أهلا حبيباتي..


كنت قد وعدت الأخوات قبل سنة و خاصة الأخت الفاضلة (Dream22) أني لدي

مفاجأة لهن وهي ترتيبي لموضوع اختي (Dream22) لكن حال دون

ذلك ظروف حملي وولادتي.


و بالفعل رتبته و نظمته و حذفت ما ليس له علاقة بالموضوع أو ما كان مكرر

و جعلت كل نصيحة تحت البند المناسب حتى اسهل لحبيباتي الوصول لأي

نصحية في يسر و سهولة دون تصفح كامل الموضوع منذ ذلك الوقت.

و ها أناذا اوفي بوعدي و إن كنت قد تاخرت فاعذروني
.


و أنا هنا أشكر حبيباتي عضوات الديوانية الأولى التي عشت معهن فترة لا بأس

بها لتبادل الآراء و النصائح، و على رأسهن الغالية (قمرا) فلولا تفاعلها لما وصلت

الديوانية لجزئها التاسع (ما شاء الله تبارك الله).. و اذكر على سبيل المثال من

العضوات الفاعلات آنذاك ..أم عموري.. و رتووووش.. و غلا الروح... و غيرهن


و أشكر جميع عضوات الديوانية الثانية و نا بعدها لتعاونهن على انجاح الديوانية

و تقديمهن للنصائح لا حرمهن الله الأجر.


و أشكر من لها الفضل في اخراجي لهذا الموضوع وهي الأخت (Dream22)

فقد سهلت على الكثيرات عناء تصفح الديوانية و جمعته في موضوع واحد


بعنوان:

نصائح معمارية رائعة من ديوانية الي بيعمرون بيوتهم

و قد فرحت كثيرا لما دخلت القسم ووجدت موضوعها مثبت

رغم انه لم ينل حقه وقتها من التصفح.


أسأل الله أن يبارك لها في علمها و عملها و عمرها


أرجوكن حبيباتي لا تحرموني و من كان سببا في هذا الموضوع من دعواتكن الصالحة.


قبل أن أبدأ أو لفت انتباهكن أني لم اقتصر على موضوع الأخت دريم

بل أضفت عليه اضافات من عندي و هي قليلة.

بالإضافاة إلى نصائح رائعة للأخت (عربوجة) كنت قد حفظتها عندي

منذ مدة و سأوضح نصائحها باللون الأزرق الفاتح.

كما كانت لدي متفرقات لكن لا أدري مصدرها للأسف.

و سأذيل الموضوع بمشيئة الله ببعض النصائح المتفرقة من المنتدى و خارجه.







مراحل البناء:

أختي غلا الروح بالنسبة لمراحل البناء كالتالي حسب معرفتي واللي عندها إضافة تقولها
العظم _ تأسيس الكهرباء _ تأسيس السباكة _ حلوق الأبواب _ حديد النوافذ _ التلييس - الجبس ماعدا الحمامات والمطابخ تكون بعد سيراميك الحائط _ اساسات الصباغة والبويه عشان ما تنعدم الأرضيات _ سيراميك الحوائط _ تركيب البانيوهات والمراوش الأرضية والكرسي العربي لو بتستخدمونه _ الأرضيات _ تركيب النوافذ_ الحديد ( الأبواب والدرابزين ) _ تركيب الأدوات الصحية وعمل فتحات اسبوتات _البويه _ الأبواب الخشبية ( إذا كنت بتجيبي ألأبواب مضروبة بويه جاهزة تخليها أخر شيء عشان ماتنعدم بس إذا كانت ماهي مضروبة بويه ممكن بعد النوافذ وقبل البويه بس نصيحة لا تشتروا الأبواب قبل النوافذ لإنه أخو زوجي أنعدمت عنده وزنية الباب عشان الهواء صار يدخل من النوافذ ويلعب بالأبواب وأضطر يجيب النجار مرة ثانية عشان يصلحها - تركيب اللمبات _ والتأثيث ( يارب متى نوصلها(




مرحلة ما قبل البناء (الخرائط و المساحات):

-انبهكم اخواتي اللي لسه في التصميم او ما بدأو العظم لازم تنتبهوا للحمامات ومقاساتها عشان ماتطلع معاكم صغيرة لازم ماتكون أصغر من 2* 2 ولا تعتمدو انه المهندس توزع معاه في الخريطه بعدين حتلاقونها مرة ضيقة ومحتاسين في توزيع الطقم فيها زي ماحصل معايا
ولازم تنتبهو زين للتوزيع من البداية من الخريطه ولما يعملو العظم تشيكوا الأماكن بنفسكم وكمان لما تعملوا السباكة خذوا معاكم طباشير وعلموا الأماكن اللي تبغون تحطون المغسلة الكرسي البانيو بدقة وراعوا أماكن فتح الباب الشباك وحاولو لو تخلو مكان السخان مخفي فوق الباب أو في الزاوية.


- نصيحة : انا كنت ارسم كل غرفه على وورقه مقاسها السنتميتر لكل متر واوزع كل شي الاثاث فيها غرف النوم الحمامات الصالات كل شي يتحدد من بدري لان جمال التصميم يكمله حسن توزيعك للاثاث بشكل يتناسب مع المساحات ..... ترى يا بنات هذه الطريقه مهمة و هي الطريقه اللي يستخدموها مصممين الديكور.

- الدور الارضي وبالذات الصالة خلوا شبابيكها كبيرة واصله الارض.


-اللي حابين يعملوا الدرج الدائري في وسط الهول ويطل على الصاله انصحهم بدرج جانبي للخدمة لانه عملي جدا انا سويته ونافعني كثييير لما يكون عندي ضيوف بالصالة زوجي ما يتقيد في حركته وكل من شافه يندم انه ما سواه.

-اما عيوب الدرج اللي في وسط الصالة في حاله عدم وجود درج ثاني للخدمة بتصير الشغاله طالعة نازله قدامكم ولو في عندك صديقاتك بالصالة ما يقدر زوجك يتحرك في بيته يقعد محبوس فوووق
عيب ثاني وهذا الكلام للجمييييييييع سامعين الجميع ترى الدرج الدائري مكلف جدااااااااا
مو بناه قصدي الرخام يكلف مبلغ جامد اعتقد كلفنا بس الرخام17000 غير الدرابزين مع ان الجانبي يقول زوجي كلف كله من تحت لفوق 1000 ريال وبرضه رخام شايفين الفرق صح النوع يختلف بس حتى لو كان نوع الرخام غالي برضه في فرق لان الغلا في قص الرخام


-الي ما يحبوا الشغالات مثلي انصحهم لا يخلوا غرفه الغسيل بالسطح لانه تعب طلوع ونزول ،انا سويته بالدور الثاني عند درج الخدمة وسويت جنبه غرفه شغاله بحمامها للاحتياط لو جبتها.

-غرفة الغسيل والكي اعمليلها حساب داخل البيت ولا تخليها فوق السطح اريح وانظف اذا كنت تغسلين بنفسك اريحلك واذا الشغاله يكون سهل عليك تشرفين عليها لانه اذا كانت فوق بتخبص الغسيل على كيفها انا ابدا مادخلت مزاجي غرف الغسيل اللي فوقوفكره حلوه ان غرفة الشغاله تحت واذا داخليه افضل.


-- و أنا لدي اقتراح بالنسبة لحركة الشغالة (إن وجدت) تكون محصورة في مساحة محددة، وذلك بجعل غرفة الغسيل و غرفة الشغالة و المطبخ في مساحة متصلة، أي يكون للمطبخ باب مباشر على غرفة الغسيل و الكي و على غرفتها، و بذلك تقللي من فرص ظهورها أمام عائلتك و زوجك، فلا تخرج من المطبخ إلا للتنظيف و الترتيب الروتيني و الذي عادة يكون في الصباح عند خلو المنزل من زوجك و أفراد العائلة البالغين.


-بالنسبه لمروحه الشفط في الحمامت نصيحة لا تعملوها في الجدران.... اعملوها قي سقف الحمام ..... مدري فاهمين قصدي او لا لان الشفاطات العاديه تدخل الغبار والاتربه وتعدم الدنيا بس هذه لا وعن تجربة لان جاتنا موجة غبار شديدة اللي مسويين الشفاط في الجدران حماماتهم انطمرت بالتراب وانا ما واجهت هذه المشكلة والحمد لله.


- شفاط السقف له فتحة في الجدار على بره .......... يعني شكله يصير كانه فتحه مكيف في السقف والسقف كله يتغطى بالجبس عشان تتغطى الاسلاك والهوز اللي يمر الهواء من خلاله على بره والفتحه اللي بره يكون لها غطاء مايل وفيه شبك صعب اني اوصف الشكل بس اكيد حتشوفيه بالمحلات اللي تبيعه.


-اللي مسووين المروش الصغير ابعدوا شباك الحمام عن حدود المروش شوية عشان حديد الستارة او الحاجز لانه واجهت مشكله مع البعض وكان الشباك في مكان تثبيت حديد الستارة وصعب انهم ينقلوا الشباك بعد ما انتهى كل شي.


-نجي للدرج حلو لو الدرج يطل على غرفة المعيشه على طول اشرح ويعطي منظر افضل يعني يكون في وسط الصاله وغرفة المعيشه والدرج والمطبخ وغرفة الطعام ملمومين لانهم القلب النابض في البيت ومكان الحركه والحياه إن شاء لله تكوني فهمت قصدي.


-في شي مهم التكيف المركزي مره مريح وصحي اذا عندك مزانيه كافيه لاتفوتينه.


- التكييف يكون مركزي للمبنى وهذا مكلف وهو التوب في مواصفات التكييف ومن مؤسسات معروفة ، يأتي تكييف اقل وهو تقليد المركزي المسمى (كونسيلت ) ، ويأتي اقل وهو ( السبلت ) ، والاخير الشباك .

-ملاحظه ثالثه انا ماني مع الاخوات الي نصحوك بالغاء الصاله العلويه لانه مهما كانت صغيره تخلي المكان شرح احسن ماتطلعي على غرف على طول.

-المهم الشبابيك الافضل انك تحددين اماكن فرش الغرف وخاصه غرف النوم لانه يمكن توزعينها وتكون الشباك الي بينفتح بيضيع عليك مكان السرير او الدولاب او غيره.

-اما القبه فإنتي عكسي انا عندنا قبتين وحده في الصاله العلويه صالة المعيشه وحجمها وسط وخليناها زجاج معشق ومع الجبس طالعه جنان والثانيه فوق بيت الدرج ونفس الحركه
اما قبتكم فاحس الجبس المغربي قديم الكل صلحه وفيه ناس راسمين في اسفل القبه من جوى مثل شكل الحجر والفتحات ياللي فيها حاطينها زجاج معشق طبعا ملون بس طالعه تجنن وترى الالوان تلعب دور.


-لاتعتمدون فقط على المهندس في تصميم الخارطه لازم تفرضون عليه رغبتكم في شكل البيت ، اي شى تبغينه لازم يحطه في الخارطه من البدايه مثل الفجوات الجداريه, النافوره,موقع جهاز التحليه مثلا ، لاني وقعت في نفس مشكلة الاخت غلا الروح قال المهندس اللي تبغينه من فجوات قولي للمقاول بعدين, طبعا ما صار من اللي بغيته شى.


-ومن ضمن اغلاطنا اننا رفعنا مدخل السياره وللحين نعاني سيارتنا لازم تحك اذا دخلناها
المدفئه خليناها بزاوية الصاله والمفروض انها تكون في الوجه لانها الحين قيدنا في ترتيب الكنب وغير كذا هالايام تدخل نامس للبيت واصلا مالها داااااااااعي بس قراده.

--والشيء الثاني احنا سلكنا للشتر بس راح عن بالنا ان لازم نركبه قبل الالمنيوم فركبناه بعد الالمنيوم وطلع شكله مو مره لان الصندوق حقه صار واضح من برى وحلاته يكون مخفي. (تعمدت تكون هذه الملاحظة هنا لأنك إن نوتي تركيب شتر للنوافذ فيلزمك معرفة أن ؤول الشتر سيأخذ حيز من طول النافذة).


-نصيحة قبل لا تقرري اي شي اعملي مثلي ،ارسمي على ورقه كل الجناح بمقاسات 1 متر= 1سنتيمتر وحطي كل التفاصيل بدقة فيها مكان القوس، وعرضه ووزعي الاثاث فيها السرير 2*2 سم الكومودينو اعطيها اقصى حد 70 *70ملم ، التسريحه حددي موقعها 50 تقريبا * ؟ على حسب طول تسريحتك ولاحظي المسافه بين التسريحة والسرير يمكن تكون 90 سم ....قريبه مرة
وشوفي المساحة الباقيه كم ... وزي ماقلتلك بيبقى بعد طرف السرير 1.6 م ولازم يكون قدامه مفتوح
ومن بعد جوانب السرير للجدار 1.4 يمين و1.4 يسار
ومن بعد الكومودينو للجدار 70 سم


-بس بالنسبة لغرفة الملابس انا ما احسها حلوة انج تدخلين على غرفة الملابس وبعدين تدخلين على غرفة النوم لان لو كانت فيها ملابس يبغالهم تدخيل لو كانت التسريحة مو مضبطه ؟؟ فالافضل انج تخلين مدخل غرفة النوم على الجلسة احلى او على الغرفة بس بدون ما يكشف السرير .. بس غرفة الملابس احبها منفصلة عن المدخل ولها باب افضل مثل ما ذكرتي.


-للمبتدءات في البناء (مثلي) هذا الموقع مليء بكتلوجات مباني (كروكي) للمساقط فقط، تشاهدينها و
تختاري اللي يناسبك منها... زرته قبل سنة و كانت الفرجة (بلاش) لكن الآن للأسف لازم يكون عندك
اشتراك سنوي بـ 100$... شفتي كيف الدنيا تغيرت..
سأعرض بعض النماذج اللي خزنتها لكن ليس الآن لضيق الوقت..

http://www.almohandes.com/almohandes...namicIndex.asp


-لسالفه كبر الغرفه المفروض ان جناح غرفه النوم المثالي يقسم الى 4 اقسام تشمل التالي :
(-غرفه نوم ,غرفه ملابس ويكون فيها التسريحه منعا لازعاج الطرف الاخر ثم دوره مياه مستقله, وغرفه جلسه متصله بالجناح فيه كل سبل الترفيه سواء كمبيوتر او مسجل وتلفزيون) اكرر مستقله يعني بباب يفتح على غرفه النوم الرئيسه ليتسنى لك الاستفاده منهابحريه اكبر و منعا لازعاج الطرف الاخرالذي قد يكون نائما 0مو قوس لو بلوك رجاجي لان كل هذه التصاميم حلوه بس ما تحقق الهدف المطلوب يعني توصل الصوت والاضائه
نرجع نوضح انه يجب هندسيا ان لا تزيد مساحه هذا الجناح باجزائه الاربعه عن 25% من مساحه مسطح بناء الدور الاول
لان الغرفه الرئيسه بكذا بتكون للنوم فقط, وما ينحط فيه الا السرير والكمدينو الصغار على جوانب السرير وصوفا واحده ووحده الادراج الطويله للانجري فقط فما فيه داعي انه تكبر على حساب باقي اجراء الجناح خصوصا انه اذا كبرت تعبتي في تنظيفها -خصوصا اذا كنتي زي حالاتنا ماتخلين الخادمه تنظف غرفتك_وما تبرد لم صيفا بسرعه وما تدفا لك شتاء بسرعه ، نظرا لكبر حجمها يعني 5×9 =45 متر تستهلك تدفئه وتبريد بشكل كبير يوميا ان لم يكن على مدار اليوم لان ذا يقوم وذا ينام ومن ثم ترتفع شريحه الكهرباء ويزيد معامل الضرب -خصوصا لذوي التكييف المركزي وعاد شوفي الفاتوره واذا تبين اقول لك عن 25نصيحه هندسيه لنجاح تصميم غرفه النوم انا في الخدمه وذلك فيما يتعلق بفرشها وتصميمها واسففييييييييييييييين على الاطاله



يتبع أرجو عدم الرد لحين اكتمال الموضوع

المرحلة الأولى ( الأساس و اقامة العظم):

- الاخت اللي قالت توهم بالميدةاهم شي لا تنسون الرش ضد العثة اثناء الاساسات وبعدها وشركة الرش والمقاول يحدد الاوقات متى..
شي ثاني زيارة المهندس بعد كل مرحلة مهمة جدانصيحة خواتي للي راح يبدون تحطون مهندس يشيك ورا المقاول
حنا بعد ما حطينا الاساسات جا المهندس واكتشف عمود ناقص مع ان المقاول ممتاز ويمدحونه الجميع ..


-وكمان أي مشكلة لازم أسأل فيها مهندسين من النت وما نعتمد كلام المقاول وبالفعل فادوني كثير كثير لإننا نحن تورطنا في المقاول اللي سوالنا العظم الله يسامحه غلط غلطات كثيرة غير أننا كنا نجيب مهندس يشيك وراها ويأخذ الفلوس وكله تمام بصراحة ماعندهم ذمة ولا ضمير ، من الأخطاء اللي عملها لنا تعرفوا ماعمل لنا المدخل ولا درج المدخل ايش رأيكم ولما كلمه زوجي يقول بعدين ونحن مصدقينه وبعدين ماصدقنا أنه يكمل الأساس ويروح أخرنا تقريبا سنة و8 شهور على بال ما خلصنا العظم تخيلوا.


-ولا تنسون زي ماقالوا الاخوات لازم المهندس يراجع شغل المقاول اول باول لان مقاولنا رغم انا شفنا شغله في بيت ثاني وعجبنا بس الله يهديه خرب علينا مدخل الرجال وحمام الاولاد واضطرينا نليس البيت كله عشان نعدل خطأه اللي رفض انه يصلحه وخسرنا زياده على اللياسه واحنا بنحط حجر فمافي داعي للياسه بس اضطرينا عشان نعدل الشكل الخارجي ، وبالنسبه للطوب اخذنا طوب احمر عشان يعزل الحراره والبروده.

-طبقه عزل تحت البلاط في السطح ضروريه تخفف البرودة من الدور الثاني وهذه غلطتنا ما سويناها لان الغرف اللي ما في فوقها بناء تصير فريزر ايام البرد.

- ما هي الراقية جداً من وجه نظري الراقية جداً التوب ما يلي :
العظم يكون التسليح فيه عالي ، والخرسانة من الشركات الكبرى ، والبناء جدارين بينهما صوف صخري ،الدفان يستخدم فيه الرمل ، العوازل الأرضية للخزان والقواعد والميده والأرقاب من شركات متخصصة .
- ترى في البناء الحديث ما يحتاج عمود بس يكون التسليح قوي ،حنا الدرج دائري بدون عمود ، اسألي عن هالنقطة اذا كنتو ما بديتو.


-بنات اللي خلصوا العظم ،كم جلسوا الى ان بدأو التشطيب ،قال لنا المقاول يخلص العظم بعد اربع شهور، اعرف اذا في سيولة كل شي يخلص بسرعة ، بس العمالة والمواعيد حقتهم والـ ....الخ، ابغى من خبرتكم اهم الشي اللي نتفاداها اثناء التشطيب ..يسلموو

بالنسبة للي عنده سيولة اظن خلال 8 شهور بلكثير ممكن يخلص والله يسهلكم وييسر أمركم اهم شيء لا تستعجلوا فكروا وخذوا معلومات قبل كل خطوة وانتو حضروا نفسكم وزوروا أماكن السيراميك وألأبواب والحديد والأطقم الصحية عشان لما تختاروا تعرفوا فين الأماكن الجيدة وتروحوا لها بسرعة
بس اللي ماعنده ممكن يطول سنين يعني نحن الى الان لنا ثلاث سنين وشايفاها طويلة وطفشانه وشكلنا بنكمل اربع سنين على بال ما نحول بس سمعت واحدة في المنتدى هنا اظن اسمها سنفورة لندن نزلت صوربيتها قريب قالت انه لها سبع سنين حمدت ربي وشكرته عشان كده صرت الان اتنازل عن بعض الأشياء عشان ما نطول أكثر وتجيني حالة نفسية بصراحة
المرحلة الثالثة ( التشطيب):


الكهرباء:

-بعد ذلك اذا كان عندك خبرة او ارجعي للمجلات والاخوات ووزعي الكهرباء وحددي بالظبط الانارة والاباليك الجدارية بالذات والاباجورات ومخارج الدش يجب دراستها جيدا حسب مكان التلفزيون والافياش واللمبات لان ذلك يترتب علية شراء افياش والافياش مهيب رخيصة ولا تسوين مثل وحدة اعرفها حطت في كل جدار مخرجين للاباليك وقالت اللي ما ابية الغية بعدين واكتشفت بعدين ان عندها في كل غرفة 6 افياش مالها داعي ومنظرها قبيح لانها الغت الاباليك حقتها
اتفقي مع الكهربائي على اماكن الافياس والمفاتيح بحيث مفاتيح الانارة تكون على جهة فتحة الباب للداخل وجميعها بجوار بعض وعلى ارتفاع 130 الى 140 سم حتى يسهل للداخل انارة الغرفة ولا يكون مثل المهبول يتخبط في الظلام
كذلك توزيع التلفونات ان كان بتركبين سنترال يجب ان يكون بجوار طاولة جانبية في مخطط الفرش حتى لا تسحبين اسلاك في البيت


-وغلطتي الثانية اني ماحددت اماكن الانارة على الجدران قبل التلييس عشان يمددون لها كهرب

-وكمان راعو في الكهرباء تسليك الإنتركم وجرس للشغالة بدل ما تنادي بصوتك وتتعبي والدش لازم تحددوا زين الأماكن اللي بتحطونه فيه لإنه لو عملتي توصيله بعدين بيطلع مشوش.

-حددوا اماكن افياش الكهرباء وكيبل التلفزيون مقابل الجلسه وحسب احتياجكم.

-طبلون الكهرباء حددوا مكانه بحيث ما يكون في وسط الهول زي ما حصل مع البعض وشوه المنظر.

-واول مرحله بعد العظم مثل ما قالت لك الاخت رتوش تحديد اماكن افياش الكهرباءوالتمديد للكهرب والسنترال واي نضام حمايه داخل الفيلا كا لحمايه ضد السرقه والانظمه الصوتيه ان حبيتي.

-حددي اماكن اطقم الحمامات ومجلى المطبخ وكل شي يتعلق بالسباكة قبل ردم الارضيه
وهذه الخطوة تتم مع الكهرباء في فترة وحدة لان كل شي يرتبط بالثاني
مثلا عند كل مغسله تحتاجي فيش كهرباء وعند مواسيير المجلى من تحت تحتاجي برضه فيش لمكينه طحن بقايا الطعام الديسبوسر وهذة ممتازة ............ وفيش لغساله الصحون لو ودك تشتريها ، ولو بتشتري جاكوزي برضه يحتاج فيش يعني مثل هذه الشغلات
تحديد اماكن الافياش والسويتشات تبدا في مرحلة الكهرباء واذا ما اخترتوا راح يتصرف العامل من حاله وعلى كيفه.


- ولا تنسي ان يكون عندك في كل مكان 220,110 للاحتياط وفي المطبخ بالذات مراح تتلخبطي بينهم لانك حتختاري شكل 220 ابو ثلاث فتحات للامان، واضاءة جداريه لدواليب المطبخ العلويه .......وفيش للفرن الكهربائي للي بيركبه.


- أخواتي تذكرت شيء لما تكلمتوا عن الأفياش والكهرباء بالنسبة لإضاءة السبوتات انتبهوا لا تخلوها كلها تولع وتقفل مع بعضها ( يعني سلكها واحد) لا خلوها على سلكين بحيث تكون واحدة ايوه وحدة لا
فهمتوني يعني لو تبغوا تفتحوها كلها ممكن ولو تبغوا اضاءة خافتة ممكن وبكذا يكون صرفية الكهرباء قليلة وانتبهوا لإنه فيه كهربائية اغبياء لما تقوليلهم هذا الكلام يعملولك صف كامل مع بعضه والصف الثاني مع بعضه لا فهموهم زين
بالنسبه للافياش انا من راي يجب ان تكون في متناول اليد وقريبه بالنسبه للغرف اما اذا في مخططك حابه ان يكون في تلفزيون بلازما معلق بالحائط يجب ان تحددي وين ودك تحطيه بالضبط علشان تحطي الفيش خلفه وما يبين الاسلاك نازله او طالعه.



--وانا ابحث لقيت هالموضوع وااايد حلو .. خاص للأفياش الكهربائية ... لكل من سألت عنه :

هذا الموضوع منقول من مجلة المسكن- العدد 17 (باختصار):و القاعدة المثالية تقول ((اجعل مقابسك الكهربائية ملائمة و سهلة للأستعمال, و متوارية عن الأنظار ثانيا)) وهذا يعني أن تطلب من الكهربائي المختص أن يقوم بتركيب المقابس بالقرب من حلوق الابواب قدر المستطاع ولكن بعد أن يقوم المقاول أو المصمم الداخلي بتقدير المسافات التي ستمتد اليها الزركشة الداخلية و خصوصا حول الأبواب, و الأسباب الجوهرية في أختيار هذا المكان للمقبس الكهربائي سببان:

1) اذا افترضنا و قمنا بوضع هذه المقابس على الجدران في الأطراف أو الوسط فلن يكون هناك مكان للوحة جدارية أو قطعة فنية يمكن تعليقها.

2) يميل أغلب الناس حالما يدخلوا لأية غرفة مظلمة ان يقوموا بمد أيديهم محاولين البحث عن المقبس الكهربائي بالقرب من الباب و ليس بعيدا عنه.

و من الجائز أن يتسائل أحدهم : إنني بحاجة لأكثر من مقبس كهربائي في الغرفة الواحدة. و هذا أمر طبيعي فيمكن أن يقوم الشخص بتجميع هذه المقابس في مجموعة واحدة فاذا كانت هناك أكثر من أربعة مفاتيح كهربائية فاطلب من الكهربائي أن يقوم بتركيب علبتين فوق بعضيهما و بتوازي لا في صف واحد إذ سيصعب عليك تذكر مكان أي زر أو مقبس.
المواصفات القياسية لمواضع المفاتيح و الأفياش الكهربائية

ترتفع العناصر الكهربائية عن مستوى الأرضية على النحو التالي:
أ- صندوق المفاتيح الرئيسي (الطبلون) 1.5 م
ب- مفاتيح السخانات 1.2 م
ت- الأفياش الكهربائية 30 سم
ث- أفياش التلفاز و التليفون 30 سم
ج- مفاتيح الإضاءة 1.2 م
ح- أفياش و مفاتيح المطبخ 1.4 م
- جميع الأسلاك الكهربائية تكون داخل أنابيب pvc من الدرجة 40 و الحد الأدنى لقطرها 15ملم.
- أسلاك المكيفات و أسلاك الإضاءة و أسلاك التلفاز و الأجراس تكون معزولة عن بعضها البعض.
- لا يتم استخدام الوصلات ما بين الأسلاك الا من خلال صناديق الوصل.
- جميع الأفياش و المفاتيح الكهربائية الخارجية تكون من النوع المقاوم للماء و الأوساخ.

وفي نهاية المطاف تذكر دائما أن ما يبدو لك واضحا و بديهيا فإنه من الجائز أن لا يبدو كذلك للكهربائي .
أخبر الكهربائي عن أماكن قطع الأثاث و التي من الجائز أن تؤثر على أماكن المقابس فمثلا إن خصصت مساحة لأحد المقاعد أو الطاولات فتأكد من مناقشة أبعاد ارتفاع المداخل الكهربائية و احتياجاتك, سواء أردت ان يكون المقبس الكهربائي فوق المقعد أو قريبا من الأرض.

إن التخطيط المدروس يوافق ما بين المقابس و المداخل الكهربائية و ما بين التشطيب الداخلي. ففي المطبخ يفضل أن تكون المداخل الكهربائية بالقرب من الكاونتر و حوالي كل 65 سم, وهذا يعني أنها ستتوزع على طول محيط الكاونتر, و لتجنب اختلاف وضعية المقابس مع تصميم السيراميك فإنه من الأفضل أن تتواجد مع الكهربائي لتتأكد من هذا التوافق (البعض يفضلون أن تتجمع المقابس بجوار بعضها )
إما تحت أو فوق كبائن المطبخ و بهذه الطريقة فإن المقابس ستكون متوارية عن الأنظار و سهلة الإستعمال, و المداخل الكهربائية ضرورية في تصاميم مطابخ الجزيرة و المكان الأفضل لها على الأطراف.
و من الواجب أن تكون المداخل و المقابس الكهربائية في الحمامات محمية و معزولة جيدا و على بعد 1 م من المغسلة (خطورة قرب الكهرباء من الماء معا) و اذا كنت تعلم تماما المكان الذي تود أن تخصصه لمقابسك الكهربائية فمن الأفضل أن تخبر الكهربائي بهذه الإختيارات لأن البعض يفضل أن يرى هذه المداخل بالقرب من المرآة و البعض يحبذها على جدار جانبي.
أما لباقي غرف المسكن في حال كان الأثاث منظما بحيث يبتعد عن الجدران فيفضل أن تكون المقابس الكهربائية قريبة من الأرض.

-افياش الكهربه لازم ما تكثرين منها في كل جدار لانها تنحسب لك وانتي تخسري روحك عليها بعدين تلقين ان ما منها فائدة بس تشويه للجدار .. وطبعا تنحط جنب الباب عشان من تدخلين الغرفة تلقين السويش تشغلين الليت احسن من تخبطين في شئ .. ولازم يكون عندك تصور لأماكن الاثاث .. لاماكن الثريات اللي بالسقف واللي بالجدار .. وهذا غير افياش التلفون والتلفزيون .. وعندج بالمطبخ افضل في كل جدار فيشة واتكون على مستوى الخزائن يعني في النص بين الخزانات .. عشان الاجهزة كثيرة في المطبخ بس تحملي عند المغسلة طبعا ما تخلين فيش عشان الماي ما يكهرب .. ايه بعد الافضل يكون تحت مو بالنص عشان لا تشوه الجدار بالاسلاك المتدلية ..
وباقي الأخوات بالنسبة للأفياش لاتنسون الأفياش في غرفة النوم للأستشوار عندالتسريحة وأفياش للأبجورات تكون أسفل الجدارعندالسريرواذاكنت بتحطين في الصالة ولاأي مكان آخر حددي موقعها عشان تتلافين مشكلة التوصيلات الكهربائية وانتبهوا فيه أفياش للتلفزيون وخلافه تجي فتحاتها دائرية نصيحة ابتعدوا عنها لأن لمايكون فيش أي جهازكهربائي عندك مشطوف مايدخل الابتوصيلة لأني عانيت من هالمشكله وحبيت أنبهكم



يتبع...
السباكة:

[COLOR="RoyalBlue"]-اول نصيحة لك من اخت توها منتهية من بنا بيت باعتراف الجميع كبير وجميل ودقيق اقول لك لا تشتتين افكارك وابداي خطوة خطوة
اولا انت انتهيت من العضم اول شي روحي محلات الادوات الصحية واختاري القطع الصحية ووزعيها في الحمام وقرري مكان كل قطعة لان ذلك يترتب علية تمديدات اساسية وبالانسبة للادوات الصحية الغالي عندك ابا حسين عندة ماركة عملية جدا كل عدتها من النحاس مهوب من البلاستك اسمها توتو وهم يقدمون خدمة التوزيع المجاني للقطع يعني يفيدونك بالافكار وحاولي انه يكون فية حركات في الحمام بالذات الرئيسي من ارشات ورسومات ما يكون حمام جامد ابدا اما الرخيص فعندك الخزف السعودي عندة اشكال حلوة بعد ومعقولة



-واستغنوا عن السخان في المطبخ لإنه يشوه المطبخ وخلو الماء السخان في المطبخ يجي من أقرب حمام له.
-بالنسبه لسخانات المويه خلوه واحد مركزي في سطح البيت يتوزع لكامل الحمامات والمطابخ
لان الحمامات بالسخانات القديمة شكلها بايخ.


-في شي اسمه كوع ريحة في الحمامات نبهوا على السباك انه يضبطه لان تطلع روائح كريهه ما تنطاق من الحمامات.


- حددي اماكن اطقم الحمامات ومجلى المطبخ وكل شي يتعلق بالسباكة قبل ردم الارضيه.


-وعندي غلطه اني ماحطيت مغسله في حمامي خليتها برى المشكله انه ضروري يكون فيه مغسله جوى خصوصا وقت الوضوء وفيه مكان لها بس لازم تكسير وحوسه.


-والتسريحه انا مكبره المغسله اللي في مدخل الغرفه وحاطه على جنبينها دواليب طويله عشان اخزن فيها اغراضي كلها من مكياج وكريمات وزيوت واستشوار ولفافات شعر واما الاكسسوارات بخليها على التسريحه اللي بحطها في غرفة النوم ولا راح اتكلف فيها.


-من مواصفات الفلل الراقية: السباكة هناك شركات متخصصة في التمديدات المميزة ومنها شركة انبوب التي تستلم منك من المخطط الى التسليم ومبلغها غالي شوي ، وكذلك تمديدات الكهرباء هناك افضل نوع هو التمديد بالمواسير الخفيفة السماكة بدلاً من الليات الحمراء العادية ، بعد ذلك تاتي الطلبات من انظمة الدش والهاتف والسنترال واشياء كثيرة قد لا تفيد التفصيلات دون ان نسمع الرغبة من الشخص المستفيد .


-بانسبه للحمام العربي فيه بعض الناس ترتاح له وتقدرين تحطينه في الحمامات اليوميه حقتكم ,وما احبذ وجوده في حمامات الضيافه لان الحمام العربي مع قلة الاستخدام تنشف قناة الصرف حقته و يطلع ريحه بالاضافه انه يتعذر فرش الحمام لان الارض بتكون دائما رطبه.




التلييس:

1-مرحلة ما قبل التلييس:

-لا تنسوا تخصصوا اماكن في الجدران لدواليب العبايات.


-الاشياء الي تمنينا اننا من اول حسبنا حسابها هي المغاسل تمنينا من الاول بنيناها وخلصنا من حوسة العمال من جديد يعني بالبلك وتخلين الي فوق مفتوح لان الرخام بيجي فوقه والمقدمه خليها مفتوحه عشان تحطين درفتين خشب تعطي شكل حلو للمغسله.

-في فكرة حلوة امكن اسويها ان شاءالله في بيتي الجديد اذا الله اراد
وهي تفصيل دولاب كبير ينفتح بطريقة السحب الجانبي ويكون شكله الخارجي مراااااااااااااااااااايه كبيرة ويكون الدولاب داخل الجدار عند المدخل بحيث اللي يشوفه يحسبه مرايا عادية على كبر الجدار لكن هو دولاب

2- التلييس:

-اية يجيك بعد ذلك مرحلة اللياسة لابد ان يكون مليس مجرب لان عيوب اللياسة خطيرة ما تبان الا بعد البوية حيث تظهلر التعرجات وفية حيلة بسيطة تمكنك من اكتشاف الاخطاء بعد ان ينتهي المليس تعالي في الليل وجيبي لمبة معك ومشيها على الجدار بذلك تكتشفين الخطا مبكرا كذلك انتبهي للتلييس من تحت لان ذلك يبان عند تركيب السيراميك والابواب
وانتبهي ان الاماكن اللي بيركب فيها حجر او سيراميك على الجدران يكون تلييسها خشن وليس ناعم لذلك يجب ان تقررين قبل اللياسة اذا كان عندك اماكن بها هذة الديكورات


-اللياسه واهم شي تكون بطريقه القده للحصول على افضل النتائج وقبل اللياس فيه شي اسمه( الطرطشه) وتعتبراول مراحل اللياسه وان كنتي بتحطين الواجهه حجر اوجزء منها تراه مايليس لان الحجر ما يحتاج لياسه ومتر التلييس عادة ب 5 بدون مواد ويستخدم فيه اسمنت بحريني وتخلط بماء عذب لتكون الياسه تمام وناعمه
[/color]



يتبــــــــــــــع..
الجبس و الأسقف + مكيفات السبليت:

الجبس ..ماعدا الحمامات والمطابخ تكون بعد سيراميك الحائط

-بعد اللياسة يامفعوصة عندك مرحلة الجبس وهناك نوعان للجبس من ناحية الخامة ومن ناحية طريقة التركيب
من ناحية الخامة عليك بالجبس الفرنسي لمنطقة الحمامات والمطبخ لانة لايمتص الموية ومقاوم للحريق لا سمح الله طبعا المقاول حيحاول يقنعك بالجبس السعودي ويقول انه يشبهه تدرين لية؟؟؟؟؟؟؟؟؟؟؟
لان كيس الجبس الفرنسي بخمسين ريال والسعودي بخمسة ريال عرفتي إإإإإإإإإإإإ
ثانيا اشترطي ان تكون عملية تصنيع الواح الجبس امام عينك في الموقع لانة ممكن يجيب لك بلاطات جبس عادي ويقول لك انة فرنسي وانتي ما تدرين وهناك طريقة نعرفها نحن مهندسين الديكور للتمييز ولكن يصعب شرحها
كذلك احسن نوع جبس فرنسي وارد البعيز نمبر ون كذا اسمة اذا سمع المقاول معك هذي المعلومات بيعرف انك منتيب سهلة وفاهمة واشترطي علية انيكون الشعر المستعمل في بلاطات الجبس شعر كيني وبكمية راهية لان الشعر هو اللي يمسك البلاطة ببعض واذا كان قليل تتشقق البلاطة بسرعة عرفتي لية طلبت منك ان يكون التصنيع للبلاطات في الموقع عموما الجبس همومة طويلة ولما تجين مرحلتة ارسلي لي على الخاص
بعد ذلك تجي طريقة تركيب الجبس او تعليقة هنالك الطريقة الهندية العادية وتستخدم في اغلب البيوت وهي تكون بربط البلاطات بالسقف بالشعر وهذة تستخدم دائما وسعره معقول ما بين 60-70 ريال وممكن باربعين ولكن انحاشي من ابو اربعين لانة سيغش في الخامة وافضل جنسية للجبس المعلمين الهنود ابعدي عن الباكستانيين لان ما عندهم سالفة
اما الطريقة الثانية فهي الطريقة الفرنسية وتستخدم للبيوت التي بها تكييف مركزي فاذا كان لديك قولي لي حتى اشرحها لك
واذا كان سقف بيتك واطي اختاري تصاميم ترتفع من الوسط لاعطاء احساس بالارتفاع
واشترطي على المقاول ان تكون الكرانيش من شركة الجبس السعودي وهو بيحضر لك كتلوج تختارين منه لان كرانيشهم حلوة وقوالبهم نظيفة
ابتعدي عن موديلات القدد والديزاينات الريفية التي تجي مثل العوارض العرضية والطولية الا اذا كنتي ستفرشين بيتك على الطراز الريفي او المكسيكي وقتها تمشي معك اوكي.
-اما طريقة التعليق الفرنسية فهي كالتالي
يقوم الفني بتركيب قواطع حديد مجلفن ومجلفن يعني انة معالج بطريقة بحيث لا يصدا الحديد مع الرطوبة المتسربة من التكييف على مدى الوقت مما يسبب بقع بنية بعد مرور 3 سنوات او اقل ويجب ان تكون نسبة الجلفنة من 150-الى 270 وهناك نسبة 70 ولكنها ضعيفة ويمكن ان تميزين القواطع هذي انها تتقشر لان نسبتها ضعيفة واحسن مورد لها المصنع السعودي للقواطع المجلفنة اشترطي ذلك وتكون نسبة المربعات اي الخطوط الطولية والعرضية بهذة القواطع60 في 60 لانك ممكن تحتاجينها في تعليق الثريات ولا تنسين ان تنبهين على الكهربائي ان يثبت خطافات قوية في الصبة في السقف لتعليق الثريات والا؟؟؟؟؟؟؟؟؟؟؟ قد تفاجئين عند تركيب الاضاءة انه لا يوجد خطاف مما يظطرك لتكسير الجبس لوضعها ثم اعادة الجبس واعادة دهانة مما ينتج عنة بقعة واضحة لو دهانك بطريقة التعتيق بعد القواطع يقوم فني الجبس بتعليق البلاطات الجبسية بالشعر في القواطع وليس في السقف حسب الطريقة الهندية و ويجب ان تبتعد قليلا عن داكتات التكييف حتى لا يتشقق الجبس عند اول عملية تشغيل للتكييف المركزي
كذلك يا ليت يكون التكييف وحدات منفصلة اي على اكثر شي كل غرفتين سوا وليس كما يفعل الكثيرين يشبكون غرف النوم كلها في ماكينة وحدة هي ارخص شوي بس في المستقبل لو نام شخص في غرفة اظطر ان يشغل تكييف غرف النوم كلها وهذي تكلفة في الكهرباء اضعاف تكلفة الماكينة في البداية
كذالك يجب ان يطلع مهندس الديكور التابع لك على مخططات داكتات التكييف النازلة من السطح للدور الارضي مرورا بالدور الاول لان اماكنها لازم ما تتعارض مع مخطط الفرش لان شركات التكييف اخر همها ديكور بيتك وقد تفاجئين انهم مررو الداكت في موقع سريرك او تسريحتك وهذا موااااااااااااااااال كبير يجب ان تنتبهين لة يا عزيزتي


-خلصت الجبس وغلطتي اني كنت ادور اشكال جاهزة ماحاولت اصمم كان في بالي اشكال كثير وحلوة
بس كنت خايفة انها ماتظبط وصرت ادور اشكال جاهزة
بس بعد التنفيذ ماعجبتني بس ان شاء الله بعد البوية تطلع احسن



-بالنسبة للسقف المطبخ كنت زيك محتارة بس حطيتها جبس لإنه الشرائح أبدا مادخلت مزاجي حسيته زي حق المعارض والمحلات والحمامات حطيت جبس فقط كرانيش سادة وطالعة حلوة بس اشترطي على الجبس الخاص بالحمامات والمطبخ أنه لازم يخلطونها بمادة اسمها اسكادورا اظن هذه تحمي الجبس من الرطوبة والحرارة وعادة يحطونها للجبس لخارجي بس أنا خليتوهم يحطونها برضه للحمامات والمطبخ.



-وحسب ما سمعت من زمان أن كيس الجبس الفرنسي 50 ريال والجبس السعودي 5 ريال شفتو الفرق كيف.
بس سألت واحدة خبيرة بالديكور قالت انها صممت لبيوت كثيرة جبس عادي في المطابخ والحمامات وماتغيرت معاهم وقالت لي حتى أنه لو تغير لونه ودهنتيه بويه 5 مرات كل سنتين ثلاث بيطلع معاك ارخص مما لو عملتيه بالفرنسي فنحن صرفنا نظر على طول عن الفرنسي.


- بالنسبه للبراويز افضلها من اسفل فقط في المجالس الرسميه يعني شريط عضي ومن تحته براويز عشان ما تقيدك في تعليق اللوحات هذا لو حبيتي
انا فكرت اعملها وزوجي كلم الجباس وبعد ما غيرت رأيي لقيته بدأ الشغل وخلص صالون الرجال
الشكل طلع حلو واعطى رسميه للمكان وميزه عن بقيه البيت فخليته
بس طبعا لو عملتيها ما اعتقد انها تمشي مع صرعات الديكور التعتيق والمكسيكي والذي منه
يعني البويه السادة تناسبه اكثر جبس اللي بالسقف لو تغيريها افضل.


- وانتبهي من اللحين حددي الاشياء اللي بتصلحونها بالجبس مثل الاقواس لاني يوم خلص من السقف كان فيه مدخل يودي لحمام الرجال وكان نفسي يحطه جبس ناعم فقال ليه ماقلتوا من اول اللحين الجبس حق السقف نازل ومقدر اصلح قوس.


-بالنسبه للجبس انا جبت شركه متخصصه وهي الحقل الاخضر اللي في التخصصي بس صراحه شغلهم مره حلو, بالنسبة لأسعار الحقل الأخضر كانت مررة مرتفعة والجبس أحنا ماتكلفنا فيه ولاحطينا موديلات
بس بالنسبة للديكورات الداخلية اللي على الجدران هم اللي راح ينفذونها لأن عندهم حركات روعة ومايرضون نصورها00لكن الأسقف ممكن تجيبين معلم من المحلات العادية وراح يضبطه لك ويعطيك ضمان



-بالنسبة للمكيفات السبليت اشوف انتو ممكن تحددوا أماكن معينة تحطوه فيها زي المجالس والصالات أحس احسن فيها السبليت
أنا عن نفسي في بيتنا حطيت كل البيت اسبليت ماعدا خمسة غرف وهي 3 غرف نوم الأطفال وجلس الحريم وغرفة الخادمة وندمت أني ما خليت مجلس الحريم سبليت.


-اختي انا ركبت قبه زجاجيه في البيت فوق الدرج من الزجاج الملون صحيح انه اقل جمالا من الزجاج المعشق بس الميزانيه فرضته علينا
الزجاج المعشق راح يكلف 17 الف ريال زجاج دائري ملون وفوقه حمايه ضد الشمس والكسر
ان شاء الله راح نركبه في المستقبل
وركبنا في الوقت الحالي الزجاج الملون ماشي حاله وهو خايط من البلاستيك والزجاج وفيه منه اشكال وانواع كلفنا 4000 ريال



يتبع....


الساعة الآن 01:26 .