spanishflower
فراخ مخليه مقطعه


التتبيله ( زبادي كتير 250 جم -خل-صويا صوص-بصله و فلفله خضرا مضروبين ناعم جدااااا -البهارات ملح و فلفل و بهار فراخ و كاري و زنجبيل و كسبره طبعا و كمون معلقه صغيره من كله ) و نسيبها حوالي ساعه كده
نقطع معاها بصله كبير و بطاطس و جزر و فلفل اخضر كله تقطيع كبير و معاهم مثلا مشروم و بروكلي و تحطيها علي النار لحد ما تستوي من غير ما تحطي مايه خالص تستوي في الزبادي بعد كده باحط معلقتين دقيق علشان الصوص يتخن شويه بعد كده حطي نصها في بايركس و رشي عليها جبنه مبشوره و حطي نص الفراخ التاني و علي الوش جبنه كتير و دخليها الفرن ربع كده بتطلع حاجه فظيعه فظيعه





سمسمة*****
بصوا احنا على طول نديها كفته وجلاش

الكفته هيا كفتة البرغل
(بنعمل كميه ونعينها فى الفريزر وفى الزنقات نطلع ونحمر فى الزيت او فى صينيه فى الفرن)
1 ك لحم مفروم 1 1/2 كوب برغل منقوع طول اليل ومتصفى كويس جدا 2 بصله مفرومه ملح وفلفل وبهارات وشطه عودين كسبره او بقدونس 1/2 كوب بقسماط
اللحم نفرمه مره لوحده ومره مع باقى الحاجهوبعدين نصبعه على اى حاجه اسطوانيه او على ايد ملعقة عشان تبقى مخرومه من النص وتترص فى حلة البخار(بنحط خضار وتوابل فى المايه عشان تطله نكهه على الكفته ) وتتساب تستوى حوالى ساعه
بعد مانطفى تتساب تبرد شويه عشان تمسك نفسها وبعدين تتحط تتحمر تحت الشوايه او فى الزيت بس طبعا تحت الشوايه اخف ونحمر فحمه ونحطها على قشرة بصل ونحطها فى وسط الكفته وممكن نحط على الفحمه سنة سمنه بلدى ونغطى بحاجه كبيره عشان نكتم الريحه

مع الكفته بقى جلاش بالجبنه الرومى او الشيدر
لفة جلاش جبنه رومى مبشوره او شرايح شيدر
كوب لبن + بيضه (ممكن الاستغناء عنها ) +ملح وفلفل ابيض وبهارات
**نقسم الجلاش على تلاته اجزاء ونرص اول جزء فى صينيه مدهونه زيت ونمسح بالفرشه بالزيت خفيف جدا بين الورق ونحط الجبن المبشوره او الشرايح وهكذا مع الطيقه التانيه وفى الاخر نخرط الصينيه مثلثات وبعدين نسقيها باللبن والبيض والتوابل ونسيبها على الاقل ربع ساع وبعدين تدخل فرن متوسط .....ومعاهم بقى سلطه خضراء وسلطة زبادى وبالهنا والشفا

على فكره الكفته بتتشال فى الفريزر بعد البخار وممكن لو جالك ضيوف تطلعيها وتحمريها فى الفرن وتتعمل ساندويتشات وعليها سلطه طحينه بالشطه وشوية بطاطس محمره بتبقى حلوه اوى برضه





أم أبيها74

اولا طريقتي المعتمدة في الباشميل


باغلي اللبن واضيف له معلقة سمنة كبيرة ونصف كوب دقيق تقريبا او حسب ما يلف يعني ده يعتمد على نوع الدقيق والكمية ومكعب فاين فودز وحتة جبنة رومي او موتزاريلا وبيضة الجبنة والبيضة بعد ما يطفي طبعا

انا باعمل لصينية صغيرة مربعة تعمل اربع قطع كبار الآتي
كيلو لبن + معلقة سمنة ي ما قلت وتقريبا تلت او نص كوباية دقيقة حطشي بالتدريج ومعهم مكعب فاين فودز ولما اطفي بعد ما يلف باضيف له الجبنة والبضة وملح وفلفل اسود والملح مش كتير دوقي الأول علشان احنا حاطين فاين فودز اوك


- العرق التلبيانكو او الروزبيف
طريقة دينا




4- الفراخ في الفرن باعمل الآتي للتتبيلة
بصل مبشور لكل فرخة وزن كيلو ونص بصلة كبيرة او 2 متوسطين + بودرة ثوم رشة او فصين توم مهروسين + ملح وفلفل اسود + معلقتين زيت كبار او 3 براحتك مش هيخسر + بشر طماطمية فوق الوش بعد ما اتبلها وممكن تقطعي فلفل اخضر شرايح فوقها وادخلها الفرن



المصقعة
دي المعتمدة عندي وانا عارفة اكيد كلكم تعرفوها بس اهه هاقولها


حمري البتنجان وصفيه من الزيت
الصلصة
باحمر تومة مهروسة في الزيت لما تصفر اطشها خل واضيف الصلصة واقطع الفلفل الحامي حلقات تاخد غلوة اروح حاطة لها البتنجان المتحمر ومكعب فاين فودز واحلى مصقعة والله ولو تحبوا ممكن تصبوها في صينية وعلى الوش لحمة مفرومة معصجة بالطماطم زي بتاعة المكرونة بالباشميل ودخليها تاخد وش في الفرن وطلعيها رشة صنوبر محمص عليها وبالهنا
مش طبقات يعني مع اللحمة انا قصدي حل سريع يعني طبق في السريع


الكشك

باسلق شوية رز في شوية شوربة مش مية ولما الرز يستوي ويصفي شوربته تقريبا انزل عليها بكوب لبن حسب كمية الأرز يعني انا باعمل بالنظر كده تقريبا ربع كوب رز غعليه كوب لبن مدوب فيه معلقة دقيق والفه على النار
اكون محضرة بصلة مبشورة ومتحمرة في السمنة نصها اطشها في الكشك والنص التاني فوق الوش للتزويق





مدام شيرين_ام ادهم
النهارده جبتلكم طريقه كيكتى المعتمده اللى مبغيرهاش من زماااااااااان
لانها وبكل بساطه سهله جدا وجميله جدا جدا وتنفعك وقت الزنقات
يلا مش طول عليكم وهحط لكم المقادير على طوووووووول

المقادير
5 بيضات كبار او 6 صغار <<تكونى مخرجاهم قبل الاستخدام بحوالى نصف ساعه
علبه روب
2 كوب طحين عليهم معلقه كبيره بيكنج بودر
نصف كوب سمن
كوب ونصف سكر
وبسسسسسسسس
والطريقه
اولا:نضرب البيض تمام وطبعا معاه رشه فانيليا صغيره
ثانيا :نضيف السكر ونضرب كويس حتى يمتزج
ثالثا: نضيف السمن ونستمر فى الخفق
وعند هذه الخطوه اشعلى الفرن
رابعا:نضيف الروب(حوالى نصف او ثلاثه ارباع العلبه)
هكذا نكون انتهينا من الخليط
نصبه فى صينيه مدهونه سمن ومرشوشه طحين
ندخلها الفرن على حراره 180 اذا كان فرنك بارقام
او على الحراره الوسط عامه
ويرجى عدم فتح الفرن قبل مايمر حوالى نصف ساعه على الكيكه لضمان عدم دخول الهواء
نتركها حوالى ساعه وربع
تفتحى الفرن عليها وتشوفيها استوت او لا
وانا زينتها بتلات انواع من الصوص
الصوص الاول التوفى
والثانى صوص ابيض وهو عباره حليب بودره وسكر احطهم فى الخلاط وعليهم شوووويه ماء ساخن وكنت حطه الخليط ده فى التلاجه لحين الاستخدام

والثالث صوص شوكولا عباره عن شوكولاته بودره (كادبورى البرتقالى)مع سكر مع حليب بودره
وقليل جدا من الماء يخلطوا مع بعض حتى يصبحوا شكل الصوص تقيل


النهارده يابنات عملت صوص شوكولاته وههههههههم بجد بجد اكتر من رائع وقلت افيدكم بيه
هو بيقوم بنفس مهمه شوكولاته هيرشى اولما تحتاجى شوكولاته بتسيحى جالكسى
لااااااااا الطريقه دى هتديكى شوكولاته للتوبينج بتاع الكيك او اى حلى هيعجبكم جداااااااا
والطريقه سهله وبسيطه ومقاديرها فى كل بيت
والطريقه يابنات
انكم تجيبوا شوكولاته كادبورى البودره اللى لونها برتقالى
وتاخدى منها شويه تضيفى عليهم سكر
وحليب بودره
وقيييييييييمر
وشويه صغيرين ميه
تقلبيهم مع بعض كويس جداااااااااااااا
وتشوفى كثافتها هتعجبك ولاهتحتاج تضيفى ميه تانى
او لو طلعت خفيفه زوديها حليب بودره او قيمر او سكر حسب ماتحبى
يلااااا قوموا حااالا جربوها هتعجبكم جدا والله





ام ابيها
دي من الحاجات اللي اعتمتدها عندي
تحفة جربتها امبارح حلوة قوي
اختها من هنا من ملف كيكات مجربة 100% بس ما عملتش التوبنج
الكعكة الرخامية : المقادير :
كوب سمنه - 5 فناجين سكر - كوبين طحين - 4 بيضات - 5 ملاعق شاي بيكنج باودر - كوب حليب دافيء - ملعقة صغيرة فانيليا- ملعقة طعام كاكاو بودرة

لتغطيةالوجه :
علبة قشطة - نصف كيس دريم ويب - ملعقتين طعام سكر - صوصالشوكولاته

الطريقة :
نخفق السكر مع السمنة حتى يصبح كالكريمة
نضيفالبيض الواحدة تلو الأخرى ونخفق جيدا ثم نضيف الفانيليا
نضيف الحليب بالتناوبمع الطحين المخلوط مع البيكنج باودر ونخفق لمدة دقيقتين
نأخذمن العجين مقدارفنجان نخلط معه ملعقة كاكاو ونخفق جيدا
نضع المزيج في صينية فرن مدهونه ثم نضيعالمقدار المخلوط بالكاكاو على الوجه بشكل عشوائي
توضع الكعكة في فرن متوسط الحرارة حتى تنضج ويحمر الوجه
تترك حتى تبرد

نقوم بخلط مقادير تغطيةالوجه ماعدا صوص الشوكولاته بواسطة ملعقة فقط حتى يمتزج الجميع جيدا
نقوم بتغطية الوجه كاملا بالكريمة البيضاء ثم نضع عليها في بعض الأماكن صوص الشوكولاته بشكل عشوائي بحيث يكون بعض الوجه بني وبعضه أبيض
نقوم الآن بعمل آخر خطوة وهي بأن نحضر عود أسنان وبواسطته نقوم بتخطيط وجه الكعكه بخطوط عمودية متباعدة من الأعلى إلى الأسفل
بعدها نقوم بعمل خطوط أخرى عكس الأولى أي عمدية من الأسفل إلى الأعلى
ويارب تكونوا فهمتم .
نسيت أقولكم إنه الكوب المستعمل بهذي الكيكة هو كوب الشاي الكبير .







الساعة الآن 07:10 .