دى صور لوزة لوزة

لاروز مسقعة بالبشاميل:
باذنجان رومى تقطعيه حلقات وتقشريه وتقلبيه فى شوية دقيق وتقليه نص قليه وترصيه فى صنية فرن
او طبق فخار او بايركس المهم حاجه هتدخل الفرن ويكون شكلها كويس عشان مش هتغرفى منه
هتطلعيه على السفرة زى ما هو
وترشى عليه رشة ملح بسيطة وعليها طبقة لحمة مفرومة متعصجة ببصل وبهارات
وبعدين طبقة طماطم حلقات وبعدين لو فاض عندك حلقات باذنجان حطيها على الطماطم
وبرضه رشة ملح خفيفة وعلى الوش طبقة بشامل ودخليها الفرن لغاية ما البشامل يحمر شوية



فراخ بالكرامل:

فرخة واحده متبلة (2فص ثوم-بصلة-2 عود كرفس-1 فلفل رومى-1/8 ملعقة فلفل اسود-1/8 ملعقة بهارات- 1 ليمونة)
تدهن بالتتبيلة من الداخلة والخارج وتترك ساعتين لتشرب التتبيلة.
- نسخن الحلة ونضع فيها ملعقتين سكر ويقلب الى ان نصل للون الكرميل المرغوب سواء غامق او فاتح
- نضع الفرخة على الكرمل ونثقلب ثم نغطى الحلة ونقلل النار الى ان تنضج وممكن اضافة ماء قليل كلما احتاجت
- نضعها فى طبق الفرن وزنضيف لها سماق ونعناع ناشف وجنزبيل وقرفة وملح وتوضع فى الفرن لتحمر





la rose
اللحمة المحمرة بالشانبنيون :
لحمة مسلوقة ومتقطعة مكعبات صغيرة
نجي طاسة وندبل فيها بصلة متوسطة وفص ثوم مدقوق ونحط اللحمة ونشوح فيها من كل الجهات واخليها على جنب
فى حلة تانية احط بصلة صغيرة وفص ثوم مدقوق ولما يدبلو خالص اصب كوباية لبن حليب مدوب فيها نص مكعب ماجى وملح وفلفل ونص معلقة نشا واحط نص كوباية مية واقلب ومعاها مشروم مقطع ولما تتقل وتخلص اطفى واحط كسبرة خضرا مفرومة واقلب تقليبة واسيبها على جنب
وقت الغرف احط اللحمة فى الطبق وجنبها الصوص


مقلقل لحم:تسلق اللحمة وتصفى من الشوربة ثم فى زيت حار تحمر اللحمة وتنشل من الزيت
يقلل الزيت قليلا وفى نفس الزيت نضع بصلة مفرومة وثوم وجنزبيل مفرومين وحبة طماطم مقشرة ومهروسة بالشوكة ومعلقة صلصة ثم نضيفلها اللحم وتقلب حتى تسبك





سلطة مقالي:la rose
فراخ مسلوقة ومنسلة رفيع او مقطعة مكعبات
قطعي خضار منوع ( كوسا بطاطس باذنجان قطع صغار واقليه..
اخلطي الخضار المقلي واخلطي معها شوي ذره..
الصوص.. (ملعقة مايونيز + ملعقة زبادى + ملعقة طحينه +لمون ومعلقة خل وفص ثوم وزينيه بالبقدونس والعيش المحمص والمكسرات





امة الخالق
للفول

الاول بانقعه مالايقل عن 8 ساعات وممكن لحد 12 ساعه
ارمي الميه لان بيبقي فيها مواد مضره بتتعب القولون وكمان النقع بيخلي القشره طريه جدا وبرضو مش هاتتعب القولون ان شاء الله
تاني حاجه احطه في الفواله وعليه شوية عدس اصفر وطمطماية وليمونه بحالها وكام فص ثوم وكام جزرايه مقطعه واسيبهم لحد مايغلوا وبعدين انقله علي اصغر عين عندي و اوطي خااااااااااااااااالص ومش باحط شوايه لكن لو انت عاوزه تحطي عادي
وتبصي عليه كل ساعه كده لو محتاج يتزود ميه اغي شويه وزوديه
3 او 4 ساعات يبقي زي الزبده وكل ما يقعد علي النار يبقي احلي وبالف هنا وشفا
بباعمل كميه واما يستوي ويبرد باحطه في اكياس علي اد الاكله واشيله في الفريزر





دندونة زايد
-الكبسة
ودة متعلماها من واحدة سعودية بقطع بصلاية صغيرة وادبلها بشوية زيت وبعدين احط عليها طماطم مكعبات واسيبهم يتسبكو مع بعض واحط اللومي والقرفة والقرنفل والحبهان دول بحطهم سلام مش ماطحونين ثم اضع الشوربة واسيبهم يغلو في الشوربة شوية احيانا بشلهم لوحطة كميية كبيرة واكون بشره كمية جزر حلوة احط نصها فقط ثم اضع الرز البسمتى واظبط الملح واسيبة واكون مجهزة بصل مقطع مكعبات عشان اعمل البزار الي بيتحط على وجه الكبسة اشوحة في سمنة لغاية لما يصفر واكون مجهزة الزبيب واحطة علية واضع باقي الجزر المبشور واضع عليهم شوية بهارات كبسة واقلبهم واحطهم على وش الكبسة في الحلة عشان البصل يكمل سواة وبعدين ارش على وجة الكبسة نص معلقة كاري او صفار زعفران مذ وبين في معلقة ماء وساعة التقديم بشيل خلطة البزار على جنب وبعد غرف الكبسة احط البزار على وش الطبق



طاجن العكاوي
بكون مجهزة بصلة وطماطماية وتوم مبشورين واتبل بيهم العكاوي مع الملح والبهارات ثم اشوح العكاوي بعد تدبيلها بمدة في شوية زيت صغيرين ثم اضع عليها علىيها بطاطس مقطعة حلقات وبصل وطماطم حلقات وشوية شربة او ماء ومكعب مرقة بيتي واغطيها وادخلها الفرن

صينية البطاطس البيورية لام عبد المنعم
البطاطس البيوريه
5 حبات بطاطس كبيرة مسلوقة و مهروسة جيييييييييييداااااااااااا
1 كوب حليب سائل
2 ملعقة كبيرة زبدة
4 ملاعق كبيرة طحين أبيض
2 بيض
ملح و فلفل أسود حسب الزوق
نضع الحليب + الزبدة و الملح و الفلفل الأسود علي النار حتي الغليان
ثم نطفي النار و نضع البطاطس المهروسة ناعم
و نقلب جيدااااااااااا ثم نضيف الطحين و نقلب المزيج جيدااااااااااا
ثم نضيف البيض
و نقلب المزيج جيداااااااااا
و يكون الخليط أشبه بخليط الكيك ثم ندهن القالب بالسمن و يبطن بالطحين
و يصب المزيج في القالب
و يدخل الفرن الساخن مسبقا حتي يحمر الوجه
و تترك لتهدأ قليلا و تقطع و تقدم كطبق جانبي لزيييييز جداااااا
و بالهنا والعافية
ملحوظة ( ممكن تعمليها باللحمة المفرومة تحطي نصف الكمية بالصينية ثم اللحمة المفرومة المعصجة بالبصل ثم تضعي باقي الكمية و بتكون حلوة كتير )







الساعة الآن 05:46 .