السلام عليكم ورحمة الله

كيفكم حلوات..

الخبيرات بالجريش ابي اعرف وش تحطون علييه؟؟؟
لبن او حليب او قشطه او جبن ؟؟؟

ابي ذااااااك الجريش اللي يذووب بالفم

عطووووني السر اللي يخلي الجريش لذييييييييييذ

مع العلم ان نوع الجريش تركي..

لكن وش الاضافات ؟؟؟

انتظررررررررركم واشكرررررركم
08-11-1431 هـ, 03:31 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حمري زبده على النار مع بصل مقطع صغير وشوي ماجي مع ملح وقطع صغيره صدور دجاج
وتصبين مويه مغليه وتخلينه شوي يفور على النار وتكونين مجهزه 3كاسات جريش تركي مع كاس رز مصري
وتحطينهم على النار وتقصرين النار وتحطين حديده وبعد ساعتين تحطين ع القدر كاسين لبن مع ملعقتين كمون اتركيه لمدة نصف ساعه وبعين نزليه عن النار واقلبيه بالمعصاد حق الجريش وتكونين مجهزه كشنا وتحطينها عليه وبالهناء والعافيه
08-11-1431 هـ, 03:58 مساءً
 
افااا من القصيم وتسالين عن السر

عاد انا على الله ثم على وحده قصيميه علمتني ايااه والله يجزاها خير وين ما ولت وجهها نكهة الجريش اللي بالراس

اول شي مقاديره ( جريش + لبن + بصل + فلفل احمر حطي 5 حبات او اكثر على راحتك +زبده + وملح + والبهار الخاص فيه هو الكمون فقط لا تحطين اي نوع بهاااار غير الكمون وكمان رشة ملح ليمون عشان يعطيه الحموضه الحلوه والسر بصراحه هو في النهايه تحطين قطعة من الودك )

جيبي البصل احمسيه على النار من غير ما يتغير لونه بالزبده وحطي الجريش وصبي عليه مويه واذا تبين الجريش يصير لونه ناصع البياض حطي مثلا كل كاسين جريش معاه نص كاس رز مصري اوكي اكتميه بقدر الضغط اسرع لك يجي ربع ساعه بعدين افتحيه وحطي اللبن والفلفل والملح وملح الليمون وخليه على نار هاديه وكل ما احتاج زيادة لبن زيدي بس اهم شي لاتحطين الكمون من بدري عشان ما يغمق لونه والا بامكانك تحطين الكمون مع الحمسه البصل بس قالتلي وحده خليه في النهايه مايغمق لون الجريش وفعلا طلع لذيذ اذا قرب يستوي حطي عليه الكمون والودك وقلبيه زين وخليه يرتاح الين تجهزين كشنة البصل حقته وخلاص اغرفيه وعليك بالعافيه


لكن حليب قشطه ماني عارف ايش بصراحه ما احس طعمه حلو فيها احسه يقلب سليق مو جريش هههههههه

والله يجزاها خير العجيز القصيميه اللي علمتني هالطريقه
08-11-1431 هـ, 04:01 مساءً
 
احمسي بصل مع الزبده ودجاج الوطنيه مفروم او قطع وحمسيها مع الكمون وموتوا وملح بعدين كبي الجريش ويكون معه كاس رز عادي اومصري حركيه مع ماء شوي بعدين صبي اللبن وعلبت قشطه وقطعت زبده وقصري النار وكل شوي اخبطيه انطلي 4 علوب فلفل احمر واتركيه بعدها احمسي بصل مقطع صغار وليمون اسود وزبده واذا نكبتي غطي فيها الوجه وبشري بسعدك وادعي لي بالذريه الصالحه ويسخر لي زوجي ويكفيني شر الناس
08-11-1431 هـ, 04:12 مساءً
 
رفع
08-11-1431 هـ, 09:12 مساءً
 


الساعة الآن 11:40 .