بسم الله الرحمن الرحيــــــــــــم
ملف الوصفـــــــــالمعتمدةـــــــــــات
فكرة الملف : اكيد كل واحدة فينا جربت وصفات ومنجحتش معاها وجربت وصفات ونجحت معاها فـاحتفظت بالطريقه عندها وبقيت تعملها على طول بنفس المقادير ومبتغيرهاش ابدآ
واكيد اى واحده مننا سمعت وصفه من صديقتها او جارتها او من اى منتدى او من التليفزيون وجربتها ونجحت معاها فعتمدتها
واكيد كلنا الحمدلله عندنا من خبرة امهاتنا اللى لاتقدر
علشان كده انا فكرت ان نجتمع كلنا فى وضع كل ما عندنا من اكلات معتمده ناجحه واهو كلنا نفيد بعض وندعى لبعض وكله خير لوجه الله تعالى
الملف ده من مجموعه بنات ملف استشارة مطبخيه يومية جمعوا كل ما لديهم من اكلات معتمده وفكروا انهم يفيدوا بنات المنتدى وان شاءالله بعد ما اكتب كلمة
( انتهى ومع الجزء الثانى ) تقدر اى بنت تضيف مالديها من اكلات معتمده
وجزاكم الله كل خير
ملحوظة مهمه :...........
انا حكتب على كل وصفه معتمده اسم البنت اللى نزلتها فى الملف واكيد ممكن تكون الوصفه جربتها من منتدى تانى او من ملف تانى لكن المهم انها جربتها ووثقت فيها واعتمدتها وده مش معناه انها بتنسب الوصفه لنفسها ابدا ابدا ....اتفقنا ؟؟؟؟؟ اتفقنا

انا مش ححزف اى كلمه من كلام البنات حنزل اللى كتبوه زى ماهو


الجزء الاول
07-11-1431 هـ, 06:57 مساءً
 

5.00

عدد التقييمات: 2
5
100%
4
3
2
1



مدام محمد

طريقه السمبوسه دي جربوها بجد تحفه
بس لازم ترقي العجينه كويس وبالنسبه للجبنه الشيدر شيدر كرفت

المقادير والطريقه سهلله
شريحتين بف باستري
كأس طحين
نصف كأس ماء
الطريقه:يوضع الطحين في إناء ثم يخلط البف باستري مع الماء في الخلاط
ثم يعجن مع الطحين وتكور العجينه ثم تفرد وتوضع في آلة تشكيل السمبوسهّّّّّ
وحطيها باي حشوه تحبينها
واقليها بعد كده بجد بتعمل كميه تمام وبتفك ازمه وطعمها جمييل جدا







07-11-1431 هـ, 06:58 مساءً
 




طيب انا عجينتي اللي مبيغيرهاش ابدا ابدا ومعتمداها عندي اولا للمعجنات الحادقه : مدام محمد
دي بعمل منها البيتزا والكرواسون العادي والفطاير باشكالها اي حاجه تخطر علي باللك.

2كوب دقيق
عليهم كوبايه زبادي
خميره من الفرن وبقول من الفرن اهو في حجم عين الجمل
- نصف معلقه ملح –
-و1 معلقه سكر
-ونصف كوبايه زيت نباتي عباد او ذره او زيتون
-عليهم تقريبا كوبايه ونصف ميه
-واضربي بالخلاط يا اما المضرب السلك لحد ما تبقي معاكي عجينه زي عجينه القطايف سبيها ساعه تخمر زودي دقيق لحد ما تبقي عجينه بتلزق بس ملمومه معاكي وغطيها وسبيها ربع ساعه ترتاح واشتغلي فيها .

لما اكون بقي هستعملها للسينبون او الدونت بحط في المقادير الاولي نصف كوبايه زبادي 2 بيض فانليا وبقلل الميه يعني تقريبا بتبقي من كوبايه لكوبايه وربع وبس




07-11-1431 هـ, 07:00 مساءً
 


تابع مدام محمد
بصوا يا بنات العجينه اول ما لمتها انا معجنتهاش اول ما اتلمت معايا غلفتها وحطيتها في التلاجه وهتلاقو الزبده باينه حتت فيها هو ده المطلوب ولما سبتها ساعتيين خرجتها وفردتها علي ورق المونيوم عشان متلزقش واضطر احط دقيق المهم فردتها وزي ما قلتلكو وهي دايره هتحطوا النشابه في وسط الدايره وتزقوا مره لفوق ونرجع تاني لنص الدايره ونفرد من نصها لنحيتك يعني من النص لناحيه اللي قدامك ومن النص لناحيتك انت ليه ده مش هيحلي الزبده تسيح لحد كده حلو فردتيها مربع هاتي الناحيه اليميين لنص العجينه والناحيه الشمال لنص العجينه هيبقي شكلها كانها كتاب قدامك عاوزه تفردي تاني لاقيتي الجو كويس افرديها تاني كانك بتفردي العجينه عادي وبعدين طبقيها نفس التطبيقه ودخليها التلاجه متغطيه ساعتيين كده عملنا بونطين هتطلعيها وتفرديها بنفس الطريقه وبعد ما تفرديها وتطبيقها دخليها نصف ساعه التلاجه وطلعيها وافرديها وقطعيها مثلثاث للكرواسون ومربعات للباتيه والدنش واحشيها اللي انت عاوزاه هنا بقي هقلكو علي الغلطات اللي انا عملتها عشان تتجنبوها:

اولا قطعت الزبده كبيره قوي لا الزبده القطعه تبقي بحجم عقله صباعك .

ثانيا مسبتهوش يخمر في المره الاولي فكان مكبوت شويه الصنيه الاخيره سبته بعد التشكيل يخمر ساعتيين طلع روعه .

عاوزه اقلكو ان انا العجينه دي كنت خايفه موت وانا بعملها وكنت هرميها عشان كده مصورتلكوش بقيت الخطوات لاني قلت دي هتطلع بايظه بس سبحان الله انها طلعت احسن طريقه ومش هعمله اللي بالطريقه دي لانها اسهل الطرق واعتبروها المعتمده بس بجد متخفوش وجربوها مش هتندموا واللي خايف يجرب في نص المقادير

07-11-1431 هـ, 07:00 مساءً
 




مليسيا
انا معتمدة بيتزا الاوريجانو خطيييييييييره بلا منازع بقت ادمان عندنا وكل اللى يدقها بقالنا قرن بناكلها ومش زهقنا منها ابدا
عجينة عشر دقايق او اى عجينه معتمده
مكونات :
3 ملاعق جبن سايل كرفت اواى نوع مملح
ولو مفيش حطى 4 حبات جبن مثلثات لافشكيرى
2 معلقه ماينويز
علبه قشطه قيمر
كل دول يتخلطو سوا ويتحطو طبقه اولى
وبعدين رشه اوريجانو اطحنيه او هاتيه اكياس باكتات زى الشاى
وبعدين رشه جبنه موتزريلا او تركى
بس اهم حااااااجه تبقى رقيقه يعنى لو عجينه عشر دقايق تعملى نص مقدار على صنينه كبيره وترقيها بالنشابه
وادعوووولى


07-11-1431 هـ, 07:00 مساءً
 


الساعة الآن 05:51 .