الكيك:كيكة الشاتوه أو كيكة فراشة الربيع

كيكة الشاتوه ام ابيها
كوب ماء
كوب سكر
نصف كوب زيت
4 م ك لبن بودرة
4 م ك كاكاو خام
نضرب كله في الخلاط حتي يمتزج جيدا ناخد من الخليط دة حوالي تلات اربع الكوب انا اخدت هنا نصف كوب لاني مش عاوزة الصوص دة
وبعد كدة نضيف علي بقية الخليط 2 بيضة وفانليا ونضرب تاني في الخلاط واخيرا نصب الخليط في طبق عميق ونضيف تدريجيا 1 كوب دقيق عليه 1 م ك بيكنج بودر
الصوص الي طلع بقي من الشاتوه ممكن تفتفتوا شوية بسكوت شاي سادة وتسقوهم بشوية لبن مش كتير وتصبوا عليهم الصوص دة وتلفوهم اسطوانة في ورق فويل وعلي الفريزر علي طول بيطلع طعمه حلو جدا
وانا عن نفسي باخد الصوص واعجنه مع فتافيت الكيك واعمل بها كور واعجنها تاني بصوص الشيكولاتة وارميها في فارماسيل ملون بتعجب الولاد

كيكة بتاعة حنانام ابيها
اوك مقاديرها
باعمل ايه بقى باخد الفتافيت او قلب الكيكة اهرسه مع الكوب الا ربع اللي نقصناه من المقادير بتاعتها ماشي

وحطيته في فويل ولفيته زي السويسرول وعلى الفريزر وبعدين بعد ساعتين تقريبا طلعيه وقطعيه دواير سويسرول ساقع زي الآيسكريم وبالهنا












ام ابيها
الكب كيك بتاعة الشيف اسامة


كوب الا ربع زيت
كوب لبن
كوب سكر
كيس بيكنج بودر
4 بيضات كبار + فانيليا
3 كوب دقيق

اضربي في الخلاط الزيت والسكر لحد ما يدوبوا كويس
ضيفي البيض وكملي ضرب والفانيليا
وبعدين اللبن
وبعدين الدقيق والبيكنج بودر
ول عاوزة بالبرتقال ضيفي نص كوب برتقال ونص لبن بدل كوب اللبن وفي الحالة دي ضيفي بشر برتقال معلقتين مثلا
بتاخد 20 دقيقة بالضبط في الفرن على درجة 250 فرن كهربا و3 دقايق من فوق












حبيبة ابراهيم
الليزى كيك:

بجيب زبدة وسكر ناعم الكمية بالتقريب يعنى تقريبا 3 معالق كبار زبدة ونص كوب سكر
واقعد اقلب فيهم ايديى لغاية ما يبقو زى الكريمة اكسر بيضة واقلب واحط شوية لبن واقلب
وشوية بودرة كاكاو واقلب واكسر بيضة كمان واقلب واشوف لو سميكة شوية وتقيلة ازود لبن حليب
ولو طلعت خفيفة خالص احط بودرة كاكاو المهم النتيجة تبقى فى قوام اللبنة تقريبا
اكون مكسرة بسكوت سادة بايدى حتت صغيرة يعنى الحبة اكسرها 4 او 5 حتت
احط البسكوت كله على الخليط واقلبهم كويس بس احاول املاها بسكون عشان
متيبقاش فيها سائل كتير
اجيب ورق المونيوم فويل افرده مستطيل وامسح ايدي بالمية وادهنة مية بايديى
واحط الخليط فيه واساويه بشكل مستطيل تقريبا واغطيه كويس بالقصدير واحطه
فى الفريزر 4 ساعات على الاقل ووقت التقديم اطلعها افك القصدير عن الحتة اللى
هقطعها بس واقطعه شرايح سميكة وبالهنا







كهرمانه
الطريقة اساسا بتاعة شيرين ام ادهم ربنا يمسيها بالخير

اول شئ هنحمر البطاطس
وبعدين هناخد البصله نصفرها مع المشروم ونضيف الملح والفلفل والكاري ودة مهم جداااااا في الطعم
بعدين لما تاخد لون حلو نشيلها من عالنار ونضيف البقدونس والبطاطس
ونضيف المايونيز والكاتشب والثوم المفروم
وبعديـــــــــــــــــــــــــ ــــــــــن نعمل احلي سندوتشات







ميرو
ممكن احط اطباق معتمدة عندي
لحمة بالصويا صوص والفلفل الملون

الطريقة:
بحط اللحمة بتكون شرايح تخينه شوية من الانتركوت
وعليها شرايح بصل وفلفل كل الالوان وملح وفلفل وبهارات
والسر بحط شوية قرفة
واشوحهم لاية ما يادوب اللحمة تاخد لون واحط عليها شوية صويا صوص
والسر برضو في طراوتها بحط نقطتين خل
وازود ميه مناسبة واسيبها تستوي على الهادي



صينيه كور البطاطس بالمايونيز
دي بقى سهلة جدا وبتعجب الكل كبار وصغيرين



بسلق بطاطس وطبعا العدد على حسب الكمية اللي انت عايزاها

وبعد ما تتسلق بهرسها واحط عليها ملح وفلفل وبهارات ومايونيز تقريبا معلقتين كبار واكورها بقى وارصها في الصينيه لغاية ما الصينيه تتملي ارش عليها جبنه موتزاريلا وادخلها الفرن الجبنه تسيح وتاخد لون وبس

وممكن لو عندك لحمة مفرومة معصجة تحطيها مع البطاطس وبعدين تكوريها


سلطة بنجر بالزبادي
وهمية


بحط في الكبة علبتين زبادي وعليهم بنجراية كبيرة وملح وفلفل وفص توم واضرب
بيطلع لونه فوشيا مش مووف
بس كل الناس بيسالوا عليه وبيبقى شيك
وعلى الوش في النص حطيت بنجر خفيف بيدي لون برضه



كفتة البطاطس
بكون معصجة اللحمة المفرومة
وبسلق البطاطس واهرسها واحط عليه ملح وفلفل وتوابل وبيضة واضيف اللحمة المفرومة واكرورها او اصبعها وبعدين احطها في البقسماط ويا اما افرزها يا اما احمرها على طوول







الساعة الآن 09:56 .