صباحكم ورد وفل ورياحين جربي طريقة فيليه السمك المحشيه خيااااااااااااا اال من اختراعي والله حلوه مره صلحيها غداء اليوم لاتحتاري و لاتترددي بس معليش اعذروني ماصورته لاني صلحته قبل اسبوعين وانا اعرف ان كل وحده تنحاس اذا جاء وقت تصليح الغداء وش تصلح طبعا اذا كنتوا مثلي تحتارون واكيد كل وحده كذا؟على كيف ابوك حكمتي على خوياتس خخخخ نرجع عاد للمهم يابنيات الحلال اغسلي الفليه الي هي شريحة سمكه يعني القطعه اللي هي شق السمكه عادشوفوا الوصف يعني ثم صفي في صينية تيفال حلقات بطاطا ثم ضعي شريحة السمكه وانتي محضره انواع الخضار اللي عندك مثلاانا وضعت جزر وكوسه وجزر وبازلا وكرم وبقدونس وشبث وبصل وثوم وزهره وفاصولايا وبطاطا قطعتها كلها قطع صغيره وحركتها مع بهارات اللي عندي وشوي صلصة صويا ومايونيز وذرةوذرة ملح وفلفل اسوداوابيض كلها تضعينها فوق السمكه بس لاتكثرين على شان تقدرين تسكرينها ثم جيبي القطعه الثانيه من السمكه وخليها متساويه مع الاولى ثم ضعيها فوقها تغطي الحشوه ثم سكريها مع اختها اجل هن حريم خخخخخخخخخ ثم احضري اعواد خشب صغيره ثم نشبيها دار مادار على القطع حتى تثبت ولاتتفكك ثم قصدريها وادخليها الفرن حتى تستوي ثم ابعدي القصديره وشقريها من فوق ثم اخرجيها في صحن التقديم كانها سمكه لاتقطعيها وزيني جوانب الصحن بقطع اليمون والخيار والجزر والبقدونس وبالهناء على اجسادكم واللي تطبقها تقول لي رايها واعتذر مره اخرى على عدم اخراج صور للطبق ودمتم في حفظ الله ورعايته وكل يوم وانتم الى الله اقرب

شكراعلى مرورك الاروع ويالله فسري ايدياتك مليت الوفا


الساعة الآن 11:10 .