السلام عليكم

ينوتات لا تضحكون علي

لما اروح السوبر ماركت ادور الهرده الطحينه قصدي

مالت السندويش ما القا غير طحينه السمسم مالت التمر


وما اعرف شكل الطحينه مالت الشورما

واشلون علبتها وشنو مكتوب عليها واشلون تعمل


ابي الصوره وارجوكم ساعدوني

وعليكم السلام ورحمة الله وبركاته

هي نفسها يا قلبي .. حطي عليها ليمون وملح وزبادي وتصير احلى طحينة شاورما
شوفي القادير هذي مضبوطه

اقتباس مشاركة
طحينية او ( طرطور ) وهو يتكون من: كوب شاي طحينية + عصير ليمون الكمية حسب الذوق ( 2- 4 ملعقة كبيرة ) + ثوم مهروس الكمية حسب الذوق ( من فص الى فصين ) + ملح + 1ملعقة كبيرة زيت زيتون + زبادي تقريبا كوب شاي الى كوب ونص ....يمزج اولا الثوم مع الملح حتى يذوب تقريبا ثم يضاف اليه الطحينية و الليمون ويمزج جيدا ...نلاحظ ان المزيج مع الخلط يقسى ويتماسك يضاف الزبادي تدريجيا ... ملعقة ملعقة ... ويخلط بعد كل ملعقة جيدا...لانه لو اضيف دفعة واحد فان الخليط يتكتل ...يضاف زيت الزيون في النهاية )
سبحان الله وبحمده...سبحان الله العظيم
شكرا بس ممكن سؤال

يصير احط المقاديركلها في الخلاط الكهربائى واخلطها مره وحدة
هلا بالغاليه


عيوني مثل ما قالت الاخت فوق هي نفسها الهرده الي ناكلها مع التمر ..

تقدرين تحطينها مثل ماهي بدون اضافـات

او لكل ملعقتين هرده تضيفين لها ملعقتين خل وربع كوب ماء ورشه فلفل اسود على حسب رغبتك
طبعا تضاعفين المقدار على حسب الكميه الي انتي تبينهااا

طبعا هذي لشاورما اللحم

اما شاورما الدجاج
صلصتها مختلفه

قوطي روب تحطيم معاه ملعقتين مايونيز وعصير ليمونه وفص توم مهروس وتخلطينهم مع بعض


وبالعافيه ان شاء الله
شكرا اقدر اسويها بالخلاط


الساعة الآن 04:57 .