[][]





/align]
]

سلطة المكرونة la rose
اسلقى مكرونة اى نوع صغير وصفيها من ميتها واشطفيها
تكونى محضرة بصلة صغيرة قوى مقطعاها ناعم وفلفل رومى وجزر ومشروم وذرة صفرا وقلبيهم على النار شوية يتشوحو بس من غير ما البصلة تصفر وبعدين حطيلهم شوية مية صغيريهم وخليهم على نار هادية 5 دقايق عشان يدبلو ويطرو شوية ميبقوش بيقرشو واطفى وصفيهم من المية وخليهم على جنب يبردو
الصوص مثلا لو هتعملى كيس مكرونة يبقى تحطى للصوص 5 معالق مايونيز كبار و10 معالق زبادى وسن ثوم مفروم (اختيارى) وملح وليمون ومعلقة خل
حطى كله على بعضه وقلبيهم بحيث تبقى السلطة فيها صوص مش ناشفة وغطيها ودخليها التلاجة شوية لغاية ما تبرد خالص هتلاقى المكرونة شربت جزء من الصوص واستمتعى
انا اوقات بعملها وبتغدى عليها هى بس





[]





/align]
[]

كبسة: la rosa
أفرم بصلة كبيرة ناعم وبحطها تتشوح فى شوية زيت مع معلفة صغيرة كمون ومعلقة صغيرة كركم وبعدين احط اللحمة( او الفراخ بعد ما تتقطع 8 اجزاء بعنى تقطيها 4 وبعدين كل ربع قسميه اثتيت ولو مش عارفة تقطعيها بعد ما تسلقيها ابقى قطعيها عشان تبقى اسهل )اللى بكون سلقاها نص سلقة واشوحهم سوا لغاية ما اللحمة تشد شويه وتاخد لون خفيف بحطلها معلقة صلصة كبيرة وبزود مية واحط فيها حبهان وقرفة وقرنفل وبهارات مشكلة ووحده لومى (اللى هو اللمون المجفف ولو معندكيش مش مهم مش هيفرق كتير )واسيبها تكمل سواها
بكون ناقعة الرز نص ساعة (رز بسمتى ولو رز عادى يبقى من غير نقع بس اغسليه كويس عشان كل النشا اللى فيه يروح يعنى تغسليه لغاية ما تلاقى ميته فاتحة خالص )اغسلة كويس وبعدين اشيل اللومى من المية والحبهان والقرنفل واحط الرز وازبط ميته و ملحة واقلبه مع اللحمة او الفرا خ تقليبة واحطله زبيب فى قلبه واوطى عليه خالص يستوى سوى الرز العادى واطفى عليه
بحمر شويه مكسرات اللى عندى لوز صنوبر كاجو حسب الموجود وارشهم على الوش وقت الغرف وممكن بقدونس مفروم بس مش كتير









زبادى روشانا اللى مبيغيروش ابدا:
هعمل نص لتر بغليه الاول وبعدين اسيبه يبرد او بمعنى اصح يكون دافى يعنى
لما تحطى صباعك تقدري تستحملى لحد ما تعدى لغاية عشره
وفى وقت ما انتى بتسخنيه حطى عليه شوية لبن بودرة يعنى حوالى 3 ملاعق كده
بعدين حطى الزبادى وقلبى كويس بمضرب السلك
وبعدين انا بحطه كله فى علبه بلاستيك واغطيها كويس بفوطه
وادخلها فى كيس بلاستيك واسيبها فى مكان دافى يعنى انا ساعات احطهافى الاوضه واغطيها ببطانيه
من الساعه11 الصبح متلا لحد المغرب لان الجو عندى برد شويه فبسيبه مده اطول
وبعدها ادخله التلاجه وبيكون طعم وجميل جدا
يعنى ما بعملشى حمام دافى ولا حاجه
وبيطلع متماسك جدا
ممكن تستعملى اللبن خالى الدسم بس تزودي له اللبن البودره
علشان يكون تقيل شويه ويجمد معاكى
















ورقة اللحمة بتاعة كتكوتة كتكوتة :
لحمة بتلو متقطعة راس عصفور وتقطعي معاها جزر وبصل وفلفل رومي وبطاطس كله مكعبات
قد بعض واخلصيهم ببهارات مشكلة وورق لوري وصويا صوص ولفيها بالقصدير ودخليها
الفرن نص ساعة وبعدين فكي القصدير وخليها كمان تلت ساعة تتحمر وتنشف ميتها




لاروزا
شوربة العدس كمان معتمدة عندى واحلى من المطاعم
بغسل العدس واصفيه واحطه فى حلة مع بصلة كبيرة وجزرة وبطاطساية وطماطماية كله بقطعة كبير نصين او ثلاثة ومعاهم شوية كمون حلويت ومكعب ماجى وفلفل اسود واحط مية كتير واسيبه يغلى بس متغطيش الحلة اول ما يبتدى يغلى عشان ميفورش
سيبيه حوالى ثلث ساعة او اكتر حسب حبة العدس ومتخليش ميته تنشف كل ما تحسيه تقل وميته هتختفى من على الوش زودى شوية مية
اطفى عليه وسيبيه يهدى شوية وبعدين اضربيه فى الخلاط ورجعيه الحلة تانى وزبطيله الثقل والملح
فى حلة تانية قدها اعملى زى التقلية يعنى حمرى بصلى متوسطة وفصين ثوم مدقوقين خليها تبقى بنى شوية بس متحرقيهاش وحطى طبعا البصل الاول وبعدين الثوم عشان الثوم ميتحرقش وتروحى صبة عليه العدس وقلبى تقليبة وخليه يغلى مرة واحدة واطفى
لولو عكاشة
انا بعملها زيك يالضبط بس بدل الطماطم معلقة صغيرة صلصة وبزود فص ثوم صاحي...
احلى حاجة لو عوزاها زي بتاعت المطاعم الفاخرة,,,
انك لما تطفي عليها وخلاص هتحطيها زودي عليها نص كوباية كريمة لباني...بجد بتفرق جداااااااااا
وتخليها طعمة وغنية قوي...جربوها على ضمانتي,,
انا بحط الكريمة على شوربة العدس والطماطم بجد بتفرقها قوي














وطبعا طريقه ابله دينا في الكنتاكي دي انا اعتمدتها بس مش بحمره في البرستو
بحمره في حله عاديه بغطا .
مدام محمدالفراخ المقرمشة

فراخ بعضمها مقطعه ومغسولة – 1/2 كيلو دقيق – معلقه ثوم بودرة – معلقه بصل بودرة – معلقه ملح – معلقة فلفل – معلقه جنزبيل بودرة – 3 ورقات لاورا مطحونين –
الطريقه
نضع كل المقادير على بعض ماعادا الفراخ ونقلبهم مع بعض كويس
نرش رشه من الخليط على الفراخ
ثم نضعها فى طبق كبير فيه بيض مضروب كويس ونحاول نهز الطبق ونحرك الفراخ علشان تتقلب كلها كويس فى البيض
نضع قطع الفراخ فى خليط الدقيق ونغطيها بالخليط كويس
نضع زيت فى نص حله الضغط فقط لحد مايغلى
ثم نضع قطع الفراخ فى الزيت ونقفل بالغطاء كويس وبعد 5 دقايق نفتح الغطاء(ورونى البطوله والشجاعه بقى ) نبص عليها ويطلع شوية من ضغط البخار علشان متتحرقش
نقفل الغطاء ونضعها 5 دقابق تانى ونطلعها على ورق ماص وبالهنا والشفا









مدام محمد
طريقه البطاطس الفارم فريتس
في بقي طريقه البطاطس الفارم فريتس اللي مبغيرهاش ابدا طبعا هاتي بطاطس التحمير ويا ريت تكون كبيره شكلها بيبقي احسن في الصوابع وقطعيها حاولي علي قد ما تقدري تقطعيها بالتساوي وفي السكين بتاعت مخلل الجزر المشرشره لو عاوزه كرنكل المهم قطعيها صوابع واغسليها كويس حطيها علي الزيت طبعا يكون سخن وبعد 5د تقريبا شيليها علي ورق ماص للزيت رشيها ملح وسبيها تبرد واهم حاجه فرديها علي صينيه ولما تبرد في اكياس وعلي الفريزر علي طول وحمري منها بعد يومين.













الساعة الآن 07:12 .