Analysis Services
]



امانى 61

شرائح السمبوسك
مقادير العجينه
2 كوب دقيق ( انا استعملت دقيق الخمس نجوم)+رشة ملح +معلقه صغيره زيت + معلقه كبيره من بودرة الكريم شانتيه +ماء للعجن
والكريم شانتيه ده بصراحه اول مره اجربه ولاقيت بنات كتير بتشكر فيه وبتدخله فى انواع كتيره من المعجنات وفكرت انه ممكن ينفع فى عجينة السمبوسه وفعلا ادى قوام جميل للعجينه المهم
تخلطى كل المكونات الجافه
وبعد كده تزودى الميه براحه لحد ما تلم العجينه وتفضلى تعجنى لحد ما تحصلى على عجينه لينه متماسكه تقطعيها كور انا هنا عملت مقدار صغير للتجربه 2 كوب دقيق ادانى10 كرات صغيرين اد البيضه كده ترشى عليهم دقيق وتسيبيهم يرتاحو من نص ساعه الى ساعه كامله
بعد كده تاخدى كل كره من دول وتفرديها حاجه بسيطه وتدهنيهم زيت وترشى دقيق وتحطى كل خمسه فوق بعض
يعنى كده هايبقى عندك دايرتين كل دايره بتتكون من خمسه طبقات فوق بعض وبينهم زيت ورشة دقيق
بعد كده تفردى كلا من الدايرتين بالنشابه على قد ما تقدرى وعلى قد الصاج او الصينيه بتاعتك وانتى كل ما تكونى سبتيها ارتاحت العجينه كويس هاتلاقيها بتتفرد حلو معاكى
بعد ما تفردى تحطيها على الصاج بتاعك بدون ما تدهنيه و اللى مسخناه مسبقا
واول ما تبداء لون العجينه بتاعتك يتغير تقلبيها شويه وتشليها بسرعه يعنى يادوب يتغير لونها( لكن مش تتحمر او تتخبز لأ ) تقومى على طول شيلاها ومغطياها فى كيس نايلون عشان مش تنشف معاكى وبس تعملى نفس الحكايه مع اللدايره التانيه
بعد كده بسكينه البيتزا تقومى شايله الاطراف وتقسمى العجينه لشرايح بالطول زى رقائق السمبوسه وتفكيها عن بعض برااااحه خالص
وشوفى بقى الكميه اللى هاتحصلى عليها من رقائق السميوسه جميله وشفافه واحلى من اللى بنشتريها طبعا انا ما صورتش الخطوات لانى كنت لسه مش واثقه من نجاح الموضوع بس بعد ما شفت النتيجه الحلوه قلت لازم اصورلكم علشان تتشجعو وتجربوها هتعجبكم اوى وهتبطلو تشترو من بره وكمان جربت اقلى اتنين بصراحه مكنش عندى حشوه بس كنت عامله شاورما فخدت شويه وحشيت بيها وقليتها فى الزيت علشان اوريلكم بجد تحفه هشه وبتقرمش ومش بتشرب زيت منالاخر تحفففففففففففه يالا جربوها ووشيلوها فى الفريزر


]
07-11-1431 هـ, 07:00 مساءً
 
[[]
[



مدام شيرين ام ادهم
(وحشتينا يا شيرين)

امبارح عملت خبز صاج للعشا الطريقه معتمداها من سنييييييين واخدتها من كتاب المطاحن الكويتيه
وعملتها بحشوه البورجر اللذييييذه فعلا مش هطول عليكم اتفضلوااااااااااااا

المقادير: 3 كوب طحين كامل<<انا استخدمت طحين ابيض وعايرت بكوب كبير <كاس
معلقه كبيره حليب بودره
نص معلقه كبيره خميره فوريه
معلقه صغيره سكر
2 معلقه كبيره زيت
رشه ملح
كوب ونصف ماء دافئ للعجن<انا افضل تحطيه شويه شويه حتى تتكون العجينه ولاتعتمدى على المعيار

الطريقه:
هنحط كل المقادير مع بعض ماعدا الماء
نحط الميه شووويه بشوووويه حتى تتكون عجينه
العجينه بتكون بتلللللزق لكن اصبحت بهيئه العجين اياااااكى تزودى طحين لكن اتركيها تخمر لساعه وهتلاحظى ان التلزيق راااح تمااما واصبحت عجينه طريييييييه<
فى هذه الاثناء هنجهز الحشوه
علبه بورجر<<استخدمت 6 قطع_بصله متوسطه مقطعه شرائح _طماطم مقطعه_بقدونس مفروم_طحينه
هنحط البصل ع النار حتى يذبل ويصفر
نضيف بعد كده البورجر المحمر والمقطع لمكعبات صغيره ونقلب
بعد كده الطماطم المقطعه مكعبات صغيره
بعد كده نضيف البقدونس
واخيرا الطحينه
ودى طريقتها
معلقتين كبار طحينه عليها نص ليمونه كبيره ومعلقتين خل ومعلقتين ماء او اكثر قليييلا عليهم رشه ملح وفلفل وكمون
وحاااااليا الخبز الصاج اختممممممممر
هنقطعه لكور كل واحده بحجم البيضه او اكبر قليييلا ونفردها على سطح مرشوش جيدا بالطحين
هنكون مجهزين طاسه على نار وسط ومعانا مناديل عشان بعد كل خبزه نمسح الطاسه <وطبعا الطاسه مدهونه زيت خفييييييييييييف
وبعد كل خبزه تمسحى بالمنديل وترشى زيت خفيييييييييييييييف
بمجرد ماتنقط كده اقلبيها على الوش التانى على طول
وكل خبزه تخلص تحطيها بعلبه مفروشه جرايد او قماشه وتغطيها على طول عشان تظل طريه
شوفى ازاى بتنتفخ امممممممم
اتمنى ان شاء الله تكون عجبتكم وياريت تجربوها بجــــــــــــــــــــــــد


align]
[n]]
07-11-1431 هـ, 07:01 مساءً
 




la rose
حاجة كمان معتمداها شوربة الفريك
بسلق لحمة متقطعة صغير واصفيها من ميتها واحطها على جنب
بفرم بصلة متوسطة ناعم قوى وفص ثوم مدقوق وبشوحهم على النار مع شوية كسبرة بودرة
اكون غاسلة الفريك كويس ومش ناقعاه ولا حاجة بس غسيل كذا مرة لغاية ما تبقى ميته بيضا
واحطة على البصلة والثوم ومعاهم مكعب ماجى واقلب شوية كانى لفلفله وبعدين احطله مية مغلية مقدار كبير لانه وهو بيستوى هيقعد يشرب فى المية وتقل كتير
واحط رشة كمون صغيرة ورشة بهارات مشكلةواللحمة واسيبها تستوى على نار متوسطة حوالى نص ساعة او اقل حسب ما تلاقى الحبة مبقتش تقرش معاكى
وكل 10 دقايق بصى على ميته عشان لو تقل والمية قلت تزودى مية وفى اخر السوا حطى الملح وسيبيه يغلى غلوة واطفى واغرفى
فى ناس بتعمل بعد ما تخلص الطبخة تقلية زى تقلية الملوخية بس ببصل وثوم وكسبرة غير اللى حطيناهم فى الاول وتطشها وبتبقى حلوة برضه
احنا بناكلها لوحدها بنفت فيها ومعاها سلطة خضرا متقطعة كبير وبس
ولو مش هتاكلوها على طول هتلاقيها مع الوقت بتتقل فلما تيجي تسخنيها زوديلها المية تانى عشان تعوضى المية اللى شربها القمح
07-11-1431 هـ, 07:01 مساءً
 
[]








فراشة الربيع الشاورما
طريقتي بحط معلقتين تلاتة زيت في طاسة وأدي قطع الصدور_طبعا بكون متبلتاها على الأقل كام ساعة-- تحميرة خفيفة من كل وش يدوب تاخد لون سريع من غير ماتستوي
لما أخلص كل القطع أرجعهم تاني في الطاسة كلهم وأزود شوية مية وشوية بهار شاورمة --بجيبة من العطار مش سبايسي --وأغطي عليهم على نار هادية لحد ماتستوي
أخدها أقطعها شرايح
وأكون مجهزة فلفل وبصل وطماطم مقطعين أتبلهم بملح وفلفل أسود وبهارات شاورمة
وأخلطهم سوا وأرجعهم على النار مع معلقتين زيت أوحسب الكمية وأقلبهم مع بعض شوية الخضار يدبل وياخد نفس اللحمة
بعدين أعمللها فحمة ---طبعا معروفة --- وأغطي عليها لحد ماتبطل الفحمة تدخن

align]
]
07-11-1431 هـ, 07:01 مساءً
 




["]الرز الايراني: la rose
أول شي نجيب دجاجة نقطعهاأرباع ونشيل منها الجلد (وممكن صدور دجاج أو أفخاذ زي ماتحبوا ) ونفركها بملح ودقيق وليمون
وننقعها شوية في ليمون وخل وزبادي لمدة ربع ساعة
نشيلها من اللبن ونحطها في حلة ونسلقها فى مية مضاف عليها ملح و بهارات صحيحة
بعد ماتستوي نطلع الدجاج ننسله ونحتفظ بماء السلق بعدما نصفيه
الرز: 3حبات بصل جوانح ونحمرها بشوية زيت عالنار ونضيف لها فص ثوم مهروس و جزرتين مبشورين
ونص كأس زبيب منقوع في موية حارة لمدة ثلث ساعة ومصفى وملعقة زنجبيل مطحون وملعقة صغيرة كركم
ورشة كاري وواحدة ماجي وملعقة صغيرة لكل من( كمون- كزبرة- قرفة مطحونة - بهارات مخلوطة وفلفل رومي شرايح رفيعة ونقلبه
نحط الدجاج عالخلطةالسابقة وشوي منمرقة الدجاج بس عشان الخلطة متلزقش وتنحرق ونغطي عليه ونخليه على نارهادئة جدا لمدة عشر
دقايق عشان يتسبك
نسوي الرز بمرقة الدجاج
ونكون ناقعين زعفران من البداية في شوية مية ولما يقرب الرز يستوى وتنشف ميته نأخذ شوية من الرز على جنب ونحط
خلطة الدجاج عالجزء اللي في الحلة ونرجع نحط الرز اللي أخذناه فوقها ونرش عالوجه مية الزعفران وربع أصبع
زبدة مقطع شرائح ونخليه على نار هادئة جدا لمدة ربع ساعة
وقت الغرف نقلبه في صحن كبير ونخلطه مع بعض
بيتقدم معاها سلطة زبادى وسلطة خضرا
[/color]






07-11-1431 هـ, 07:18 مساءً
 


الساعة الآن 02:47 .