شاب قرناها :

[ الله يسهل عليكم ويتقبل منكم بعض النصائح: - خذي طرحه قطن خالص علشان الحرم حررررررررررررر0 - البسي بنطلون قطن داخلي حتى لا تحدث تسلخات للجلد بسبب كثرة المشي0 - جرابات مبطنه ببلاستك تلبسيها داخل الحرم علشان موية زمزم تلقيها مكببه وغير الاشياء إلي تزلقي فيها تعرفي الناس اجناس كثيرة فلا يمكن السيطرة عليهم بالنظافة0 - فيه كتيب لطريقة اداء العمرة للشيخ بن باز واخر لابن عثيمين0 - احرصي على الادعية الصحيحة ولا يشغلك النظر للناس وعليك غض البصر عن الرجال0 - خذي مصحف صغير واجعليه بحقيبة اليد واعزمي ختم القرآن وهذا ليس بشاق او صعب لأن الوقت طويل وخاصه وقت التنقل بالباصات وعرفه ومزدلفه ولا تنشغلي بالنظر إلى الناس فآيات الله احق بالنظر واعظم فائده هذا إلي يحضرني والله يسهل دربك وجدت بعض النصائح المفيده من اخت ناصحه الله يجزاها عنا كل خير : 1. أحرصوا أن الشنطة ماتكون مره ثقيلة بإشياء مالها داعي مثل ملابس شتوية تعرفون مكة وادي وترى حااااااااااااااااااااااااااره وأنا من الناس اللي يحتر بسرررررعه فإذا أنتو مثلي خففوا الله يخفف عليكم يكفي تاخذون لكم شال ثقيل في حال بردتو في منى أقصد في الخيام لان المكيفات بااااااااااااااارده تمووووت من البروده أو مزدلفة ترى مو مره برد بس زين الجو . 2. بالنسبة للعباية أكرر بنات العباية خذوها قصييييييييييييييييييييييييييييييرة لاتكررون خطاي والله تعذبت كله أرفعها توصل لحد الكعب وبعد حاولو تغطون شعوركم ببندانه تراها حلووووه تمسك الشعر ... وبعد ألبسوا كوتش عالي شوي مو كعب لا وأختاروا ألوان غامقة لان هناك بتنعدم من الوصخ موب مشكلة إنك تقطينها عقب الحج لكن المشكلة أنها تصير تفشل قدام الناس لاصارات فاتحه . 3. بالنسبة لمناسك الحج دوري في النت كتاب يعلم الحج كما كان رسول الله صلى الله عليه وسلم ولاتقبلين بأي شي وقدمي أفضل ماعندك وجاهدي حتى توصلين الفريضة زي ماتبين وفكري أنك تتعاملين مع جبار السموات والأرض فتعاملي معه بكل إخلاص حتى تصل ويصل أجرها لكي وبعد أقرو عن فتاوى المتعلقة بالحج ترى مهههههههههههههههممممممه ولاتفتين لأحد إلا بعلم ولاتسألين اي أحد لالالالالالالالالازم تسألون شيخ مو أي كلام . 4. بالنسبة للملابس المتسخه ممكن تشترين لك كيس أبو سحاب إن شاء الله عرفتوه لاتنسونه مهم وإذا نسيتوه موجود عند البسطات بمنى . 5. أنتبهوا من لبس البنطلون والله شي يشيب الراس حنا بعبادة ولابسين العالم بناطيل جيبي لك تنورة سوده أو بنيه والأفضل سوده عشان إن رفعتي العباية تكونين مستره لان الأرض هنااااااك راح تستغربون شوي اللي بطنه مشت عليه وأنتو بكرامة وأكياس وأحيان تلاقين أكل مقطوط بالأرض . 6. إيه بالنسبة للحمامات بمخيمات منى أنسي تروحين الحمام في أوقات الصلوات لان بتكووووون زحمممممممممه مره وسرى تخيلو خخخخخخخخ والصلوات كذا تروح عليك وانتي تنتظرين عشان توضين حاولوا إذا تبون تحممون تاخذونه الصبح تكونين نظيفة وإذا تبين الحمام مايكون في أوقات الصلوات 7. بالنسبة للرمي الجمرات لاتروحون أوقات الذروة وكل ماطلعتوا فوووق أقصد بأدوار الجمرات كل ماكان الزحام أخف . 8. الحملات يعطونك أو يعطون محرمك كيس فيه فرشه وبعض الأشياء الصغيرة هاذي الفرشه مهههههههمه لاتنسونها لان وقت ماتروحون الجمارات أو في طريق العوده أو في مزدلفة حبيتو تريحون شوي تفرشونها وتجلسون لان الأرض مثل ماقلت لكم من بعض الحجاج . 9.في مزدلفة هناك الحمامات مدري شلون إذا دشيتي الحمام وأنتو بكرامه ماتعرفين شلون توضين لان المكان مكشوف أمام الرجال لو تاخذين معك شطاف الوضوء يكون لكل اللي في الباص يكون بعد حلو تشوفين لك مكان بين الباصات وتوضين فيه لصلاة المغرب والعشاء والفجر . 10 . حاولي تختمون القرآن بالأيام الفضيلة اللي يجتمع فيها شرف الزمان والمكان . 11. في النهاية وهذا أهمممممممم من المهم اللي فوووق بنااااااااات اللي يرضى عليكم كل وحده تنشغل بنفسها وتترك الناس بحالها الغيبة الغيبه الغيبه أتركوووووووها المهم كل وحده تمسك لسانها موب لازم رايك إلا إذا فيه أمر بالمعروف ونهي عن المنكر لكن بإسلوب وبعيد عن الناس والشئ المهم بعد الإبتسامه والكلمة الطيبة 12-حبيبتي تحتاجين شراب وخصوصا إذا تبين تلبسين كوتش ولما تدخلين الحرم 13 بالنسبة للشبشب تحتاجين شبشب للحمام عزك الله ( بمخيمات منى ) وشبشب للحرم وخذي شي خفييييييف حيل 14 الجوتي ياقلبي خذي رياضية لاتنسين مهههههمه وهي تحتاجينها أكثر في التنقل بين منى ومزدلفة وعرفات ولما تروحين للرمي في منى . 15-بالنسبة للحمامات عزك الله كل حمله لها حمامات خاصه فيها بس هذا وين بمنى بالمخيمات المنصوبة في منى هناك فيه حمامات . 2. الأغراض راح تتركونها بمنى بالمخيم طبعا وراعي أنك ماتتركين أي شي ثمين بالشنطه الكبيره الاغراض المهمة مثل الإثباتات وتصاريح الحج والجوال وشوية فلوس مصروفة ريالات أو خمسات عشان إذا احتجتي شي أو للصدقة وأوراق الحجز تكون بشنطه صغيروووونه تحطينها داخل العباية ، وشنطة اليد حطي فيها الأدوية والكريمات إالخ .. 16- لالالا بمكة مافي برد ياعيني والله مااااافي برد أبد بالعكس حرررر وودك تاخذين شور كل دقيقه بس البرد يكون بالمخيم بمنى من المكيف بس والشال عشان تغطين . 17. بالنسبة للنقاب طبعا من وقت ماتعقدين النيه بالميقات إذا كان سفرك بالبر أو تمرون بالطائرة على الميقات من بعدها تلبسين غطوة ومثل ماقلت لك خذي لك بندانه عشان شعرك وشيله والدبابيس ترى بعد مهمه عشان ماتتحرك الشيله من مكانها وعشان تفهمون خط الرحلة شلون إذا كان السفر بالطائرة 1. إذا طلعتو من مطار جده ياخذكم باص الحملة والناس اللي بالباص راح يتمون معك إلى نهاية الرحلة طبعا هذا يوم 7. 2.تطلعون على مكة وتدخلون الحرم . 3.تروحون بنفس الباص تروحون لمخيمات بمنى تدخلون المخيم يستقبلكم الموظفات يدلونكم على مخيماتكم وين تنامين كله مكتوب حسب البطاقة اللي بيعطونك ياها في هاليوم يوم 8 تمون بالمخيم وبالمخيم تفتشون لانه كلهم حريم وكلللللللللل شي فيه متوفر على مدار 24 ساعه ماي شاي قهوه عصيرات وتمر والوجبات في وقتها <<<<<<< الله يازين ذيك الأيام أكلهم ماجاز لي فكنت بس آكل تمر وقهوه وماي وعصيرات . 4.يوم 9 تطلعون من المخيم وتركبون باص وتروحون عرفة طبعا بعرفة هناك في مخيم ثااااني بس كأنها صاله كبيييييييره تجلسون فيها من صلاة الفجر إلى المغرب الحمامات عزكم الله خارج الخيمة يعني تحتاجين تغطين وتطلعين . 5.وبعد ماتغرب شمس هاليوم الفضيل تركبون الباص وتروحون مزدلفه حنا بحملتنا وقف باصنا في مزدلفه وفرشو لنا عند الباص وصلينا المغرب والعشاء والفجر وكلينا ونمنا شوية بس داخل الباص الحريم والرجال نامو برا الباص . 6.ثم تروحون بباصكم إلى منى وترجعون مخيمكم اللي فيه أغراضكم تريحون شوي وتأدين صلاتك ثم تطلعين أنتي ومحرمك إلى رمي الجمرات تمشون شوي وترمون وتردون المخيم هذا يوم 10 7.ويوم 11 و12و13 نفس الشئ تروحون ترمون وتردون المخيم . 8. في مخيم منى بتقضون فيه كل الوقت أستغلوه في مساعده الناس الإبتسامه صلواتك بواقتها قراءة القرآن الصدقة النوافل قيام الليل أدري أحيان التعب ياخذ من الوقت بس حاولو أنكم ماتضيعون الوقت في أشياء مالها داعي . 9. تطلعون الحرم وبعد تأدية الواجب كل واحد على باصه وعلى المطار بس هاذي رحلة الحج بشكل مبسط جدا وفي النهاية أسأل الله الكريم رب العرش العظيم أن يتقبل مناومنكم طاعاتكم ويردك سالمه غانمة الأجر والمغفرة يارب ولاتنسوني والاخت من الدعوات الحلوه

[ الله يسهل عليكم ويتقبل منكم بعض النصائح: - خذي طرحه قطن خالص علشان الحرم حررررررررررررر0 -...