سلام عليكم ورحمة الله
شلونكم يابنات وشخباركم ...........
عندي بنوته :04:عمرها 8هاشهر الله يحفضها ويخليها لي ويخليلكم عيالكم والله لايحرم احد من هل نعمه الحلوه ونشكر الله عليها ...المهم بدش في الموضوع بصراحه انا خلاص طقو فيوزات مخي \
من وراها اهي توها تحبي وماعندي شغله اله اني اراكض وراها طول اليل والنهار والمشكله انها ماتحب تقعد في العربانه وله الحباسيه {خيمه فيها العاب وكور} شوي الاقيها في الحمام وانتو بكرامه قاعده في الحوض وفاتحه الماي على نفسها وشوي داخله غرفتي وفاتحه الدروج وتنثر بالاغراض وقبل شو ي نومتها بعد معركها دامت لنصف ساعه بين وبينها بس انتصرت عليها ونومتها واستغليت الفرصه وقلت خلني اكوي الملابس وكويتهم وقعدت في الصاله اطالع التلفزيون وله اشوف البطاط والبصل يتحذف علي من المطبخ قلت بسم الله الرحمن الرحيم بيتي مسكون ورحت وله اشوفه قاعده بين الثلاجه وسلة البطاط قلت اذا في جني في البيت انتي الجني.... ولمشكله الكبيره اني مااقدر اسوي وله شغله في البيت :angry:اذا بعدت عنها خطوتين تفضح الدنيا في الصراخ والبكي واحيانا اذا مضطره اشيله بيد واشتغل في الثانيه بس هم هذي صعبه مره كنت شايلتها واقفه عند الفرن اطبخ وله حاطه اصابعها داخل الشفاط تقطعن اصابعها اله شوي وقامت:icon33:ماسكتت اله بعد اربع هاساعات ومره حاطتها على المغسله وقاعده اغسل الصحون وطاحت والله سترماتكسر راسها وماعندي خدامه وانا رافضه فكرت الخدامه وانا الحين قاعده اكتب كل شوي ماسحتلي الكتابه وله فاصله النت....... زبدة الكلام هل كل الاطفال الي بعمرها نفس طبعها وله بس بنتي وله عندها حل تقول لي لاني تعبت:icon33: وادري اني طولتها عليكم ......ودمتم سااااااااااالمين
يلزم عليك تسجيل الدخول أولًا لكتابة تعليق.
ياحبيلها الله يخليها لك
ايه عادي يالغلا هالاطفال بهالعمر يحبون يكتشفون كل شي هي فتره وتعدي لا تشيلين هم
ايه عادي يالغلا هالاطفال بهالعمر يحبون يكتشفون كل شي هي فتره وتعدي لا تشيلين هم
m^rm^r
•
ربي يحفظها لك
اكيد كلهم كذا لانها بدت تتحرك وتكتشف العالم اللي حواليها
جيبي خدامة وريحي بالك وتفرغي لبنتك
اكيد كلهم كذا لانها بدت تتحرك وتكتشف العالم اللي حواليها
جيبي خدامة وريحي بالك وتفرغي لبنتك
الله يهديها ويصلحها
ايه ياقلبي كل الاطفال كذا
بس انتي حطيها في الجلاسه ولا العربيه ولاتشيلينها وخليها تبكي مره ومرتين وراح تسكت بعدها تتعود
ايه ياقلبي كل الاطفال كذا
بس انتي حطيها في الجلاسه ولا العربيه ولاتشيلينها وخليها تبكي مره ومرتين وراح تسكت بعدها تتعود
الصفحة الأخيرة
بس ما عندي فكره عن الأطفال << بعدني ما تزوجت