مشكورة الغالية أفراح الأمة

بالنسبة للمحل هو أنا بافتح اثنينه لأني أباه وسيع وكل ما كان المحل واسع ومرتب يجذب الزباين أكثر

وأنا سألت عن المحلين وتكلفتهم

بالنسبة للديكور بسوي المحل 3 أقسام أو 4 بس الأرجح 3 أقسام، قسم للأطفال وقسم للهدايا والتحف وقسم للملابس الجاهزة

بالنسبة للي لازم أفصله هو أرفف للهدايا والتحف

وأبغي مكان لعرض الملابس الجاهزة اللي هي ملابس للأطفال وملابس للبنات الصغار وجلابيات نسائية

فأنا لين ألحين ما أعرف كيف بيكون ترتيبي للملابس
إذا عندج فكرة أتمنى أنج تفيديني بها وبكون لج شاكرة

أما مستلزمات الأطفال ممكن أرتبها وأسوي لها ديكور حلو

بالنسبة للرخصة أنا سألت عنها وعرفت كم ممكن تكلفني

أما اللوحة الإعلانية ما أعرف كم بيكون حجمها

أنا بسوي التصميم بروحي للخطاط وبودي له التصميم وبخبره بالمقاسات أريده يكون كبير شوي وبشوف كم بيقول لي

وإذا في حد عنده شي ممكن يفيدني أتمنى أنه ما يبخل عليه

ومشكورين مقدما


19-12-1425 هـ, 05:17 مساءً
 
أم حمادي..
الأفضل أنك تطلبين من وحدة عندها خبرة أنها تسوي لك دراسة كافية ووافية (بمقابل طبعاً).. هذا راح يكون أفضل لك..

أنا سبق وسويت دراسة جدوى لمشروع كنت بأسويه وكانت صراحة متتتتتتتتتتتتتتعبة جداً وتحتاج على الأقل شهر كامل علشان تطلع شاملة ودقيقة..
فيه مكاتب أيضاً ممكن يسوون لك إياها لكن أسعارهم عادة باهظة جداً وطالما مشروعك صغير حرام تدفعين فيه كثير على دراسة الجدوى..

فيه كتاب حلو اسمه كيف تبدأ مشروعك الصغير.. أو شيء من هالقبيل نسيت.. أنا شاريته من مكتبة جرير.. رائع جداً وممكن يفيدك.. لكن يشمل أشياء ما نحتاجها حنا مثل كيف تحسبين الضرائب.. وغيرها..

وتأكدي أنك مسوية الدراسة بشكل وافي (وليس بشكل مختصر سريع) مع خطة كاملة لثلاث سنوات على الأقل من بداية المشروع.. علشان تتفادين الخسارة الفادحة بإذن الله..
19-12-1425 هـ, 09:16 مساءً
 
مشكورة الغالية

أتمنى أنج تردين على رسالتي في الخاص

ومشكورة

19-12-1425 هـ, 10:00 مساءً
 
الله يوفقج *****الله ، وأنا بعد خاطري أفتح محل لأن عندي راس مال بس للأسف ما أعرف كيف أبدأ ومن وين أييب البضاعة
19-12-1425 هـ, 10:11 مساءً
 
(1) بالنسبه للملابس بحكم اني امر المحلات
اشوف بعض المحلات تحط طاوله شكلها حلو في
نص المحل وترتب الملابس عليها.

(2) لازم تكون هناك غرفه ملابس (للقياس)

اتمنى اكون افدتك.
19-12-1425 هـ, 11:15 مساءً
 


الساعة الآن 08:45 .