع ماسبق في زبديه ويوضع عليه الدقيق حسب الثقل المطلوب ( أحسن شيء ماتصير لا ثقيله مره ولاخفيفه ) ثم يوضع معلقتين بكنج بودر وإذا حطيتي البكنج بودر لا تخلطين كثير ويوضع في صينيه مدهونه
ويدخل الفرن (الحراره 180) أنا ما اولع الفرن الإ إذا دخلت الكيك علشان مايصير حار ويستوي من برا وجوا لا وإذا استوى اشوي اشوي أحسن للكيك وخليه نص ساعة وإذا طلعت ريحته أقعدي اشوي وشوفه أغرسي السكينه بالوسط إذا علق شيء عليه يعني ما استوت تحتاج مده أطول في فرنك وإذا مافيه شيء خلاص.

أتمنى أنك فهتي طريقي
03-11-1431 هـ, 07:23 صباحاً
 
اتوقع بسبب كثرة خفق البيض مره لحاله ومرة مع بعض المقادير والمره الاخيره مع البعض الباقي ويييييين لالا ماينفع
لاتسخنين الفرن قبل ماتدخلين الصينيه
البيض حطي السكر عليه واخلطيهم اول شيء لمده ثانيتين ثم اضيفي باقي المقادير السائله واضربي بالخلاط ثم الجافه واضربي بس لحد ماتتجانس
نوع الصينيه ماله علاقه اختي
اتركي الفرن نص ساعه لاتفتحينه بعدينتصير استوت
03-11-1431 هـ, 03:08 مساءً
 


الساعة الآن 06:26 .