السلام عليكم ورحمةالله وبركاته

بنات مره زعلانه

من المغرب وانا اكرف في ها الحلا تو ماخلصت

وياليتني ما سويته حسبي الله عليها من شيره

مدري شفيها علي ولا ابشركم مو اول مره عوايدها معي

مو اول ولا اخر حلا تعدمه لي >>مدري شفيها علي

اوه نسيت اقول السالفه

سويت حلا اصابع زينب وكل شي تمام العجن والتكوير والقلي

وسويت اللي ماتنذكرالست شيره>>عدو ذي موب شيره

المهم الشيره حطيت كاسين سكر وكاس مويه خليتها لما ثقلت وحسيت انها اوكي

اخذتها وصبيتها على اصابع زينب وانا فرحانه

ماهي الا لحظات وتحولت الشيره الى لون ابيض وسوت طبقة سكر رقيقه فوق الحلى

وابشركم بعد الحلى ابد ابد ما امتص الشيره ناشف من جوه كنه شابوره

هالحين هي ليه تعند معي ليه تخونني في اخر لحظه ؟؟

والله انه جت في بالي فكره مجنونه قلت خلني اغسل الحلى بالمويه علشان تروح طبقة السكر

وارجع اسوي شيره من جديد>>عمركم سمعتو انه في حلا ينغسل هههههه والله هبلت

فيني

ترا مو اول مره اكثر من حلى تسوي فيه الشيره هالحركه

وين المشكله يابنات علموني؟؟


بس هذا اللي عندي وسلامتكم ياحلوات
03-11-1431 هـ, 10:12 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
03-11-1431 هـ, 10:19 مساءً
 
اللي اعرفه ان الشيرة الحلوة كاس ماء وكأس سكر وسلامتك
03-11-1431 هـ, 10:24 مساءً
 
الاغلاط تنك اكيد فترة الغلي ما كانت كافية وتسكر السكر بعد الغلي

الغلطة الثانية لازم حطيتي ليمون

يعني مقدارك منيح بس لو كمان زيدي مي يعني

2 كوب سكر

كوب ونص ماء وعصير ملعقة صغيرة ليمون

اوةل شي دوبي السكر مع المي على البارد واغليه على النار لما يغلي حطي الليمون ووطي تحتىه وخليه يغلي شي 20 دقيقة
03-11-1431 هـ, 10:27 مساءً
 
مقدارك تمام
كاسين سكر مقابل كاس ماء
خليها على النار واذا بدت تغلي قصري عليها واحسبي ربع ساعة بالضبط
بعد الربع ساعة اعصري عليها نص ليمونه وخليها تاخذ غليه او ثنتين وسكريها

وبإذن الله بتضبط معك

03-11-1431 هـ, 10:34 مساءً
 


الساعة الآن 02:47 .