السلام عليكم ورحمة الله وبركاته

شخباركم بنات وسيدات الأعمال

وشو مشاريعكم إن شاء الله ما شية تمام

خواتي أنا بغيت أفتح محل في منطقتنا يبيع ملابس ومستلزمات اطفال ويبيع هدايا وتحف

طبعا المحل إيجار بفتح إن شاء الله محلين على بعض والديكور بتفنن فيه من أول شي عشان يلفت إنتباه الزباين والبضاعة متوفرة الحمدلله عند وحدة من الأخوات

وراس المال موجود الحمدلله بس بغيت أعرف كاااااااااافة التفاصيل

وأنا ألحين أطلب المساعدة من اللي سون دراسة لمشروع مثل مشروعي

يعني كيف أحسب التكاليف والديكور والإيجارات كله من تخميني واللا شو ؟؟

وشو أهم شي في دراسة المشروع عشان أضمن نجاح المشروع؟؟

بالنسبة لمواضيع دراسة الجدوى أنا شفتها

بس بغيت حد مسوي دراسة عشان يوضح لي أكثر

ومشكورين مقدما




الله يحرم كفوف اللي سوت التوقيع من النار ويدخلها الجنة ومن تحب

قولوا آمين
ما في سيدات أعمال ؟؟!!!!!!!!!!!
هلا اختي الغالية ام حمادي الحمد الله على السلامة

وان شا الله مشروع ناجح يارب

بشوف وبرد عليج من عيوني :24:
مشكورة أختي بنت البنات

هلا مرحبا اختي

أولا بالتوفيق ان شاء الله و الله يرزقج كل خير

بالنسبه لدراسة المشروع

بما أنج قريت المواضيع

لازم تطبقينها بالواقع

يعني مثلا عن الايجار

كم انتي مححد تدفعين ؟ يعني تقريبا

اسالي عن المكان اللي بتأجرين فيه

مثلا ادخلي اي محل في نفس المنطقه أو البنايه اللي بتاخذين فيها محل واسألي عن ايجاراتهم عشان تكون عندج فكره من الواقع و ليس تخمين بس

و نفس الشي لو فكرتي مثلا انج بتاخذين محل في مركز تجاري

اتصلي في الاداراه واسألي عن الايجارات

طبعا أي محل في أي مكان كل ما تزيد المساحه يزيد الايجار

بعدين بالنسبه للديكور لازم تكون عندج فكره انتي شو تبين تسوين بالضبط

يعني مثلا بتفصلين مخزان أو أرفف أو اي شي ثاني

تقدرين تمرين على نجار و تسألينه, طبعا بتعطينه مساحه تقريبيه و بتخبرينه شو بتسوين بالضبط و بتون عندج فكره كم يمكن يكلفج

دوم حطي في بالج انم اي شي يمكن يزيد أو ينقص

يعني تأكدي راس المال يكون يغطي كل التكاليف

و لا تنسين رسوم رخصة البدليه و غرفة التجاره

بالاضافه الى اللوحه الاعلانيه و كم بتكلف

نفس الشي تقدرين تمرين على أكثر من خطاط و تعطينه حجم تقريبي للوحه و بقولج كم بسويها

و أيضا الدعايه للافتتاح سواء في الجريده أو عن طريق بروشرات ( في الجريده وايد أحسن )

بالاضافه الى تكاليف المحل لاول 3 أشهمر مثل فتح خط تلفون و كهرباء و راتب عامل .. الخ


أتمنى اني افدتج ان شاء الله و الله يسهل و و يوفقج


الساعة الآن 06:15 .