السلام عليكم
احب اعرفكم بنفسي انا بنت زي اي بنت كانت عايشه ومبسوطه في بيت اهلها ونفسها تتزوج
الين ما جا نصيبي واتزوجت ليا تلات سنين وبدات معاناتي..يعني هي مو معاناه بس انا مدري ليه ايام احس انها معاناه واقول ياريت الا جرى ما كان وانا لسا تلات سنين ما انجبت الله يرزقني انا والمحرومين جربت انابيب ما نفع بس الحمدلله
الحمدلله زوجي مو مقصر عليا ولا بشي من ناحيه الفلوس و واي شي نفسي فيه يجيبه بس مشكلته ما يحس فيا ما يحس انه اخد انسانه من اهلها ومسكنها ببلد تاني ابدا ما عنده عطف ولا حنان ولا حتى يفكر انه يحضني غير وقت ال...الين ما كرهته قد ما احاول اشغل نفسي عن دا الموضوع ما اقدر مع انه انا مني مقصره معاه اي شي من ناحيه العطف والحنان محسسته انه ولدي الا ربي حرمني منه...بس هوا حبه ليا معناه انه يخاف عليا ولا يقصر معايا بشي..مع انه الحنان عندي فوق دا الشي كله.. كم مرره قلتله كم مرره كلمته كم مرره حكيته عن نفسي لمن كنت بنت كيف كنت اتخيل نفسي لمن اتزوج..قلتله انا كنت اتخيل انه زوجي لمن يصحى من النوم ياخدني بحضنه عشان اصحى مو يفتح الانوار ويفقل التكييف..قلتله انه كنتت اتخيل زوجي اول ما يرجع من دوامه اسلم عليه ع الاقل مو لمن اجي اسلم يقللي روحي عني ترا انا تعبان..اخ يارب احس مو قادره اشوف الشاشه من الدموع والله يا بنات ما تدرو قد ايش دا الموضوع ماثر عليا...مع انه حنووون حنووووون حنوووون لدرجه فوق الخيال يا ويل امرض او اتعب... بس ما ادري ليه طبعه كدا
او هل اني انا باطلب شي صعب بس ما اعتقد...يا ناس اتخيلو اني لمن احضنه ما يكلف نفسه يرفع يده يحضني....يجلس زي الصنم...حتى لمن يحضني احسه مو من قلبه...ولمن احكييه انه وحده من اقاربنا اتطلقت من زوجها بسبب دا الشي يقللي من حقها طيب ليش ما يحس فيا....والله يا ناس انه جالس معايا في البيت ما كانه معايا احد...مل وروتين شي مو طبيعي...نرجع من الدوام اجهزله الغدا وانا طول الصباح تعبانه في الجامعه عبال ما اغسل المواعين واروح الصاله الاقيه جلس على الاب...طبعا سكوووووووووووت..ولا كلمه.(حتى لو فتحت موضوع يعطيني رد غطا او ما يرد ).يصلي المغرب وينام..وانا زي المجنونه اجلس اصيح:icon33: لحالي...يقوم من نومه على 8 يلبس وعلى برررا.. يرجع تعبان طبعا ما يبغ احد يكلمه ولا احد يمسكه..بعذر انه كان في النادي وتعبان...اوك... يجلس على الاب او التلفزيون الى الساعه 11 ويقوم ينااام...واذا نام يقول لا تقربي مني انا اتضايق ما احب احد يلصق فيني ...طيب ايش اعمل بنفسي اذا انا لصقه...والله يا ناس تعبت...
اتكلمت معاه قلتله يرجع يوم يومين وبعدين ترجع ريما لعادتها القديمه....
والله احيانا استغفر الله اقول يا بختها الا اخذت عن حب...لمن يكونو صديقاتي معايا ويكلمو ازواجهم سوالف لليل في وقت الفراغ في الجامعه ما شاء الله تبارك الله الله يديم عليهم..انا اتصل على زوجي اقله:كيفك يقول: طيب الحمدلله ...عندك شي انا مشغول مع ااصحابي..اقول لا واقفل وانا الدمعه في عيني....
كيف افهمه كيف اقله مع اني سويت كل الطرق قلتله بلساني ما نفع ارسلتله على ايميله كم مرره..وكل ردوده بحجه انه مضغوط نفسيا طيب انا مضغوطه اكثثر منه من ناحيه الجامعه والبيت وووووو...او يقللي انه متعود يعيش لحاله مهو متعود انه احد يجلس معاه خلاص طبعه كدا ما يحب انه يكلم احد..طيب قلتله يا بن الحلال ولا انا مني متعوده اني اكون بحضن الرجال اعوذ بالله ترا عايشين مع بعض 3 سنين وانت اخدني وانت عارف من ايام الخطوبه قد ايش انا متعلقه بامي ييوم سافرت زي الاطفال اجلس ابكي....
والله با ناس اني لمن اروح لامي اجلس بحضنها و عيني تبكي لا اراديا اشيل نفسي بسرعه اروح اي محل عشان ما تحس...واحيانا تقللي ايش فيكي شكلك مو عاجبني فيكي شي زعلانه وانا طبعا ما ابينلها..عشان لا تاخد بخاطرها عليه...
والله يا بنات احيان تصير مواقف لمن امر فيها او افتكرها ابكي اقرب شي امس كنت محتاجه حنانه ابغ اجلس معاه جيت وفتحت فيلم وجلست ع الكنبه جنبههوا جاب يده من ورايا وانا الضحكه في قلبي ع الاخر احسب بيحضني طلع بياخد جواله عشان يروح الكنبه الثانيه طبعا انا قمت قبله ع الكنبه الثانيه قلتله معليش ضايقتك ما رد وكملنا الفيلم..مره ثانيه كنا نايمين طبعا كل واحد باتجاه انا اتعمدت اني انام قبله قلت يمكن لمن يجي جنبي يا خذني بحنه المهم جا نام وشوي جا من ورايا كانه بيحضني بس للاسف لا عشان يقفل النور الا جنبي ورجع محله ونام...امانه يا ناس يرضي مين دا الشي
والله اني مقهوره على نفسي...مدري يمكن انا مكبره الموضوع بس والله مو قادره اتحمل.......ادعولي بالذريه الصالحه يمكن هيا الحل الوحيد الا يطلعني من الجو دا...:(
*اللؤلؤة المصونة* @allolo_almson_2
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الاطفال بغيرو في البيت و بيعملو جو
الله يهونها عليكي يارب و يفرج همك
******