السلام عليكم..

يابنات الله يخليكم.. تعبت اشتهي البطاطس وكل ما اسويه يشرب الزيت شرب..ايش السر
فيه ناس يقولو يختلف حسب نوع البطاطس .. فيه بطاطس خاص للقلي..

جربت 100 طريقة ومانفعت..
اللي تعرف طريقة اكيدة تقولي الله يوفقها..

سمرمر
عزيزتي سمرمر شوفي اذا اردتي ان تقلي بطاطا قشريها وقطعيها اصابع وا حسب الرغبة ونقعيها في الماء والملح قبل القلي بساعة او اكثر كلما تتنقع اكثر تصبح مقرمشة اكثر وبعدها حمي الزيت جيدا وصفي البطاطا واغسليها من الملح وضعيها في الزيت الساخن واتركيها حتى تنضج ويصير لونها ذهبي وتعالي واكلي كانها بطاطا المطاعم وبالهناء والشفاء

ان شاء الله اكون قد افدتك

شوفي حبيبه قلبي
انا عن نفسي عمري ما حطيتها لا في ماء ولا في اي خلطه
ونوعيته البطاط اللي استخدمها سعودي
واهم شي اسخخخخخخخخخخخن الزيت جيداااااااااااا واكون مقطعتها اصابع او حلقات
وتكون كميت الزيت مناسبه للقلي يعني لا تحطين زيت شويه خلي الزيت فوق البطاط بسانتي
واهمممممممممممممم شي لا اتحركين البطاط (واتقلبينه) وهو في الزيت (لانه راح ينهرس ويشرب ززززززيت )
إإإإإإإإإإإلا لما اتشوفين بدأ يتغير لونه او تشقر الاطراف ذيك الساعه حاولي انك اتقلبينه بس على خفيف
ولما يصير لونه ذهبي متوسط طلعيه
وبعد ما اتطلعينه حطيه في مشخال(ما ادري شنو اتسمونه ) على شاان يتخلص من الزيت الباقي
ورشيه بالملح
وهذي طريقتي
وعلى فكره اسبااب شرب البطاط للزيت
انك تحطينه في زيت بارد او متوسط الحراره
او التقليب قبل نضج البطاط
او انك اتطلعينه قبل لا يأخذ اللون الذهبي المتوسط او الغامق على حسب الرغبه
قليله التواجد في المنتدى

الأخت العزيزة سمرمر:

في عندي طريقة تخلي البطاطا مقرمشة و مافيها زيت و راح تدعيلي لما تجربيها:
أول شي قشر البطاطا و قطعيها و حطي الملح
بعدين سخني الزيت ليسخن
بعدين حطي البطاطا بس لا تخلي البطاطا تشقر يعني لا تخليها تستوي ( نص سوية ) يعني بس دقيقة و شيليها من الزيت و حطيها على جنب و بعد عشر دقايق ارجعي اقليها مرة تانية و استني عليها لحد ما تشقر و شوفي شلون تصير

و صحتين و هنا
اختي فيه بطاطس سعودي تكون قشرته مره خفيفه هذا هو النوع الجيد قطعيه حسب رغبتك ثم اسلقيه لمدة خمس دقائق بعدها يكون الزيت حار صفي البطاطس من الماء ثم اقليها في الزيت


الساعة الآن 03:25 .