السلام عليكم حوائيات كل اتنمى تكونو بخير وعافيه..... كل وحده تدخل وتقرا موضوعي تقولنا وش هو جدولها من يوم تقوم الين اليوم الثاني كل وحده تاخذ فكره يمكن تغير الوتين حقهاااااطبعا الساعه 5صباحا اكون صاحيه اقوم اصلي الفجر واسوي فطور لعيال المدارس بعدين اصحهيم يصلو اول قبل كل شي الصلاه الصلاه لانك انتي اللي راح تسألي عنهم قبل مايحاسبو هم الكبار هم يلبسو مايحتاج البسهم الصغار بس اهتم فيهم عاد اصحي ابو العيال يوديهم ع بال مايوديهم ويرجع اكون مجهزه كوبين حليب وفطور خفيف معاه<<<< مايبي راح تعبي ع الفاضي عاد هو يجلس ع النت وانا اكون بغرفت عيالي ارتبها واخلص منها بعدين اروح الله يكرمكم للحمامات اغسلها وبعدين للمطبخ اجهز اغراض الغداء .. ع بال مااخلص البيت يكون وقت دوام قرب يرووح هو واجيك انا عاد اكمل شغل البيت اذا كان فيه كوي خلصته اذا كان فيه غسيل خلصته المهم مايصير علي شي بالليلعاد يجي وقت الرجعه الموووهم الساعه 1 الظهر يكون الغداء جاهز يرجعو من المدارس رجع من الدوام تغدو ... ونامو شوي كل البيت طبعا هدووووووء تام الساعه 4 العصر اصحي ابو العيال يروح لدوام عاد هو فترتين لما يطلع اقوم انا اصلي العصر واصحي العيال يصلو ويجلسو معاي شوي تعرفون توهم قامو من النوم كسالى لسه فيهم النوم عاد اللي نايم وهو جالس واللي يدخل تحت السرير عاد انا اجيك انا بالمرش مليان مويه بتقومون والا كيف خخخخخخخ خافو خلاص طار النوم اسويلهم شي خفيف ياكلوه يعدين يقومو يدرسو عاد الساعه سبع سبع ونص يكونو خلصوا ع بال مايخلصو اكون مجهزه الكيك والقهوه او العصير ونجلس اللي يبي قهوه واللي يبي عصير الساعه 8 يرد زوجي للبيت والساعه 9 يكون عشا العيال جاهز يتعشو وينامو واقوم انا اجهز اغرض المدرسه تكون جاهزه......... صار البيت فاضي الحين ماكو الا انا وابو العيال عادالبيت هدووووء.......... بعض الاحيان نطلع نتعشى برا وبعض الاحيان نروح ناخذ لفه وبعض الاحيان يقول سوي العشاء بالبيت ماتجي الساعه 12 الا وانا خلاص ابي انام .... وسلامتكم ............. الحين كل وحده تقولنا وش تسوي من يوم تقوم الين تنام <<<<< طفشت من الروتين تحب تاخذ منكم يمكن تغير من الروتين

وعليكم السلام ورحمة الله وبركاته اناياطويلة العمر اقوم الساعه خمسه ونص واصلي وجلس الى الساعه ست واقوم العيال بنتي تروح المدرسه والولديروح الروضه وبعدين ارجع انام واقوم الساعه 11وانتظرهم يرجعون واذاجو غسلت لهم واخذت منهم الزبده وش سوو بيومهم واغسلهم واعطيهم شي ياكلونه واشوف دروس البنت وبعدين اجلس على النت الين الساعه ثنتين وبعدين اقوم واسوي الغدا وننتظرالحبيب لحدمايجي الساعه4ونص بعدين احط الغدا ونتغداواضف المواعين وارتب البيت واجلس اذاكر للبنت الى اصلاة العشا طبعا الحبيب يطلع وبعدين اقوم اجهزلهم عشا خفيف للعيال وبعدين انومهم وابدا بتنظيف البيت واغسل الحمامات وامسح السراميك واغسل الملابس واكوي واخلص واجلس على النت لحد مايجي الحبيب وطبعامايبي شي لاهو راعي قهوه ولاشي وانا مدمنة قهوه بس للاسف ماعرف اتقهوى لحالي وبس احاول اخلص شغلي باليل علشان مايصيرعندي شي بالصباح ودمتي
ياحليلكم

وحده تحب تخلص شغلها ليل وحده نهار الله يوفقكم



المهم انا ياطويلات العمر


اصحى اصلي الفجر واسوي رضعه لكتكوتي
على بال ماخلص صلاة يصير خلص رضاعه
ارجع انام ل7اصحي بعلولتي لاهو من النوع اللي يبغى فطور ولا شي خصوصا بالصيف اما بالبرد اسويله كوب شاي وياخذه يشربه بالطريق المهم ارجع انام لحد 10 او مارجع واجلس عالنت

واسوي شغلي على خفيف مو كله سوا

وعلى وحده ابداء فالغداء على روقان عشان ماستعجل ماحب العجله

وبنهم اجي ارتب الصاله ابخر اشوف التي في اتهاوش مع كتكوتي الله يخليه لي انومه اغير له اطل عالنت بعدين على اذان العصر ااحاول كل شي خالص عشان بعلولتي يجي دوامه 4ونص وباقي يومي يختلف من يوم ليوم مره يروح تسدح وتلفزيون ومره طلعه ومره جالسين سوالف وشاهي

وبالليل على 11ولا 12 انام اصير منتهيه وسلامتكم

ولدت الحمدلله

11-5-1431
الأحد
انا مثلكم بالضبط يومي كله كرف في كرف بس خلاص قررت اجيب شغاله لو شهر واعطي نفسي اجازه
مشاء الله عليكم والله نشيطات .............
اصحى الساعة تسعه او 11 على حسب لكن اكثر شي تسعه وبمسك عليها حتى مايسهر ولدي المهم ..............
زوجي يصحى قبلي مايحب يفطر وهو يصحي نفسه مايحتاجني .......
بعض الاحيان اصلح له ساندوش وعصير او شاي مو دايم ...........
بعد ما اصحي اولدي وافطره واشرب نسكافيه طبعن مو دايم لان الحين وحام امجنني وساد الشهيه ..........
ارتب البيت مو كله نصه لحد الساعه 11 اصلح غداي واخلصة 12 واصلي الظهر واسقبل بعلي واحط له الغداء و نتغدا وبعد الغداء اشيل المواعين اغسل نصها خخخخخخخ وطيران للنت ....... واحط الملابس بالغساله واجلس على النت الى العصر وولدي متفقه مع جارتي يومي يجي ولدها عنده ويوم يروح وليه لهم
العصر اصلي العصر والف لفه على البيت واكمل الشغل الناقص وزوجي على النت قدم لولدي شي ياكله وانا بعد ما اخلص من الشغل التفت لروحي شوي اسنع الشوشه والخشه ثم اجلس على التلفزيون بعد المغرب اجلس احوس بالصوف على بالي بتعلم الكروشيه خخخخ تظبط مره الغرزه وتخرب مليون مره ..........ومره اشتغل بعمل يدوي كرتون اظبطه مكنسه احوسه فيها ومره اكون مثقفه اقراء كتاب
العشاء نصلي وصلح العشاء ونتعشى وبعده اكمل شغل المطبخ اللي مايخلص
ثم امر مرور الكرام على النت وماتي الساعه 10 ونص او 11 الا واحنا نايمي
بس مو دايم بعض الاحيان يخرب الجدول لكن هذا الغلب ما احب الروتين .....
حيالتي تمشي كل يوم جديد ومايغثني غير المطبخ والملابس والباقي يهوووووووووووووووووووووووووووو وون ..................
وقتي الجميل ,,,,,,, ونظامي الأجمل


http://forum.hawaaworld.com/showthread.php?t=4295242





الساعة الآن 10:18 .