بنات انا متزوجة لي شهر واسبوع وعندي يوم الاربعاء عزومة لاهلي واخوالي واهل زوجي وطبعا العشا ذبيحة من برا لكن ابغى اسوي معاه صواني وحلى وسلطات اش ترشحولي اطباق وكمان اش اقدم مع القهوة والشاهي وكيف ومتى وتنظيف البيت بأيش ابدأ العزومة بعد بكرة واحس اني مشتتة ابغى اخلص كل شي يوم الثلاثاء في الليل ماابغا اكون في ربكة يوم الربوع ..
التنظيف الثلاثاء
وبما نها اول مره سوي نوع حلى وشوكولاه والحلى فيه حلى لاسنع عواطليه على شكل وردات مره حلة
والشاي يكون معه فطاير جاهزه وكانابيه
والسلطه زوي سلطه خضراء نوع ثاني يكون غريب شوي
والحلى حاولي يكون شيء ماخرب وممكن جاهز اضمن

اللهم ارزقني الوظيفه عاجلا غير اجل واشفي بنتي واجعل مابيها كأن لم يكن وارحم ابي واجمعنا به في جنانك

الله يوفقج ويرزقج ويسخر لج عباده الصالحين


اختي ادخلي قسم الطبخ كل شى فيه حلو
ربي أغفرلى مالا يعلمون وجعلني خيرا مما يظنون وجعل حياتي كلها نور وقبرنور والجنه مستقري وكل من قال أمين
شوفي يالغاليه
تنظيف البيت وترتيبه وكل شيء فيه يكون الثلاثاء حتى الحلا والفطاير سويها من الليل


يوم الاربعاء مايكون عندك الا تجهزي القهاوي وتوابع الذبيحه مثلا مصقعه او ايدام مشكل قرصان وجريش
زلطة الزبادي اوزلطه خضراء اوزلطه حاااااره...

وبالتوفييييق ياعسل
شوفي ردي هذا لوحدة من الاخوات عندها عزيمة وتبغى مساعدة

اختاري اللي يعجبك منه


شوفي سوي طبق رئيسي رز بالدجاج او اللحم ..

وسوي مقبلات (سلطات ,حمص ومتبل .الخبز تبعه قصصيه مثلثات وغلفيه بقلاد وحطيه بسلة حلوة مع السلطات ..,ورق عنب ,,سبرنج رول .محشي ملفوف .الخ من المقبلات اللي تتقنينها اختاري اللي يناسبك ..دوري بالمنتدى سلطات مبتكرة وحطيها ..ونسقيها بديكور وتزييين ...

حطي طبقين شعبي (جريش قرصان )



انتبهي تخربطين باشياء مالها سنع تتعبك وتخل بتنسيق الاطباق مثل المكرونة بالبشاميل اشوف مالها داعي ابد .والمعجنات مثل الفطاير برضو ماتنفع .. .فيه طبق رئيسي .وشعبيات ومقبلات كفاية مرة



حطي سماطك بالارض,,

لاتحطين بلاستيك خخخخخخخ اللي يرمى

حطي السماط البلاستيك القوي اللي ينغسل .. وونسقي السفرة بمناديل تناسب لون السماط وملاعق وشوك وسكاكين وكاسات .والمشروب مثلا بيبيسي وماء ..



وحطي الطبق الرئيسي اللي هو الرز في صينية كبيرة اللي لها غطاء وزبرقيها بالبيض والطماط والفلفل ,,الرز لو بتطبخينه بالبيت حطي لكل شخص كاس الاربع رز .زي كاس الجبن الكرافت الوسط .

\
وحطي لك طاولة كبيرة عليها السلطات والشعبي .والصحون يغرفون ويجلسون على السفرة ...





وحطي طاولة ثانية عليها حلا ا العشاء لو بتحطين



وانا شخصيا افضل الحلا يكون بقوالب اللي تفك يصير شكلها كشخة مررررة ,احلى من البايركس ..
\
مع سلة فواكهه بسيطة تفاح وبرتقال وعنب وموز وحبة اناناس الاناناس تعطي شكل حلو مررررررة ..مع الصحون الصغار وملاعق صغار ومناديل ..

ولاتنسين البخور



ولو العزيمة شوي رسمية عبي لك صينية شوكولاته .وصينية ثانية تمور محشية ,.وبس كفاية مع القهوة لاتحوسين عمرك بحلا قهوة .



والشاي بدون شي .او مكسرات بس ..



صدقيني بتكون عزيمتك مرتبة وماتتعبك وتواجه وتبيض الوجه ...



ولاتنسينا من دعواتك
رب اشرح لي صدري,ويسر لي امري


الساعة الآن 01:18 .