Analysis Services
السلام عليكم يا حلوات


اليوم جايبتلكم اكلة يمكن انقرضت اورح تنقرض بالشام وهي اكلة قديمة واسمها مكمور الكوسا اكلة بتشبه الكوسا محشي بس بشوية تعديل وخلينا نشوف المقادير:

المقادير: كيلو ونصف كوسا محفورة ومغسولة طبعا- 2وقية لحم مقروم ومقلى مع بصل-كاس ونص رز فصير (صنوايت)- ملح فلفل- 2 حزمة بقدونس ورح نستعمل وحدة للحشو ووحدة للمرق- علبة معجون بندورة(طماطم)- 2بصلة مقطعة جوانح-2فص ثوم مفروم- نعنع يابس-وزيت للطبخ

الطريقة: بعد مانحفر الكوسا ونغسلها نقلي اللحم مع بصلة صغيرة مفرومة ناعم وبس يستوي منحط ملح وفلفل حسب الرغبة وحزمة البقدونس المغسولة والمنقوعة والرز المنقوع طبعا بعد مانصفيه ورشة نعنع يابس و2 فص الثوم ونخليهن خمس دقائق مع التقليب على النار -بعد هيك نستنى حتى الحشو يبرد شوي ونحشي الكوسا ونراعي عند الحشو انو ما نحشي كل الكوساية ونخليمقدار ربع بنصر اليد فاضي مشان ماتتفزر الكوسا بالطبخ "بلا معلمية عليكن " بعد هيك نحضر المقلاية مع شوية زيت ونصف الكوسا ونقليها حتى تتحمر شوي وبعد هيك منكون محضرين طنجرة فيها تقريبا لتر ونص ماء مغلي مع شوية ملح وعلبة معجون الطماطم ونحط الكوسا بالماء تغلي عشان تستوي بعد هيك وبنفس الزيت اللي قلينا فيه الكوسا نقلب البصلتين اللي قطعناهن جوانح ونقلب حتى يدبلوا شوي ونضيفهن للكوسا ونحط رشة نعنع يابس وحزمة البقدونس التانية اللي اكيد غسلناها ونقعناها بالملح ونغطي الطنجرة ونتركها على نار متوسطة مدة 25 الى 30 دقيقة وطبعا تشقون عليهن كل شوي وبعدين تتاكدوا انو الكوسا استوت وانو المرق ملحو منيح وخلص صحة وهنا واتمنى جد انو تجربوها لانها كتير طيبة وتغير عن الكوسا المحشي واستنى دودكم وبالنسنية للأخوات اللي عم يسالوني ع بعض الاكلات انا رح رد عليكن باقرب وقت ***** الله وماني نسيانتكن ورح اعمل الاكلات اللي عم تطلبوها اذا رب العالمين احيانا



وسلالالالالالالالالالالالالالالالالالالالالالالالام.......
الصور المرفقة
نوع الملف: jpg 007.JPG‏ (95.2 كيلوبايت, المشاهدات 1803)
نوع الملف: jpg 015.JPG‏ (98.2 كيلوبايت, المشاهدات 1542)
نوع الملف: jpg 020.JPG‏ (86.5 كيلوبايت, المشاهدات 1518)
نوع الملف: jpg 021.JPG‏ (98.6 كيلوبايت, المشاهدات 1736)
10-11-1431 هـ, 06:10 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
روووعه

تسلمين

من عشاق الاكل السوري أممممممم
10-11-1431 هـ, 06:11 مساءً
 
ررروعه يسلموووووووووووووو
10-11-1431 هـ, 06:52 مساءً
 
ماشاء الله ويعطيكي العافيه وكلامك صحيح قليل منا يسويها الاكثر يسوي الكوسه محشي عادي ولا الكوسه بأمكانا نتفنن فيها بأكلات كثيره انا انصحكم تجربوها اكله لذيذه فعلا ومشكوره مره ثانيه
10-11-1431 هـ, 07:02 مساءً
 
تسلم ايدك
10-11-1431 هـ, 07:41 مساءً
 


الساعة الآن 01:36 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏