السلام عليكم ورحمة الله وبركاته.. وبعد:
لما كنت أعجن عجينة الفطاير بيدي كانت تطلع هشة ولينة ولذيذة .. والجميع يثنون عليها .. وبعد ماقريت عن العجانة كينوود بأكثر من منتدى .. وعن عجينتها الأكثر من رائعة .. ومدح الجميع لها .. وقولهم: بأن عجينتها تشبه الجاهزة تماما .. على طول قمت واشتريتها ب1250ريال سعودي.. وعجنت فيها عجينتي العادية فلم تنجح .. فقدكانت قاسية وغير منتفشه.. لدرجة أن الجميع لاحظ هذا التغير في عجينتي .. وقالوا لي أكثر من مرة: ماذا حصل لكي ؟ لماذا أصبحت عجينتك بهذا الشكل؟
فبدأت أقرأ عدة طرق لعجينة الفطاير في أكثر من منتدى وأطبقها في عجانة كينوود .. وماتنجح .. فكرهت هذه العجانة .. ورجعت أعجن بيدي.
فياليت أي وحدة منكن عندها عجينة هشة .. طرية.. منتفشة.. تستعملها في هذه العجانة وتنجح معها .. أن تعطيني المقادير والطريقة..
لأني نادمة الآن أشد الندم على شراء

إعلان

هذه العجانة.. دون الاستفادة منها .ز خاصة وأن سعرها ليس بالقليل!!

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اشتريتها من امريكا قبل 7 سنوات ولم تنجح معي في اي عجينه فطائر وانما لعجينة الكيك والحلويات فقط لاغير وبعدها بعتها بنصف سعرها .
أسألك اللهم باسمك الأعظم أن ترزقني رضاك والجنة..
مرحبا اختي ام رودي
بصراحة انا مستغربة من كلامك عن الكينوود انتي اول وحدة اسمعها تقول كذا
انا عندي العجانة هذي لي تقريبا ثلاث سنوات وماشية معي زي اللوزوكل من ذاق معجناتي او كيكي
انهبل وصارت عيونهم كذا
وبالنسبة لمقادير العجينة انا ما اخذ بالمقادير أحط كذا بدون قياس فنانة يعني
لكن الزبدة إذا انك تبين العجينة تطلع تمام لازم تحطين فيها سكر وحليب بودرة وخميرة ولبن
وخلي العجانة تضربها ضرباً مبرحأ اللين تصير كذا
واي سؤال انا حاضرة
وسامحيني على التأخير
هلا وغلا فيك ياLUMEE
والله ياخوفي يجي اليوم اللي أسوي مثلك وأبيعها بنصف السعر ( هذا إذا جابت نصف السعر)!!

قرقة: بصراحة أنا ماأعجبتني أبدا .. ولامرة نجحت فيها عجينة .. سويت عدة طرق .. وكلهواحد العجينة قاسية ومو منتفشه.. لكن لما أعجن بيدي تطلع العجينة تجنن والكل يثني عليها..
وأنا عجينتي الأساسية لازم فيها خميرة وحليب بودرة وسكر ولبن .. ولكن مع هذه العجانة تطلع العجينة دمار !! كم مرة أتعب وأعجن وأسوي فطائر وبالأخير أعطيها لأبوي لغنمه في المزرعة ( تكرمون)..
وبصراحة أنا اشتريتها في رمضان بعد المدح اللي سمعته عنها وقلت تريحني لما أطلع من المدرسة .. ولكنها صارت مثل مايقول المثل : جيتك ياعبد المعين تعين لقيتك ياعبدالمعين تنعان.. مالقيت فيها إلا الخسارة .. خسارة الفلوس اللي شريتها فيها وخسارة المقادير اللي كل يوم والثاني وأنا مجربة طريقة عجينة فيها وماتنجح!!

فياليت ياأخت قرقة( ولاعليك أمر) تقولين لي طريقة عجينتك اللي ناجحة فيها بالمرة .. ولاتقولين حطي السوائل فيها أولا ( لأني طبقتها) ولاتقولين : ذوبي الخميرة قبل ماتحطينها في العجانة ( لأني ذوبتها) ولاتقولين: ذوبي الخميرة في كأس ماء مع ملعقة سكر ثم ضعيها في العجانة ( لأني سويتها)!!
فالله يجزااك خير ردي علي قبل ماينفذ صبري وأرميها!!
والله كلامك غريب عجانة كينوود ممتازه وريحتنى كثير وتطلع فطايرى تجنن والكيك والسينابون حتى الخبز
وعجينى مختلفه مرات عجينة العشر دقايق ومرات غيرها كثير
وأؤيد كلام قرقه لأنها فعلا مفيده


الساعة الآن 10:17 .