خبرات متنوعه :
*الاثاث اللي عليه كرف ممكن تغسلينه بمحلول مكون من
نص مويه ونص خل بعدين تمسحينه بزيت بذره الكتان
يعطيه منظر كانه جديد .
*الخشب المدهون ممكن تدعكينه بشاي بارد
ينظفه .
*اذا حسيتي ان سطح اثاثك الخشبي بدا يجف ويتكسر
اطلي السطح وحتي الاجزاء الداخليه بزيت بذرة الكتان .
*اذا تلصق اي ورق في الخشب عادة نقوم نحكة بسكينه
ولا باي شئ حاد بس هذا اكبر غلط .. الصح
تجيبين زيت اي نوع وتدهنين الورقه تمام و تتاكدي
ان الزيت تغلغل فيها تعالي بعد شوي تلاقينها
صارت شفافه امسكيها تلاقينها مستعده
للسحب علي طول بتطلع .
*الاستكيرز ممكن تدهنيه بالخل الابيض وتتركينه
فتره بعدين بيطلع بسرعه من الاثاث .
*عشان تشيلين البقع واثار المويه من الاثاث استخدمي
معجون الاسنان وقطعه مبلله مويه وادعكي ، اذا البقعه
مو راضيه تطلع جيبي باكينج بودر وحطي مع المعجون .
*الاثاث الجلدي عشان تنظفينه جيبي
قطعة قماش مبلله بالمويه و الصابون ونظفي ،
وبعدين تلمعين بقطعة من القطيفه .
الافضل انك تلمعينه بشويه خل مع دبل كمية الخل زيت بذر
الكتان عشان مايتشقق الجلد .
*الادراج اللي متلصقه ادعكي منطقة الاحتكاك
بشمع او صابون .
*ركبي قطعة في رجلين الكراسي حتي ماتطلع صوت
وما تتاثر في الفينيل .
( القطع تلاقينها في دايسو وفي ساكو وهوم بلازا )
* الاثاث الثقيل ركبي في رجلينه عجلات ( فيه في ايكيا )
*الطاولات اللي عليها سطح زجاجي استخدمي عصير
الليمون ادعكي وبعدين غسلي بالمويه وجففيه بورق جرايد
واذا فيه خدوش علي الزجاج ممكن تدعكينها
بمعجون اسنان .




ارضيات لامعه :

البلاط الحجري : لاتكبين عليه المويه امسحيه بقطعه مبلله .
واذا صار فيه بقع غسلي البقعه بمويه وخل واتركيه الين ينشف
بدون شطف .
البلاط الموزايك : بس يحتاج مسح بالاسفنجه .
الباركيه : لا تستخدمين اي مواد تنظيف
تجيبين ممسحة قطنيه ومويه دافيه وتمسحين الارض .
ومره في الشهر تحطين مع المويه ملعقتين اكل كحول مثيلي .
والبقعه تغسلينها بكريم منظف بعدين تشطفينه باسفنجه مبلله وتجففين
الباركيه ماتكبين عليه مويه ابدا ابدا.
الفينيل : يكفي مويه وممسحة واي صابون غسيل .
بس ماتكبين عليه المويه لانه اذا نزلت المويه تحت الفينيل
بتخمج وتعفن لك المكان وتسوي تنفخ تحت الفينيل .
- انتبهي تحطين كوب حار اصحن عليه بياثر علي طول .
- تاكدي ان العامل مثبت الاطراف تمام ولا بيتفكك عليك .

- ممكن تلمعينه من فتره لفتره بورنيش الارضيات .



الرخام :
*يغسل بمويه دافيه وصابون خاص مع ضروره
تكون الفرشة ناااعمه . ولازم يتجفف بعد الغسل لان المويه اذا تركت عالرخام
بدون تجفيف تقلل من لمعانه وتسبب بقع .
*اي بقعه تصير علي الرخام لازم تنغسل فورا ..
*بقع الحبر تغسيل بقطعه قماش مبلله بمويه
وامونياك وتغسلينها بالضرب مش بالمسح..
تضربين ضربات صغيره علي البقعه حتي ماينتشر الحبر .
وبعد كذا تغسلينه بمويه دافيه وتجففينه .
وبقع الفاكةه و الخضار و القهوه كلها تغسل بمويه
وصابون خاص وشوية امونياك .بعدين يشطف تمام .
*انتبهي تغسلين الرخام بالاحماض لانه فيها كبرونات
كالسيوم تسبب تآكل طبقة الرخام .


لمسات :
*الابجوارات البلاسيتك ممكن تغسلينها بالمويه
و الصابون وتعرضينها للهوا حتي تجف .
*الابجورات القماش ممكن تنظفينها بمنظف جاف
يجي علي شكل سبراي .
*الابجوارت اللي فيها كسرات ممكن تنظفينها
بفرشة حلاقه غير مستخدمه او فرشه بلاشر .
*الكرستالات في الثريات تغسيلنها بمويه وخل
وامونياك تخليها تلمع .
*حركة قديمه يمكن في احد مايعرفها
تبخين علي لمبه الابجوره العطر اللي تحبين ..
اذا ولعتيها بتطلع ريحه .


الجدران :

*بقع الدهن تنظفينها باي مبيض بس تكوني
عارفه بويتك من اي نوع في انواع من البويات
تروح مع المبيض .
*بقع الالوان و الحبر فورا بعد الشخمطه تروح بمزيل المناكير .
*بقعه مو عارفه هي ايش تنظفينها بمويه دافيه فيها
منظف قوي مع باكينج بورد .
*اقلام الرصاص ممكن تروح بالمسحاة .
*بقع الشمع نحط عليها ورق نشاف بعدين نضغط
عليها بالكاويه ، اذا كان الشمع ملون ممكن نضيف عليه
باكينج بودر .
*ورق الجدران تمسحينه بقطعه مبلله بمويه .

تنظيف الحمام :

الحمام الصيـنـي
* البقع الزرقا او الخضرا في الحمام يسمونها
بقع التنقيط الي تكونت بسبة تنقيط صنبور المويه
هذه البقع تروح بالدعك بالكلوركس او اي مبيض
مع النشادر وركبي صنبور مويه جديد عشان
ماترجع لك البقعه
*بقع الصدا تروح بالمبيض او بالليمون او الملح .
*عشان يرجع البانيو يلمع ويروح صفاره
نظفيه محلول ملح مع التربنتين وفي كل
الحالات لازم الدعك القوي وشطف الزين .

الحمام الاكيرليك و الفيبرجلاس
* البقع العنيدة ادعيكها بورق صنفره ناعم
الين يصير السطح ناعم بعدين امسحي عليه
بورنيش .
* لتنظيف البانيو استخدمي قماش نايلون
*بقايا الصابون هنا تروح بالليفه المعدنيه
مع خل و مويه

القيشاني
*يغسل لازم بالمويه و الصابون مش بس الويه
عشان لونه مايغمق .
*يجب تجفيفه بعد الغسيل .
*انتبهي مايحمل ثقل كبير علي اسطحه
لانه ممكن ينكسر .

تنظيف التواليت
افضل طريقه هي استخدام منظف خاص
وتتركينه يتنقع ويتغلغل في القاع
قرابه الساعتين اذا منظف عادي
واذا منظف مختص نص ساعه تكفي

ستائر الحمام :

*تنظيف الستاير البلاستيكيه ممكن ياا دويا و ممكن
في الغساله في موية دافيه وبس مده 3 دقائق او 5 مو اكثر

* لا تحطينها في النشافه ، هزيها وعلقيها
هي بتنشف من حالها .

*حتي ما يتجمع ويمسك الوسخ في
الستاره انقعيها في مويه وملح قبل التعليق .




غسيل الملابس :
* كتالوج الغساله خليه عندك لاترمينه عشان ترجعين له .
* لاتعبين الغساله ملابس فوق حمولتها لانها ماراح تغسل زين .
* تذكري ان المويه الحاره يذوب فيه صابون الغسيل افضل من
المويه الباردة .
*اذا ارضيتك ناعمه راح تتحرك الغساله عشان كذا لازم
تحطين تحت اركانها قطع بلاط او قطع مشمع .

بعد الغسيل
* اذا طلعتي الملابس من الغساله وبتنشفينهم وفيهم شوية بلل
انتبهي لا تخلينهم في السله فتره لان بعض الملابس
الوانها بتطبع والبلل بيعفن الملابس .

* اذا بتنشفين تي شيرت عليه صور في حبل
خليه مقلوب او في الليل حتي ما تبهت الصوره .


* خلي سلال جنب الغسيل
سله للي يبغاله تطبيق سله للتعليق
سله للي يبغاله كوي وكذا اسهل و اسرع في الوقت .



لكل بقعه علاج
- رغوة الحلاقه مزيل ممتاز للبقع .
- عصير الليمون بشيل بعض بقع الاكل
مو كلها .بس لازم تغسلينها بعد عصير الليمون .
- بقع الفاكهة ممكن تغطينها بملح وتخليها شوي بعدين تغسلينها .
-الصمغ : ممكن يروح بالمويه .
-بقع الدم : يروح بالمويه الحاره .
وممكن تغسلينه بمويه مذاب فيها حبة اسبرين .
- بقعة الزبدة : خلي البقعه بين ورقتين نشاف واكويها
بدرجة حراره خفيفة كذا تذوب الزبده ويمتصها الورق
- بقعة الشمع : خذي القطعه وحطيها في الفريزر
كذا تقدرين تشيلينها ان شاء الله .
او انك تمررين علي البقعه بالثلج عشان يتجمد الشمع .
- بقع اللبان : نفس حل الشمع .
بعدين اشطفيها بمويه بارده .
- بقع الشوكولاته : غسليه بمويه حاره
وحطي سائل تنظيف في ظهر البقعه او ظهر القماش ونظفي في المويه الحاره .
- بقع القهوة : لازم تنغسل فووورا بمويه حاره .
- بقع الميكاج : استخدمي الجلسرين وانتي تغسلين البقعه
اذا ماراح انقعيه في النشادر .
- بقع البيض : انتبهي لاتغسلينه بمويه حاره
غسليه يمويه باردة مع ملح .
- بقع البويه : افضل شئ هو التنر .
- بقع العطور : لازم تغسلينها فورا بمويه باردة
مع الجلسرين او ممكن الخل .
- بقع العرق القديمه : استخدمي الخل الابيض او انقعيها
في مويه دافيه فيها ملح .
وممكن تنقعيه في كلوركس بس مو اكثر من 10 دقايق .
- بقع الصلصال : تروح ببودة التلك او بمويه باردة .
- بقع صبعة الشعر : الافضل تتعالج قبل ماتنشف
تشطفينها بمويه بادرة مع اي صابون وممكن
تضيفين الخل الابيض .
- بقع الحبر : تروح بالخل الابيض او النشادر
مع المويه البارده او التنر .
- بقع الصدأ : تحطين علي البقعه شريحة ليمون وتدعكينها .
- بقع علي قماش شاموا :اذا الوسخ سطحي ممكن تمسحينها بمساحة
او بقماش كريب


أخطآء في علاج البقع
- لاتنقعي الصوف ولا الحرير والانسجه القابله
للاشتعال في اي ولا شئ ولامويه باردة
- لاتصبين سائل التنظيف علي البقعه مباشره
اربتي علي البقعه باسفنجه او قماش .
- لاتسخدمين اي مبيض مباشر بدون تخفيف
مع اي قطعه .
- لاتستخدمين مزيل المناكير للملابس
لانه بيشيل لالبقعه ولون القماش .


الكوي :

* كل فترة وفترة ونظفي الكاويه بقطعه قماش
مغموسه بالملح اومرطبة بالخل .

* دائما فضي كاويه البخار من المويه
عشان ماتنسد الفتحات او يصير في ترسبات .

* اذا في الكاويه بقع بنيه محترقه ادعكيها
بمحلول حار من الخل و الملح .

* اذا فيه بقع نشا علي الكاويه ادعكيها بصابون
وهي حاره بعدين امسحيها بالقماش .

* حتي تسرعين من الكوي افردي قصدير
علي طاوله الكوي وحطي فوقها قماش
بعدين اككوي بتنعكس الحراره من القصدير
ويصير حراره من الجهتين ويصر الكوي اسرع

* عشان تثبتين كسرات البنطلون او التنانير
بخيها نشا من داخل او اكويها وهي رطبه

ارشادات الغسيل
هذه معاني الرموز الي نلاقيها في الملابس

[IMG]http://imagecache.****.com/imgcache/252b0186c53d6f46000e123319775c63.jpg[/IMG] هذه ترمز للمبيض .
[IMG]http://imagecache.****.com/imgcache/ab67e89ff014a27f1d6ab9349b9abcc3.jpg[/IMG] ترمز للتنشيف .
[IMG]http://imagecache.****.com/imgcache/90d72e8203a38f8ce7c9c7014cb960d3.jpg[/IMG] ترمز للكوي .
[IMG]http://imagecache.****.com/imgcache/924e496d718a6c783873b2b7a895a1a1.jpg[/IMG] هذه ترمز للتنظيف الجاف .

الارشادات
النقط في الرموز ترمز للحراره اذا نقطه يعني بارد واذا 3 حار .
[IMG]http://imagecache.****.com/imgcache/73216664c68df4aef7c0a46df0b7cce7.jpg[/IMG] هنا تعني غسيل باليد ، [IMG]http://imagecache.****.com/imgcache/476922f419373e6979c9b7a41c3fa1e8.jpg[/IMG] يعني لا تغسل ( تجي احيانا عالسجاد )
[IMG]http://imagecache.****.com/imgcache/1fa3987ac0ba7b4ae9d0fbda6534b13e.jpg[/IMG] تعني لاتضيف المبيض ، [IMG]http://imagecache.****.com/imgcache/27ce115543c0b9f806f9cbb4e431a9e4.jpg[/IMG] تعني اضيفي مبيض آمن .
[IMG]http://imagecache.****.com/imgcache/6cae7b669c9aebf22488560c92a433e2.jpg[/IMG] ترمز بعدم استخدام مكواة البخار

الحشرات بالبيت

انتباه :
- لا تخلين اي اكل مكشوف .
- احرصي انك تلمين اي فتات اكل علي الارض .
- احرصي انك تغسلين الصحون بعد الوجبه .
- الزباله الله يكرمكم تجمع الحشرات لازم تتنظف دائما .
- البالوعات يبغالها مطهرات علي طول حتي ماتدخل منها الحشرات .
- قفلي اي شق في الجدران او الارضيات .

النمل
- امشي ورا النمل حتي تلاقين بيتهم
او ببساطه تقولين لهم روحوا من غير مطرود ..( مجربه [IMG]http://imagecache.****.com/imgcache/e84c0a6dc859314fb84454e601ca74b7.gif[/IMG] )
- رشي البفباف عند الاحواض في الحمام والشبابيك .
- ممكن تحطين بن عند بيوت النمل ،، يمدحون هذه الطريقه
- لا تنسين ان النمل يحب السكر يعني انتبهي من الحلويات اللي
تنكب علي الارض وتطيح هنا وهناك
- جربي السمسم في اركان الغرف النمل يكره ريحته .
- علبه العسل دائما عندها نمل اخذة طريقه من عند جدتي
احط علبة العسل في زبديه فيها مويه وكذا ودعت النمل عند العسل
- او تحطين بقايا خيار عند بيوت النمل .
- او ممكن قطع فلفل احمر حار عشان تطردهم .

حشرة البق
- هذه حشره تتكاثر في السرر و المخدات و الشراشف
وممكن تطور الحاله ويصيرون في كل مكان خشبي في البيت ..
اذا شفتي وحده بس في فراشك غسليه وعرضيه للشمس
ورشيها بميبيد وغسيلها وعرضبها للشمس مره ثانيه .
بس انا اشوف الافضل تنرمي القطعه
وتجيبين شركه رش للبيت
لانها عله هذه الحشره مدام في وحده يعني فيه غيرها
تتكاثر بسرعه ..
- انتبهي اذا جاتك شركه تستخدم مبيد التوكسافين
لانه سام قاتل .

الصراصير
- افضل حل انك تجيبين متخصين يبخون بالوعات الحمامات
لانها تجي من هناك الله يقرفها
.


الذبان
فيه مصدرين للذبان
- باب او شباك مفتوح .
- وساخه في مكان ما في البيت .
- حطي عوازل شبكيه للشبابيك .
- هالله هالله بالبفباف و الريد .
- في المطبخ حطي نص ليمون وعليها حبات قرنفل يكرهها الذبان .
- امسحي بزيت اللافندر حواف الابواب و الشبابيك
بتمنعهم من الدخول .
- او اذا طلعتوا كشته انثري حول جلستكم نعناع جاف ان شاء الله
مايجيكم الذبان ولا الناموس وتهف عليكم ريحة حلوه
- او تجمعين ورود لافندر او اوراقه وتحطينهم بكيسه وتعلقينهم في
البيت بيطردهم

لبيت آمن

- الادويه اللي تنتهي وقتها ارميها فورا .
- الادويه و المنظفات لازم لازم تكون مرتفعه عن الاطفال
انتبهي تحطين منظفات في دولاب سفلي او في الحمام ..
الاطفال عندهم فضول قاتل .
- انتبهي لا تحطين الاجهزة الكهربائيه فوق بعض
مثلا الرسيفر و الدفي دي و الفيديو او او كلها تسبب تخسين الاجهزة
وتسخين الاسلاك و الافياش وتسبب كوارث .
- اذا انكسر عندك قزاز لفيه بورق جرايد او كيس وارمميه في
الزياله الله يكرمكم لانها اذا كانت في الزباله ممكن تقطع الكيس
وتصير طالعه وتضر
- وقت الترويش انتي شغلي المويه وانتي قفليها
وحذري دايما ولدك مايشغل المويه من بعدك ممكن تجيه حاره
وممكن يعبي البانيو للاخير ويسبب غرق لنفسه .
بعد الترويش شيلي السداده وارفعيها مكان مايوصله طفلك .
- في المطبخ خلي كل الاجهزه بعيده عن الطرف ومايتدلي
منها سلك عشان مايجرها الطفل وتطيح عليه .
- وقت الكوي انتبهي مايكون طفلك حولك ..
يجيكي من هنا ولا يحط يده هنا وينحرق .
- خليكي دائما منتبهة لاي شئ صغير
ممكن يبلعونه الصغار و يسبب اختناق
خصوصا اللي تحت عمر السنه .
- لازم تحذرين اطفالك مايلعبون في الستاير
و اكياس البلاستيك منعا من الاختناق الله يحفظهم .
- خلي عندك في المطبخ قطعه صوف او بطانيه
قدميه لاسمح الله صار حريق ترمين القطعه علي
القدر او المقلاه .
( طبعا نعرف ان استخدام المويه عشان نطفي نار
من القدر هي اكبر غلط ، لانه مع الزيت بتشب زياده ).
- انتبهي تطفين جهاز كهربائي ويدك مبلوله ورجلك حافيه .
- لاتسمحين لاخوكي ولا ابوكي ولا زوجك يدخن في السرير .
- لا تمدين توصيله تحت بساط ولا تثقلين علي اي توصيله .
- لاتحطين بخاخات او مواد منظفه قريبه من الفرن .
- اذا تكسرت عندك كاسه جيبي فوطه مبلله ومسحي الارض
عشان تلصق الكسرات اللي ماتشوفينها .


الخبرات لايمكن حصرها ولا يمكن تعدادها ،،
على عدد الناس و الثقافات تختلف الافكار و الطرق ..
خالصودي ،،

منقول للفايده
13-11-1431 هـ, 10:49 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
روووعه
13-11-1431 هـ, 10:52 مساءً
 
مشكوره الله يجزاك خييييييييييييييييييير
13-11-1431 هـ, 10:58 مساءً
 
معلومات رائعه وإن شاء الله أجربها
والله ويعطيك العافيه
13-11-1431 هـ, 10:58 مساءً
 
موضوع قيم تشكرى عليه
13-11-1431 هـ, 10:58 مساءً
 


الساعة الآن 11:52 .