يابنات وينكم الفطريات ماراحت لسا باقي والدكتور يقول استخدميها يومين بعد بس باقى فمها ابيض وش السواة

شوفي حبيبتي أنا ولدي من الاربعين جته فطريات وتعبتنا معه حيل

والمشكلة اذا ماراحت كلها ترجع تتكاثر من جديد اللي اعرفه اللي ترضع طبيعي لازم تحط بعد على حلمات صدرها اقري النشره اللي مع الجل

يمكن طريقتك غلط في الاستخدام


انا استخدمت علاج اسمه ميكوسات 1 ملم ثلاث مرات باليوم

واستخدمت الجل كم مره لانه ولدي مايتحمله


في العلاجين المفروض بعده ماتعطينها رضعه مباشرة تخلينه بالفم اكثر فترة ممكنه علشان ياخذ مفعوله


العلاج الاول تحطين منه في باطن الخدين وعلى اللسان وتحت اللسان


في العلاج الثاني اللي هو الجل حطي على صبعك منه وحطي على باطن الخدين وحركي صبعك وانت تحطين برقه

وحطي على اللسان افركيه بصبعك خفيف وفي سقف الحلق

الله يشفيها ويعافيها

بس ياقلبي لاتحطيلها ماي وملح حراااام يألمها وااايد ! الكبار ومايتحملوا ماي وملح للفطريات فمابالج بطفله

خلج عالكريم الفطريات يبالها اسبوع وتروح

هذا اللي اقدر افيدج فيه

مادري كيف تحطين الكريم بس انا اللبس اصبعي السبابه شاش وحط الكريم فيه وافرك اللسان والحلق بالشاش قبل الرضعه علشان ماتستفرغ