غض البصر لا تستهينون فيه
بسم الله الرحمن الرحيم
من أكبر المشاكل اللي تواجهنا بهالفتره بس محد معطيها وجه بنظركم انها تافهه مع انها بتأثر على حياتكم كلها اللي هي غض البصر لكلا الجنسين لانه اللي ما يغض بصره حتى لو ما وصل للزنا بس كانت نظرات اعجاب و شهوه بتأثر على حياته لمن يشيب .
يعني مثلا وحده غاضه بصرها عن الشباب اللي قدامها بس اللاعبين و الممثلين و المطربين ما سلمو منها ما في فايده بالعكس المشكله أكبر لانها راح تحط ببالها ان هذا النمط هو اللي عاجبها و لما تتزوج راح تنصدم مثلا أنا أقولكم وحده كانت تتابع مسلسل نور قبل لا تتزوج أول ما طلع كانت من أشد المعجبات بمهند بشكل ما تتخيلونه حتى لما أقولها فيه أحلى منه تقول هو غير رومنسي >>> الله عالرومنسيه و الاخت عارفه انه تمثيل بس حطت ان هذا اللي ببالها خلاص لما تتزوج عمرها ماراح تحس بالسعاده حتى لو زوجها فيه كل الصفات الحلوه و زياده و حتى لو شكله حلو و عاجبها بس ما راح تسعد معاه لان ببالها انه مو هذا اللي تبيه . وهذا فعلا اللي صار كلما سألناها قالت ماشيه أموري بس تبين الصراحه مو حلو . ابي افهم يعني الوسيم هو الرجال ؟ والله الرجوله مو بالشكل بالأخلاق .
و هذا غلط لازم نكبر عقولنا شوي اذا الوحده حطت ببالها تبي زوج صالح الله بيرزقها بالحلال و يسعدها و خل تشيل من بالها هالأفكار .
و الكلام ينطبق عالرجال بعد. يعني يقعد على التلفزيون و يتفرج على المذيعات و الفنانات المتبرجات و يمكن ما تكون حتى جميله بس تبرجها و طلعتها و هي تلمع تخليه يبيها و اذا تزوج حتى لو كانت زوجته جميله ما راح تملي عينه حتى لو كانت اجمل من هالعاهرات ماراح تملي عينه و حتى لو يتزوج اربع ماراح يقتنع و غيره غاض بصره و متزوج وحده مو عاديه أقل من عاديه و شايفها أحلى وحده بالعالم و مبسوط لانه مقتنع باللي عنده .
من جد والله أتكلم في وحده قالت لاختي ان اخوها بيتزوج و قالت لها دوري معي البنت اللي تناسبه قالت وش المواصفات اللي يبيها تخيلو بدل ما يقول جميله أو شعرها طويل أو نحيفه مليانه قال شفتي هيفاء وهبي أبي نسخه منها>>>>>>> يعني مافي جميله بالعالم الا هيفاء ؟ حتى لو أخذ أجمل منها ماراح يقتنع لان حط بباله اللي يبيه الحين يجي واحد متزوج اربع و يسمع ان غيره تزوج ينقهر حتى لو ماقال بينقهر لانه مو مقتنع بالرباعي اللي عنده و حتى لو يتزوج 50 بيقول وين 51 ؟
أنا ما أقول لا تاخذون الجميله بالعكس ابحثوا بالمواصفات اللي تعجبكم بس مو بهالطريقه و ياما ناس بالشكل ولا أحلى بس اخلاق ولا صفه جميله .
و بالاخير
من استعجل شي قبل أوانه عوقب بحرمانه
و يمدينا الحين نغير أفكارنا اذا النبته توها طلعت سهل تشيلها بس اذا صارت شجره صعب تشيلها بيدك راح تحتاج منشار و اذا كبرت اكثر بتحتاج منشار كهربائي . وساوس الشيطان لازم نشيلها قبل لا يفوت الأوان
منقول
اخت اخوها.. @akht_akhoha_15
محررة ماسية
يلزم عليك تسجيل الدخول أولًا لكتابة تعليق.
يعطيك الف عافيه ياقلبي جزاك الله خيريعطيك الف عافيه ياقلبي جزاك الله خير
الله يعافيك انتي الوحيده الي قدرتيني :icon33:
اسأل الله ان يجعلنا ممن يغضوا ابصارهم 00وجزاك الله كل خير00اسأل الله ان يجعلنا ممن يغضوا ابصارهم 00وجزاك الله كل خير00
الله يعطيك العافيه اختي
الصفحة الأخيرة
جزاك الله خير