معظمنا سمعنا عن الجاتوه شاتوه سهل شيك نتيجته مضمونه وطعمه رائع
النهارده هنجدد ونعمل حاجه جديده وبنفس المكونات هنعمل سويسرول جاتووووه شاتوووو يلا بينا
الاول هكتب المكونات التقليديه للجاتوه شاتوه بعدين ايه الاضافات الجديده
مقادير الجاتوه شاتوه
- كوب لبن
- كوب سكربودر
- كوب زيت
- كوب دقيق
- كيس فانيليا
- كيس بيكنج بودر
بس الجماعه عندنا طلبوها لونها ابيض وعلشان هنعملها سويسرول هنزود الاتي
3 معالق لبن بودره_ كريم شانيه _مكسرات مجروشه خشن_جوز هند_ لون غذائي (اختياري)_فرخ ورق زبده_سكر بودر(حوالي 2 ملعقه)
في الخلاط بضع اللبن الحليب + السكر البودر +الزيت +3 معالق لبن بودر واخفق جيدا
(ملحوظه يفضل وضع اللبن بارد وليس دافي )
تخفقي في الخلاط حتي يتكون خليط متوسط السيوله تصبي من الخليط ده كوبايه وتتركيها علي جنب
وبقيه الخليط تضيف عليه 3 بيضات والفانيليا ونضع الخليط في اناء
ينخل الدقيق مع كيس البكنج بودر ثم نضيفه بالتدريج علي الخليط السابق ونقلب بملعقه من تحت لفوق برفق
تدهن صينيه الفرن بالسمن ثم تبطن بورق زبده من القاع والجوانب ثم تدهن ورق الزبد بالسمن وترش بالدقيق
(انا استخدمت هناصنيه الفرن )
نصب الخليط في الصينيه المعده بحيث يغطي القاع كله بارتفاع 1\2 سم
