السسسسسلام عليكم
بنات تكفوووووون ساعدووني
ماعرف اسوي قهووه كم المقادير ماعرف...؟؟
امنيتي اسووي قهوووه مضبوطه في حياتي تطلع مثل قهووة الصبابات الي في الاعراااس
عندي قهووه يمنيه بس ماعرف اسويهااااا
سااعدووني بالمقااديرررررررررررر يابنات
06-11-1431 هـ, 10:11 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
عبي ابريق القهوه الى نص الفتحه

وخلي المويع تغلي واذا بدت تغلي كبي فنجال بن

وقرفه صحيحه ونص ملعقه خلطة القهوه وحليب سايل قليل جدا مقدار ملعقه صغيره

واذا عندك نانخع حطي

وخليها ربع ساعه تقلب على النار وصبيها بالثلاجه ويكون بالثلاجه ملقه هيل مع عويدي شوي

وبالعافيه
06-11-1431 هـ, 10:15 صباحاً
 
اول شيء احمسي القهوة لما يغمق لونة (بني غامق)
بعدين اطحنية وعبي الملقمة ماء واذا بدا يغلي حطي القهوة (حسب مقدار الماء وحمسة القهوة )وخلية ربع ساعة بعدين طفي علية وحطي بالدلة او بالزمزمية ملعقة صغيرة هيل اوخلطة القصيم وزعفران وزلية بالدلة واشربية وهذي قهوة القصيم
06-11-1431 هـ, 10:24 صباحاً
 
طريقتي كالاتي :

1. املى الترمس موية مغلية واحطها في الابريق حق القهوة
2. احط الزعفران مطحون مع قرون فرنفل على حسب حجم الترمس نص لتر 5 - 7 حبات لتر 10 حبات لتر ونص 15 حبة مع ملعقة شاي صغيرة حليب بودرة أو كوفي ميت واخليها تغلي شوي
3. اضيف القهوة ( قهوتي حمستها وسط مو فاتحة ولاغامقة أخدها من محامص الحميضي محمسة ويطحنها قدامك ) مقدار القهوة برضو يعتمد على حجم الترمس

نص لتر = ثلاث ارباع فنجال القهوة
لتر = فنجال وربع
لتر ونص = فنجال وثلاث ارباع

4. اخليها تغلي لمدة 10 دقايق على نار متوسطة واخلي غطا الابريق مفتوح
5. بعد ما تغلي 10 دقايق اضيف لها الهيل على حسب الرغبة تغلي خمس دقايق
6. بعد ما تغلي 5 دقايق طفي النار وخليها دقيقتين قبل تصبيها في الترمس عشان تستقر طبعا حطي صفاية او شاخول وصبي القهوة في الترمس وبالعافية على قلبك
06-11-1431 هـ, 10:25 صباحاً
 
اقتباس مشاركة  (بنوته ....قمر)
اول شيء احمسي القهوة لما يغمق لونة (بني غامق)
بعدين اطحنية وعبي الملقمة ماء واذا بدا يغلي حطي القهوة (حسب مقدار الماء وحمسة القهوة )وخلية ربع ساعة بعدين طفي علية وحطي بالدلة او بالزمزمية ملعقة صغيرة هيل اوخلطة القصيم وزعفران وزلية بالدلة واشربية وهذي قهوة القصيم


()

هذي قهوة الصبابات اللي بالأعراس
كل لتر له فنجال ونص قهوه بني غامق
06-11-1431 هـ, 10:29 صباحاً
 


الساعة الآن 06:00 .