المناهج الجديده وش لها ووش عليها دعوه للنقاش

ـ المناهج الجديده تعتمد على التركيز والبديهه عارفين من جهه احس حلو ان المناهج تتطور ومو حلو ان المعلمين ماعندهم خلفيه عن طريقة تدريسهم مره كنت اتابع قناة براعم للاطفال الا فيها فلم كرتوني ولمن تبعناه انا وزوجي مع اطفالي لقيت انه فيه من مناهج التدريس عندنا لان نهاية الفلم جلس الولد يقول اين المشكله ياطفال الا عيالي يكلمونه ويعلمونه على بالهم يسمع لهم وبعدين رد يقول ماذا فعلنا ولدي قال حددنا المشكله والا جابته طلعت صح يعني اللي حسيت انهم فعلا بتطوير المناهج يحاكون عقول اطفالا لو تلاحظون فلم الكرتوني دوراء عن ايش مو عن حلول للمشاكل وبطريقه سهله وتعلم الالوان والاسماء وتتحدث مع الطفل المشاهد المناهج نشوف انها صعبه احنا الاهل ونقلنا صعوبتها لابنائنا وانا وحده من الامهات اللي اعترف بفشلي في تدريسها ابني وامسك الكتاب حائره في توصيل المعلومه لابني عشان كذا يكون في تعاون من المعلمين كمان مدرس ابني الصف الاول ابتدائي يعطيه كلمات من بداية الترم فوق 10 كلمات دون مايعلمه حروف الكلمات ايش ويطلب منه كتابتهاكتابه صحيحه سريعه طيب هذا يسير
بالله عليكم ابني حصل له ملل وانا كائبه اشيل هم اول ماقول هات شنطمتك اشوف ايش اخذت اليوم لانه مال من الكتابه اللي ماخلصها في المدرسه ومن عدم تشجيع المعلم له
ـ سوال للمعلمات عااادي انتو تعطون طالباتكم الكم الهائل من الكلمات دون تعليمهم الحروف المكونه للكلمه
ـ كتبت لكم مايجول ويدور في داخلي من اهات ومعانة ام تريد النجاح والتميز لابنائها وغير كثير هناك امهات ربي ميزهم بلصبر وطولت البال على ابنائها وهناك من هم في حالتي تجتاحهم العصبيه وتحضر جميع انواع التهديد لابني كي ينجز واجبه وهو بين ماراح اكمل الكتابه وبين ياماما ماعرف الحرف بلحركات هذي وانهار من دموع من كلا الطرفين
ـ ملاحظه"ابني ولله الحمد متقن الحروف الهجائيه لاكن متعبني وطلع عيني وشوي تطلع لي قرون من الحركات مايعرف يمزها بلفتح والضم والكسره ويلخبط بين س ش ص ض ط ظ
ـ دعوه للنقاش للجميع