بنات الله يحفظكم قولولي وش اسوي عشاء لان الخميس الجاي عزيمت حمولتي عندي

كم عددهم؟

الاشياء اللي ممكن تسوينها في صياني
فوتشينو
دجاج صيني
مصقعه
صينية الخضار المقلي والطبقه اللي فوقها قشطه وجبن سايل ماعرف اسمها بس هي كذا طريقتها
هذي اشياء تحضرني في هالوقت واحسها لذيذه وتناسب جميع الاذواق تقريبا

صراحه ايراني لوتس روووعه خليه الطبق الرئيسي0 وسوي صواني بسيطه معاه 00الفته00المكرونات00ورق عنب00السلطه المكسيكيه00سلطة الجرجير بالشمندر00صينيه ام ناصر بالبصل روعه وسهله00الباميه الهنديه منزلتها وحده من الخوات روعه عن تجربه 00سوي معاها رز ابيض زينيه بالبصل المحمر00سوي كبه جاهزه اقليها وسوي معاها صوص اللبن حلو واايد 00واذا احتجتي شي انا بالخدمه وعليكم بالعافيه مقدما00

شوفي سوي طبق رئيسي رز بالدجاج او اللحم ..

وسوي مقبلات (سلطات ,حمص ومتبل .الخبز تبعه قصصيه مثلثات وغلفيه بقلاد وحطيه بسلة حلوة مع السلطات ..,ورق عنب ,,سبرنج رول .محشي ملفوف .الخ من المقبلات اللي تتقنينها اختاري اللي يناسبك ..دوري بالمنتدى سلطات مبتكرة وحطيها ..ونسقيها بديكور وتزييين ...

حطي طبقين شعبي (جريش قرصان )



انتبهي تخربطين باشياء مالها سنع تتعبك وتخل بتنسيق الاطباق مثل المكرونة بالبشاميل اشوف مالها داعي ابد .والمعجنات مثل الفطاير برضو ماتنفع .. .فيه طبق رئيسي .وشعبيات ومقبلات كفاية مرة



حطي سماطك بالارض,,

لاتحطين بلاستيك خخخخخخخ اللي يرمى

حطي السماط البلاستيك القوي اللي ينغسل .. وونسقي السفرة بمناديل تناسب لون السماط وملاعق وشوك وسكاكين وكاسات .والمشروب مثلا بيبيسي وماء ..



وحطي الطبق الرئيسي اللي هو الرز في صينية كبيرة اللي لها غطاء وزبرقيها بالبيض والطماط والفلفل ,,الرز لو بتطبخينه بالبيت حطي لكل شخص كاس الاربع رز .زي كاس الجبن الكرافت الوسط .

\
وحطي لك طاولة كبيرة عليها السلطات والشعبي .والصحون يغرفون ويجلسون على السفرة ...





وحطي طاولة ثانية عليها حلا ا العشاء لو بتحطين



وانا شخصيا افضل الحلا يكون بقوالب اللي تفك يصير شكلها كشخة مررررة ,احلى من البايركس ..
\
مع سلة فواكهه بسيطة تفاح وبرتقال وعنب وموز وحبة اناناس الاناناس تعطي شكل حلو مررررررة ..مع الصحون الصغار وملاعق صغار ومناديل ..

ولاتنسين البخور



ولو العزيمة شوي رسمية عبي لك صينية شوكولاته .وصينية ثانية تمور محشية ,.وبس كفاية مع القهوة لاتحوسين عمرك بحلا قهوة .



والشاي بدون شي .او مكسرات بس ..



صدقيني بتكون عزيمتك مرتبة وماتتعبك وتواجه وتبيض الوجه ...



ولاتنسينا من دعواتك:)

من رئيي نبدء بالعصير ثم قهوه ونوع واحد حلا لانهم اكيد يجيبون معهم نوع ثاني والشاي لوحده ثم صلحي رز برياني او مقلوبه او رز ايراني حق الاخت لوتس ونوع مكرونه انا اصلح يافوتشيني او بشاميل او قواقع لانها تتصلح من بدري وعند التقديم اسخنها واصلح صينية خضار يعني من انواع المسقعات واصلح ورق عنب لازم واحيانا كوسه لانها من بدري تتصلح وعند التقديم تتسخن والسلطات اصلح تبوله وسلطه تكون بالخضار المقليه او بالبقوليات والحلى اقدم جلي او مهلبيه واقدم فواكهه الموسم واقدمها بعد العشاء في المجلس واراعي دائما اني احط انواع اللحوم ماكرر انوع في كذا طبق والخضاروالسلطات نفس الشئ مااكرر نفس المكونات احاول ان كل طبق له نكهه وطعم خاص اما اذا كان العشاء بقدمه بالمجلس احط انواع التورتيلا بحشوات متعدده همبرجر ودجاج كودو ومرتدلا تركي مدخن وساندوتش توست بحشوة لبنه وحشوة تونه وبالمراهيف البر اقدم المسخن الفلسطبني بطريقه الدجاج المنتف مو الدجاجه الكامله واحشيه واقطعه رولات واقدم تبوله وورق عنب وكبه وعصيرات وشاي اتمنى اكون افدتك