اختي هذه طريقة الربيان المقلي بالبقسماط وهذه طريقة اختي وهي روعه وانا اعتمدتها :
2كيلو ربيان - 3 حبة عصير ليمون - قليل من الملح - فصين ثوم او ثلاثه اذاكان الفص صغير - ملعقة كبيرة خل 0
الطريقة ينظف الربيان ويقشر واذا احببت دعي الذيل القشرة الاخيرة اللي فيه لا تقشرينها ثم يغسل ويتبل ب : كركم وبهارات مشكله -ملح -فلفل اسود -ليمون و الثوم و الخل ويترك في الثلاجه لمدة من 6 - 12 ساعه ثم يخرج من الثلاجه ويغمس في الطحين ثم البيض ثم البقسماط ويترك في الفريزر لربع ساعه او اكثر ثم يقلى في الزيت الغزير
طبعا البيض مخلوط بملح وفلفل اسود 0
واطلب منك انك تدعين لي بان يحقق الله لي مرادي وجزاك الله خيرا 0
07-11-1431 هـ, 01:39 صباحاً
 
شوفي يا قلبي بعلمك بطريقه زوجك راح ينجن عليك وعليها بس هاه قوليه اني انا الي علمتك ترى يويلك بتسمع عليكم
اول شيء اغسليه زيييين وبعدين افركيه باليمون والفلفل الاسود علشان تروح الزفره منه
بعدين حطي بهارتك المعتاده(كمون فلفل اسود ملح كركم ) وثوم مفروم وقلبيهاوالافضل تسوينها من الليله وتحطينها بعلبه وفي الثلاجه وبكره ان شاء الله تطلعينها وتاخذين 3صحون خلاص
واحد تحطين فيه بيض مخفوق
والثاني بقسماط
والثالث طحين عادي
اول شيء تاخذينها حبه حبه تحطينها في الطحين ثم البيض ثم الباقسماط ةترصينها في الصحن الين تخلصين وبعدين تقلينها في زيت جديد ويكون حار وتخلينها الين يصير لونها ذهبي وترها ما تطول تستوي بسرعه
وتقدمين معاها بطاطس او رز ابيض وسلطه والي تبغين
وبالعافيه واذا سويتيها قولي لي كيف صار طعمها
07-11-1431 هـ, 01:39 صباحاً
 
نظفي الربيان تنظيف تمام

تبليه ساعه او اكثر من ساعة

بعدين جيبي بيض مخفوق
ودقيق اسمر

اغمسي الربيان
في البيض ثم الدقيق

واقليها

هذه طريقة اختي
اما عني انا ماحبه ولا احب ريحته
ولا عمري سويته في بيتي

معليش اختي فيني فضول شوي
ممكن اعرف كيف زوجك يتغدى عندك وهو اول مرة يجي الى بيتك..؟
07-11-1431 هـ, 01:42 صباحاً
 
طريقتي الخاصه

ملح فلفل بهار
غطا خل
فنجال صويا صوص
2 بيض
ثلاث ارباع كاس دقيق
نص كاس حليب مثل(المراعي)
ملعقه bp
تخلطينهم مع بعض
ويتبل فيها الربيان ساعه كامله
بعدين حطيها في بقسماط واذا تبين اخلطي معاه شوي سمسم محمص
واقليها بزيت حار

للتغميس dip
طحينه ماء ليمون بقدونس ونعناع
او مايونيز صلصة رانش ومخلل خيار مقطع صغير مره ونقطة كاتشب

اذا استفدتي مني الموضوع بليز ادعي ان ربي يحقق لي دعائي ويصلح لي شأني كله
07-11-1431 هـ, 01:42 صباحاً
 
تبليه بكل الي تحبين من بهارت وليمون وثوم وبهارات وابشري شوي بصل وشوي فلفل خليها تتبل اكثر من ساعتين بعدين اشخليها وحطيها طحين وبيض وبقسماط واقليها وادعلي سوي صوص مايونيز وكتشب
07-11-1431 هـ, 01:43 صباحاً
 


الساعة الآن 10:45 .