اولا جزاك الله خير على مشاريعك وافكارك

مع احترامي الشديد لافكارك

كلها غلط

وكلها فاشله 100% << طبعا على اساس انك تقولين انها سهله وما تحتاج شي

لا تزعلين بقولك ليه

انتي اول شي قايله مشاريعكم السهله الصغيره



ببدأ اول وحده وحده

اقتباس مشاركة
اولا ببتدي بمشروع مشغل نسائي ومايحتااج اتكلم فيييه كثير لانو البناات افادوكم ماشاءالله
اقتباس مشاركة


هو يحتاج له مكان للتاجير واللي عندها المكان خير وبركه وادوات وعاملات ممكن تستقدمينهم وممكن لا من نفس البلد تحطين اعلان واللي عنده خبره بيجيك


اول شي المشغل مب مشروع بسيط

لانه اولا يحتاج رأس مال مالا يقل عن 50 الف ريال + مبلغ لـ 6 شهور على الاقل رواتب عاملات

ثانيا يبي له تصريح

ثالثا يبي لك تأشيرات عاملات

رابعا تأمين سكن للعاملات

خامسا والاهم المشاغل معروف ما تستردين رأس مالك فيها قبل سنه .. ويبي له قوة قلب وصبرررررررررررر رررر على الطلبات والعاملات + المراقبه

في حال كانوا العاملات من نفس البلد او المقيمات .. يبي لك تتحملين توقفهم عن العمل الفجائي وكل مره تدورين وحده جديده




ثانيا

اقتباس مشاركة
ثانيا تجيبين لك ملابس واشياااء غريبه من الصيين وتبيعينها بكل مكان بالمنتديات وعلى النااس كافه والطريقه انك تروحين مكااتب اللي تجيب لك الاغرااض ويعطونك كتالوجاات كثيره تختارين منها الاشياء ويجيبونها لك وياخذون منك نسبه جدا بسيطه مو شرط ملابس ممكن يكون ادواات
اقتباس مشاركة


الاستيراد من الصين له طريقتين

اما تروحين بنفسك للصين والسفره راح تكلفك 10 الاف ريال اقل شي << هذا للشخص الواحد لمدة اسبوع

طبعا الحرمه لازم معها محرم .. يعني 20 الف

وما يصلح الرجل يروح بلحاله لانه ما يعرف ذوق الحريم

ولازم تطلع تصريح لمحل قبل ما تروح والتصريح يبي له روحه وجيه وطبعااااا لازم عندك محل << لان التصريح ما يعطونه الا للي عندهم محل

والمحل لازم تدفعين اجاره تقريبا 7 _ 15 الف << هذا الرخيص

لازم تدورين لك مكتب تصدير ن الصين علشان يصدر بضاعتك للسعوديه وانتي تروحين الجمارك وتخلصينها < او الموكل يعني


طبعا بغض النظر عن كل اللي راح 80% من الحريم ما تقدر تسافر للصين لان ما معها مبلغ 20 للسفر + رأس مال الطلبيه اللي بتطلبها


طبعا ردي هذا على اساس انك قلتي مشاريع سهله .. والا المشروع فعلا ناجح ولكن مو براس مال صغير ولا هو بهالسهوله


الطريقه الثانيه انها تطلب من الموردين اللي يجيبونها من برا


وطبعا الموردين كلن ياخذ منهم والنت غاااص بتاجرات الملابس << يعني مكسبها راح يكون قليل

هذا غير انها لازم يكون عندها حساب بالبنك علشان تحويلات الزباين + مندوب يوصل الطلبات + اسعار مناسبه <<اقصد منخفضه علشان يجيها زباين

لان البضاعه اولا واخيرا صينيه مب ماركات

ولكن المورد هو اللي بيكون مكسبه زين


لان القطعه تكلف عليه 3 ريال او 5 ويبيعها للتجار بأضعاف


ثالثا

اقتباس مشاركة
ثالثا تفتحين لك محل صغير بادارة زوجك تجيبين مواد بناء من الصين وهذي شغله مررربحه مرره ماشاءالله وهي تقريبا مثل السباكه شغلات لمبات وهوز واشياء تجيبينها من مكاتب الصين وتبيعينها دبل لانها بتجيك رخيصه مررره


نفس اللي قبلها واصعب

لان الشخص لا يمكن يستورد شي قليل من الصين لانه مب مستفيد ارباح

ومعروف كل ما زاد الطلب قل الثمن

يعني يبي له يجيب بالحاويه

وانتي احسبي التكاليف + التكاليف اللي قلتها قبل .. تذاكر سفر جمارك ... الخ
رابعا

اقتباس مشاركة
رابعا بووفيه صغيررره تكون خاصه للمطبق والساندويشات الخفيفه وبرادة عصاير وسمبوسه يبيلك محل صغيرر جدا وعامل يطبخ
اقتباس مشاركة
ولاتستصعبين شي السغله جدا سهله


طيب ما حسبتي ايجار المحل ولازم يكون في مكان مكتظ بالسكان

وكل مكان مكتظ بالسكان ايجار المحل عالي
هذا غير ترخيص المحل وتأشيرة العامل + المراقبه لان البلديه بتشيك كل فتره

ويبي لها رجال كل يوم يروح يشوف الشغل والنظافه بالعربي اشراف



خامسا
اقتباس مشاركة

خامسا محل عقاري هذا مرااح يكلفك شي غيررر تاجير محل فقطط والنااس هم الللي يجونك
وهذي شغله كثييير مررررررربحه ماشاءالله حنا نستهين فيها لكن كثيييير مربحه لانه ممكن من بيعه وحده يجيك مبلغ 10 الاف وانتي بمكاانك وفي بيعات طبعا اكبررر


طبعا هذي الشغله صح سهله ولكن

يبي لها رجل متفرغ 24 ساعه

ثانيا يبي لها شخص فاهم في العقار يدري بكم البيع والشراء

يبي لها شخص يقوم ويطلع ويشوف مب يحط رجل على رجل

يبي لها صبر

لان ممكن يوم يجيك عرضين وممكن تجلس شهر ما جاك شي


اقتباس مشاركة

سادسا هذي شغله كثييير بعد حلوووه ومربحه ومايبي لها شي تجيبين عامل خيااط هندي
وتأجرين محل صغير وتشترين ادوااات الخياطه كامله وتكونين عندك محل خياط نسائي
ويااااا كثرر تشقق ملابسنا امش وخيط وياكثر المراييل والبنات اللي يدرسون


الحين بس قلتي محلين << المحلين وايجاراتها يبي لها راس مال

وما يحتاج اكمل لانها نفس اللي قبل والمشروع ما صار سهل خلاص



اغلب اللي كتبتيها يبي لها اشراف وتأشيرات وايجارات محلات .... الخ

فـ كلها صارت مشاريع يبي لها اهم شي راس مال وتغطية رواتب وايجارات مقدما


بس بنقز للنادي

اقتباس مشاركة

ممكن تفتحين لك مكان او تأجرينه يكوون غرفتين اوثلاث غرف مفتووحه على بعضها

وتجيبين ادوات رياضه واجهزه من الصين يعني ممكن تكلفك من 10 الاف الى 20 الف وممكن اقل على حسب وتسوينو نادي رياضي وتجيبين مدربه فقط



طبعا اولا قبل كل شي

النادي مااااا يعطون له ترخيص في السعوديه ابداااااااااااا اا

ثانيا ايجار مكان 3 غرف يبي له اقل شي 25 الف

الالات الرياضيه اذا جبتيها من الرياض راح تكلفك اقل شي 30 الف << هذا كم جهاز فقط يعني نادي غير متكامل

اذا من الصين

وبتطلبين 5 اجهزه مثلا .. يبي لك سعر الشحن + استخراج من الجمارك ... الخ

ما يحتاج اقول اشراف وما اشراف ورواتب لان اصلا ما فيه تصاريح لنادي ابدااا



يعني اغلب مشاريعك ما صارت سهله

كلها ما حسبتي فيها ايجارات المحل تأشيرات العمال تصاريح من وزارة التجاره تأمين سكن العمال تأمين رواتب عمال لسنه قدام



ولي تعقيب على الة البيتزا


الة البتزا هذا يبي لها تصريح والا كيف تبيعين اكل كذا بدون اي تصريح من الوزاره

يبي لها صيانه ورقابه دوريه

طبعا هذا لو انننننننننننها متوفره

لانها اصلا مب متوفره الا في اليابان وطقتها

لو انها ممكن تستورد وتشغل عندنا كان لقيتيها في كل مكان غير انها ما تناسب بيئتنا




واقول اخيرا شكرا على افكارك بس حبيت ابين انها غير سهله
((أؤمن بأن هناك مستحيلات ولكن إيماني أكبر بوجود إله يصنع المعجزات))


اول يوم 16/11/2011م
الوزن : 58
مدة الكورس : ست أشهر
الجرعه : 50 mg
موووووووفقه
يارب اكتب لي الخير بالامور كلها واجمعني بزوجى يارب
جزاك الله خير
أستغفر الله العظيم وأتوب اليه
أستغفر الله العظيم وأتوب اليه
يارب ارزقني وظيفه عاجلا غير اجلا
دعواتكـــم





الساعة الآن 07:01 .