Analysis Services
السلام عليكم ورحمة الله وبركاته
انا بفكر في مشروع
وهو بيع الملابس المستعملة
بحس ان فيه ناس كتير بتقبل عليه خاصة اذا كانت الملابس نظيفة واستعمال كويس
وبما ان عندكم عبايات حلوة استقبال وجلاليب البيت والبنجابي والاستايلات الهندي عموما ولو كانت مستعملة حيبقى سعرها كويس
فيا ريت الي تقدر تشاركني تكون بتعرف اماكن بيبيعوا فيها عبايات مستعملة استعمال نظيف وموديلات مش قديمة قوي يعني حاجات معقولة والوان كويسة تقولي
ونحاول نشوف شركة شحن سعرها كويس
وتشحنهالي وانا اسوقها عندي ان شاء الله

بس اهم حاجة الأمانة ومراعاة الله في التعامل
يعني الي حتشتري بيه تقولي عليه متزوديش حاجة لأني كده كده حبعت لك نصف الربح
وانا حبيع الحاجة ونتقاسم الربح مناصفة بما يرضي الله
انتي في بداية التعامل حتبعتي لي كمية صغيرة
وانا ابيعهم وابعتلك تمنهم + نصف الربح ان شاء الله
ومن البداية انا مش حقدر ابعت اي فلوس مقدما
بس ربنا شاهد عليا اني حوصلك حقك بما يرضي الله وانا مش حقبل على نفسي الحرام
ومش معقول يوم ما حنصب حنصب في ملابس مستعملة
وزي ما قلتلك خليها في البداية بس 20 عباية علشان تطمني اني مش حنصب عليكي
ويا ريت سعر القطعة يكون مناسب ميكونش غالي قوي
اي واحدة عايزة تتعامل معايا تصلي استخارة وتشوف لو حتقدر توفر لي ايه والأسعار حتكون في حدود كام
وفيه تاجرات بينزلو حاجات مصر ححاول اشوف منهم شركات شحن رخيصة
وربنا يوفقنا
16-11-1431 هـ, 10:10 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشروعك بيكون في مصر

والمصريين يلبسون عبايات سعوديه ؟؟؟
16-11-1431 هـ, 10:41 صباحاً
 
ايوا عادي يا اتركوني المصريين بيلبسوا عبايات سعودية بس انا بصراحة فكرت شوية بعد ما كتبت الموضوع وعدلت في التوقيع بس لسه معدلتش في المضوع انا طبعا كنت اقصد عبايات الكتف
بس خليتها الاستقبال بس لأنه عباية الكتف حرام واحيانا تكون مخصرة على الجسم وانا الحمد لله اسأل الله الرزق الحلال
16-11-1431 هـ, 11:09 صباحاً
 
ااااااااااااااالله يرزقك الرزق الحلال طيب خذيلك جديده باالجمله اسعارهم اقل من100ريال وتربحي فيها تلقينها باالمعيقليه
16-11-1431 هـ, 11:39 صباحاً
 
جزاكي الله خيرا اختي عزوتي اهلي
بس حاسة المستعمل حيبقى سعره اقل بكتير فالمكسب حيكون حلو ان شاء الله لنه حيكون عليه اقبال اكتر
خاصة انه فيه ناس مش بتهلك اللبس يعني كام لبسه وخلاص فنستفاد احنا ونفيد غيرنا من الي مش بيثقدروا يجيبوا عبايا بأسعار غالية
16-11-1431 هـ, 12:51 مساءً
 


الساعة الآن 12:23 .